ວັນທີ 16 ກັນຍາ 2026 ຈະເປັນອີກວັນສຳຄັນຂອງວົງການ Stablecoin ເມື່ອ Circle ຜູ້ອອກ USDC ກຽມເປີດ Public Mainnet ຂອງ Arc ເຊິ່ງເປັນ Blockchain Layer 1 ທີ່ Circle ພັດທະນາຂຶ້ນມາໂດຍສະເພາະ.
ຈຸດທີ່ນ່າສົນໃຈຄື ກຸ່ມ Validator ຂອງເຄືອຂ່າຍມີສະຖາບັນການເງິນລະດັບໂລກເຂົ້າຮ່ວມ ຕັ້ງແຕ່ BlackRock, Visa ແລະ Mastercard ເຮັດໃຫ້ Arc ຖືກຈັບຕາວ່າເປັນ Blockchain ທີ່ມີສະຖາບັນການເງິນໜຸນຫຼັງຢ່າງໜາແໜ້ນ.
⛓️ ເປັນຫຍັງ Circle ຈຶ່ງສ້າງ Blockchain ຂອງຕົນເອງ?
USDC ເຕີບໂຕຂຶ້ນຈົນກາຍເປັນ Stablecoin ທີ່ມີ Market Cap ສູງ ແລະຖືກໃຊ້ງານຢູ່ຫຼາຍ Blockchain ເຊັ່ນ Ethereum, Solana, Base ແລະ Arbitrum. ແຕ່ Circle ເຫັນບັນຫາທີ່ສະຖາບັນການເງິນພົບເຈີເປັນປະຈຳ:
• ຄ່າ Gas ຂອງແຕ່ລະ Blockchain ຜັນຜວນຕາມລາຄາ Token
• ຝ່າຍ Treasury ຂອງສະຖາບັນບາງແຫ່ງບໍ່ສາມາດຖື Crypto ທີ່ຜັນຜວນເພື່ອໃຊ້ຈ່າຍ Gas ໄດ້
• Liquidity ຂອງ Stablecoin ກະຈາຍຢູ່ຫຼາຍ Chain
ການຊຳລະເງິນຂ້າມ Chain ມີຄວາມຊັບຊ້ອນ Arc ຈຶ່ງຖືກອອກແບບມາເພື່ອແກ້ບັນຫາເຫຼົ່ານີ້ໂດຍກົງ.
Arc ແມ່ນ Layer 1 Blockchain ແບບເປີດ ທີ່ Circle ວາງຕຳແໜ່ງເປັນ “Blockchain ສຳລັບການເງິນ ໂດຍມີ Stablecoin ເປັນແກນກາງ”
ຈຸດເດັ່ນຄື USDC ຖືກໃຊ້ເປັນ Gas Token ຫຼັກ ແທນ Token ທີ່ລາຄາຜັນຜວນ.
ນັ້ນໝາຍຄວາມວ່າ ຄ່າທຳນຽມສາມາດຄຳນວນເປັນ USD ໄດ້ງ່າຍກວ່າ ແລະຄາດຄະເນຕົ້ນທຶນໄດ້ຫຼາຍຂຶ້ນ ເໝາະກັບການໃຊ້ງານດ້ານການເງິນຂອງອົງກອນ.
🔐 Arc ຕ່າງຈາກ Bitcoin ແລະ Ethereum ແນວໃດ?
ໃນໄລຍະເລີ່ມຕົ້ນ Arc ບໍ່ໄດ້ເປັນ Permissionless Blockchain ແບບ Bitcoin, Ethereum ຫຼື Solana.
Validator ຖືກຄັດເລືອກແບບ Permissioned ໂດຍມີສະຖາບັນການເງິນເຂົ້າຮ່ວມ.
ຈຸດນີ້ມີມຸມມອງທີ່ຕ່າງກັນ: ຝ່າຍໜຶ່ງມອງວ່າ ການມີສະຖາບັນລະດັບໂລກເຂົ້າຮ່ວມ ອາດຊ່ວຍເພີ່ມຄວາມໜ້າເຊື່ອຖື ແລະດ້ານ Regulatory Compliance ເພື່ອດຶງເງິນຈາກ TradFi ເຂົ້າສູ່ Blockchain.
ແຕ່ອີກຝ່າຍກໍຕັ້ງຄຳຖາມວ່າ ການກະຈຸກອຳນາດ Validator ໄວ້ກັບສະຖາບັນຈຳນວນໜຶ່ງ ຈະສອດຄ່ອງກັບແນວຄິດ Decentralization ຂອງ Crypto ຫຼາຍພຽງໃດ.
🚀 Public Mainnet ວັນທີ 16 ກັນຍາ 2026 ຈະມີຫຍັງເກີດຂຶ້ນ?
Arc ເລີ່ມຈາກ Private Testnet ກ່ອນຈະເປີດ Public Testnet ໃນທ້າຍເດືອນຕຸລາ 2025.
ມີສະຖາບັນ ແລະທີມພັດທະນາຫຼາຍກວ່າ 100 ລາຍ ເຂົ້າຮ່ວມທົດສອບ ແລະປະມວນຜົນທຸລະກຳແລ້ວຫຼາຍກວ່າ 166 ລ້ານລາຍການ.
ຈາກນັ້ນເຂົ້າສູ່ Mainnet ແບບຈຳກັດ ກ່ອນຈະມາຮອດການເປີດ Public Mainnet ຢ່າງເປັນທາງການ ໃນວັນທີ 16 ກັນຍາ 2026.
🏦 BlackRock, DTCC ແລະສະຖາບັນໃຫຍ່ເຂົ້າຮ່ວມ
BlackRock ມີແຜນນຳກອງທຶນ BUIDL (BlackRock USD Institutional Digital Liquidity Fund) ທີ່ມີສິນຊັບພາຍໃຕ້ການບໍລິຫານກວ່າ $2.87 ຕື້ ເຂົ້າມາໃຫ້ບໍລິການເທິງ Arc.
ສ່ວນ DTCC ເຊິ່ງເປັນສູນກາງດ້ານການຮັບຝາກ ແລະຊຳລະຫຼັກຊັບຂອງສະຫະລັດ ກໍປະກາດຄວາມຮ່ວມມືເພື່ອເລີ່ມ Tokenize ສິນຊັບທີ່ຢູ່ພາຍໃຕ້ການດູແລເທິງ Arc ໂດຍຄາດວ່າຈະເລີ່ມໃນຊ່ວງຄຶ່ງຫຼັງຂອງປີ 2027.
ຂະນະທີ່ BNY ແລະ Standard Chartered ກໍກຳລັງສຳຫຼວດຄວາມຮ່ວມມືເພີ່ມເຕີມ ໃນດ້ານການຊຳລະສິນຊັບ Tokenized, Digital Asset Custody ແລະໂຄງສ້າງພື້ນຖານ FX.
🌐 DeFi ແລະ Wallet ທີ່ຮອງຮັບ Arc
ຝັ່ງ DeFi ມີຫຼາຍໂຄງການເຂົ້າຮ່ວມ ເຊັ່ນ: Aave, Uniswap, Morpho, Aerodrome ແລະ FalconX
ສ່ວນຝັ່ງ Payment ມີ: Rain, Thunes ແລະ Wirex
ສຳລັບ Wallet ກໍມີ: MetaMask, Ledger, Kraken, Fireblocks ແລະ Binance Wallet ໂດຍ Binance Wallet ຈະຮອງຮັບ Arc ຕັ້ງແຕ່ວັນເປີດຕົວ ເຊັ່ນກັນ.
🪙 ARC ແລະ USDC ບໍ່ແມ່ນ Token ດຽວກັນ
ຈຸດທີ່ຫຼາຍຄົນອາດສັບສົນຄື Arc ມີ Token ຂອງຕົນເອງຊື່ ARC ແຍກອອກຈາກ USDC.
• USDC → ໃຊ້ເປັນ Gas Token ຫຼັກຂອງເຄືອຂ່າຍ
• ARC → ເປັນ “Coordination Asset” ຂອງເຄືອຂ່າຍ ARC ຈະມີບົດບາດດ້ານ Governance ແລະການກຳນົດ Economic Parameters ເຊັ່ນ ຄ່າທຳນຽມ, Inflation ແລະກົນໄກ Burn ທີ່ເຊື່ອມໂຍງກັບປະລິມານການໃຊ້ງານຈິງ.
ໃນອະນາຄົດ Arc ຍັງມີແຜນປ່ຽນຈາກ Proof-of-Authority (PoA) ໄປສູ່ Proof-of-Stake (PoS) ໂດຍອາໄສການ Stake ແລະ Delegate ARC Token.
👀 ເປັນຫຍັງ Arc ຈຶ່ງນ່າຈັບຕາ?
ສິ່ງທີ່ນ່າສົນໃຈອາດບໍ່ແມ່ນພຽງແຕ່ Technology ແຕ່ແມ່ນ ທິດທາງຂອງຕະຫຼາດ. ການທີ່ສະຖາບັນການເງິນລະດັບໂລກ ຕັ້ງແຕ່ BlackRock ໄປຈົນເຖິງ Visa ແລະ Mastercard ເຂົ້າມາມີບົດບາດເປັນ Validator ຂອງ Blockchain ສາທາລະນະ ສະທ້ອນໃຫ້ເຫັນວ່າ: TradFi ແລະ On-chain Finance ກຳລັງເຂົ້າໃກ້ກັນຫຼາຍຂຶ້ນ. ແລະ Stablecoin ກຳລັງຖືກຈັບຕາໃນຖານະໂຄງສ້າງພື້ນຖານສຳຄັນສຳລັບການເງິນຮູບແບບໃໝ່.
📌 ແຫຼ່ງຂໍ້ມູນ:
• Circle — Introducing Arc
• Circle — Founding Validator Cohort & Major Integrations
• TechTimes — Circle Arc Mainnet
• Arc — ARC Token Whitepaper
🚨 ຄຳເຕືອນ: Cryptocurrency ແລະ Digital Token ມີຄວາມສ່ຽງສູງ ທ່ານອາດສູນເສຍເງິນລົງທຶນໄດ້ທັງໝົດ. ກະລຸນາສຶກສາຂໍ້ມູນ ແລະລົງທຶນໃຫ້ເໝາະສົມກັບລະດັບຄວາມສ່ຽງທີ່ທ່ານຍອມຮັບໄດ້.
