Shadyr6

Binance Lotin Amerikasi va Yaqin Sharqda kripto debet kartalarini to‘xtatadi

Kriptovalyuta birjasi Binance 25-avgustdan boshlab Lotin Amerikasi va Yaqin Sharqda kripto debet kartasi xizmatlarini to‘xtatadi.

Kripto debet kartasi boshqa debet kartalar kabi ishlagan va foydalanuvchilarga kundalik tovarlar hamda xizmatlar uchun to‘lov qilish imkonini bergan. Yagona farqi shundaki, bu kartalar kriptovalyuta aktivlari bilan to‘ldirilgan.

Lotin Amerikasi va Yaqin Sharqdagi kripto debet kartasi xizmatlari 21-sentabrgacha tugatiladi, biroq birja pulni qaytarish va nizolarni 2023-yil 20-dekabrgacha ko‘rib chiqish mumkinligini ma’lum qildi.

Binance xizmatlar to‘xtatilishining aniq sababini oshkor qilmadi, ammo bu o‘zgarishlar ta’sir ko‘rsatilayotgan hududlardagi foydalanuvchilarning atigi 1 foiziga taalluqli bo‘lishini bildirdi.

Vau