Dunyodagi eng yirik kriptovalyuta birjasi Binance bosh direktori Changpeng Zhao Twitter’da Bitcoin pufak ekani haqida da’vo qilayotgan ayrim taxminlarga asoslangan va chalg‘ituvchi sarlavhalarni tanqid qildi.

CZ yangiliklar manbasida ulashilgan “Bitcoin pufagi yorilish arafasidami?” nomli maqoladan iqtibos keltirib, BTC narxi har gal keskin tushganidan keyin paydo bo‘ladigan bu sarlavhalarni tanqid qildi va “yana boshlandi” deb izoh berdi.

Xususan, ayrim yirik xorijiy OAV BTC narxi har gal keskin tushganida ilgari ham shunday sarlavhalarni e’lon qilib kelgan va bu kriptovalyuta hamjamiyati orasida masxara mavzusiga aylangan.

“Bitcoin pufagi yorilyaptimi?” — an’anaviy OAVdagi bunday xabarlar hozirgacha BTC narxi eng past nuqtaga yetganidan darak bergan

Binance bosh direktori CZ, shuningdek, narx pasayganidan keyin bunday sarlavhalar qayerga yo‘qolishini o‘ylaganini va bu xabar kutilganidek chiqqanini ham nazarda tutdi.

Eng e’tiborga molik jihati — Zhao bunday xabarlar bir belgi ekanini aytdi. Kriptovalyuta bozorida “pufak” haqidagi bunday xabarlar BTC narxi eng past nuqtaga yetganidan darak beradi, degan qarash bor. Ehtimol, Changpeng Zhao aynan shuni nazarda tutgandir. Zhaoning aytishicha, bunday xabarlar “muayyan nuqtani belgilaydi”.

#BTC #cryptocurrency #blockchain