#ETH #Ethereum #eth2.0 #Regulation
Raqamli valyutalarga investitsiya kirituvchi yetakchi kompaniya Grayscale uchta yangi mahsulotni boshqaradigan Grayscale Funds Trust nomli yangi tijorat tuzilmasini tashkil etganini e’lon qildi. Ular orasida Ethereum fyucherslariga asoslangan ETF ham bor. Grayscale yangi birjada savdo qilinadigan mahsulotlarni yaratish uchun AQSh Qimmatli qog‘ozlar va birjalar komissiyasiga (SEC) uchta ariza topshirdi. Kompaniya SECning ushbu arizalarga javobini kutmoqda.
Bu qadam Grayscale va SEC o‘rtasida Bitcoin ETFini tasdiqlash rad etilgani yuzasidan kelib chiqqan nizo fonida amalga oshirildi. Grayscale qaror ustidan shikoyat qildi va javobni kutmoqda.
Grayscale Ethereum Futures ETF uchta yangi mahsulot orasida eng e’tiborga molikidir. Kompaniya shu paytgacha Ethereum fyucherslari bozorida faoliyat yuritmagan. Grayscale’ning boshqa fondlari spot kriptovalyutalar bilan bog‘liq bo‘lgan.
SECga topshirilgan arizaga ko‘ra, fond investitsiya maqsadiga asosan Ethereum fyuchers shartnomalariga faol boshqariladigan mablag‘ kiritish orqali erishishni ko‘zlaydi. Fond o‘zida saqlanayotgan fyucherslar asosidagi Etherning jami nazariy qiymati fondning sof aktivlarining taxminan 100 foiziga teng bo‘lishini ta’minlash uchun ma’lum miqdorda Ethereum fyucherslarini sotib oladi.
Grayscale bosh direktori Maykl Sonnenshaynning aytishicha, ushbu va boshqa fondlarga berilgan arizalar kompaniya tartibga solinadigan hamda fyucherslarga asoslangan mahsulotlarni yaratish va boshqarishda davom etishi uchun poydevor yaratishga qaratilgan.
Grayscale’ning yangi rejalari SEC bilan kompaniyaning Grayscale Bitcoin Trust fondini fond birjasida erkin savdo qilinishi mumkin bo‘lgan Bitcoin ETF’iga aylantirish haqidagi arizasi rad etilgani yuzasidan kelib chiqqan nizodan keyin e’lon qilindi. Grayscale qaror ustidan shikoyat qilish uchun ishni sudga olib chiqdi.
Shuni ta’kidlash joizki, SEC Bitcoin ETF’lariga oid barcha arizalarni rad etgan bo‘lsa-da, Bitcoin fyucherslariga asoslangan fondlar bo‘yicha takliflarni qabul qiladi. Biroq, bular turli qoidalar va ehtiyot choralariga bo‘ysunadigan boshqa mahsulotlardir.
Hozircha Grayscale yangi mahsulotlari ma’qullanishini bilish uchun SECning arizalariga javobini kutmoqda. Grayscale Ethereum Futures ETF’ining ishga tushirilishi kompaniya uchun ETF’lar olamidagi muhim qadam bo‘lishi mumkin.