Ethereum’da kunlik tranzaksiya to‘lovlari kamayib, so‘nggi sakkiz oydagi eng past darajaga tushdi. CryptoQuant blokcheyn tahlili kompaniyasi ma’lumotlariga ko‘ra, yakshanba kuni Ethereum foydalanuvchilarining tranzaksiya to‘lovlari 1,719 ETH’gacha pasaydi. Bu taxminan 2,8 million dollarga teng bo‘lib, 26-dekabrdan beri qayd etilgan eng past ko‘rsatkichdir. To‘lovlarning pasayishi tarmoqdagi faollikning sustligi va 2-qavat (L2) masshtablash yechimlarining tobora ommalashib borayotgani bilan bog‘liq. Xususan, Friend.tech kabi yechimlar L2 yechimlariga qiziqishni oshirmoqda. Ethereum’ning L2 yechimlari qatoriga Optimism, Arbitrum va Base kiradi. Ular tarmoqdagi tirbandlikni kamaytirish va tranzaksiya xarajatlarini pasaytirishga qaratilgan. IntoTheBlock ma’lumotlariga ko‘ra, Optimism asosiy tarmog‘idagi tranzaksiyalar hajmi rekord darajaga yetdi. L2 yechimlari o‘rtasidagi raqobat kuchayib borar ekan, Ethereum’ning mavqei ham mustahkamlanishda davom etmoqda.
Maqola
Ethereum 8 oy ortda
--