📃 في تصريح مؤخرًا للأستاذ إيهاب واصف، اتكلم فيه عن إن تطبيقات تداول الذهب مش بالضرورة تكون واخدة موافقة من الرقابة المالية لمزاولة النشاط ده، وكان رئيس شركة أزيموت اتكلم عن نفس النقطة دي قبل كده في بودكاست.

يعني ببساطة، في البورصة مثلًا، شركات الوساطة والعمليات اللي بتتم على الأسهم بتخضع لنظام رقابي واضح، فيه جهات مستقلة بتراقب التداول وتقدر تراجع العمليات، وده بهدف الحفاظ على حقوق المستثمرين وكشف أي تلاعب.👌

إنما في تطبيقات تداول الذهب، تنفيذ العمليات وتسجيلها بيتم من خلال أنظمة الشركات نفسها، ومش بالضرورة يكون فيه نظام تداول أو تسوية مستقل مرتبط بالعملية، يتيح مراجعتها بنفس الطريقة.

🧯 وهنا لازم نفرّق بين إن الشركة معاها ترخيص لمزاولة نشاط معين، وبين إن النشاط اللي بتقدمه للعملاء نفسه يكون خاضع لرقابة متخصصة.

فوجود سجل تجاري أو ترخيص عام للشركة، أو موافقات لممارسة أنشطة مرتبطة بالذهب، مش معناه بالضرورة إن كل نشاط بتقدمه من خلال التطبيق حاصل على الترخيص المطلوب.📔

شكرًا للأستاذ إيهاب واصف على طرح النقطة دي، ونتمنى نشوف قريب إطار رقابي متخصص وواضح للأنشطة دي، نظرا لاهميتها واننا متاخرين فيها .🙏🏻

#BinancePick #EarningsSeason #egypt $NVDAB $AAPLB $MSFTB