السلام عليكم ورحمة الله وبركاته،
إلى أصحاب المساحات:
أتمنى منكم التركيز أكثر في تنظيم الصفقات اللي تقدمونها للمتداولين. لاحظت في بعض المساحات أنهم يطرحون عشرات العملات، وهذا الشيء برأيي خطأ. أنا لي سنين بهالسوق، وأفهم معنى التحليل. واللي قاعد يصير بهالطريقة مو تحليل، هذا أقرب لضربة حظ، أو بالأحرى كأنه قمار. نشتري عشرين أو خمس عشرة عملة، وننتظر اللي ترتفع ونبيعها؟ هذا كلام غير احترافي. الهدف من المساحات هو تبادل الخبرات، مو استعراض منو الأفضل. اللي عنده خبرة يفيد غيره. ولاحظت بالفترة الأخيرة كثرة المشاكل بين أصحاب المساحات. كل شوي يطلع أحد يتهم غيره بأمور ما تليق، أو يطلع شخص ويقول أنا الوحيد اللي أفهم، والباقي كلهم جهلة. عشان جذي، أتمنى كل شخص يركز على مساحته ومحتواه، ونحترم بعضنا، عشان نخلي هالمساحات أفضل وأكثر فائدة لنا ولكم. وشكراً.