🚨يا جماعة في حكي كتير مهم طلع من ندوة "جاكسون هول" الاقتصادية وبيهمنا كلنا كمستثمرين ومتداولين بسوق الكريبتو لأن الخناقة هالمرة عم تدور حولين مستقبل العملات يلي بنأمن فيها سيولتنا كل يوم.💡 الموضوع باختصار وبكم نقطة:

1️⃣ هجوم تقيل من البنوك المركزية:مسؤول كبير ببنك التسويات الدولية (ومرشح قوي ليستلم البنك المركزي الأوروبي) اسمه "بابلو دي كوس" طلع وقال العملات المستقرة مانها وسيلة دفع موثوقة على نطاق واسع.. وعم يروجوا لشي جديد اسمه "الودائع المرمزة" يلي بتصدرها البنوك العادية وشايفينها هي البديل للمدفوعات اليومية.

2️⃣ رعب من "الدولرة الرقمية":المسؤولين الدوليين برات أميركا بلشانين يرتعبوا من قصة الدولرة الرقمية. شايفين إنو انتشار الـ USDT والـ USDC بشكل مرعب بيضعف السيادة النقدية لباقي الدول وبخربلها سياستها المالية المحلية.

3️⃣ أميركا مبسوطة وعم تدعم...بالمقابل وزير الخزانة الأميركي "سكوت بيسنت" شايف الموضوع من منظور تاني خالص... معتبر العملات المستقرة "ثورة رقمية" بتخدم مصلحة أميركا لأنها بتثبت هيمنة الدولار بالعالم وبتخلي الشركات تشتري سندات خزانة أميركية بتريليونات الدولارات لتغطي عملاتها.

📉 طيب شو بيفيدنا هالحكي كمتداولين؟؟؟

واضح أنو القوانين الجاية بالطريق رح تكون قاسية ورح نشوف "عض أصابع" وخناقة كبيرة بالفترة الجاية بين البنوك المركزية يلي بدها تفرض سيطرتها 💪وبين شركات الكريبتو.🔥

💬 شاركوني برأيكن :بتتوقعوا البنوك التقليدية تقدر تسحب البساط من الـ USDT والـ USDC؟ ولا عملات الكريبتو المستقرة صارت أكبر من أنو حدا يوقف بوجهها

#Stablecoins #USDT #CryptoNews #BinanceSquare #BinanceArabic