Erik X

နယ်စပ်မြေပိုင်နက် အငြင်းပွားမှုနှင့် စစ်ပွဲကြီးတစ်ခုဖြစ်ပွားတော့မလို ဖြစ်ခဲ့သော ထိုင်းနိုင်ငံတွင် မလေးရှားနယ်စပ်ဖြစ်သော တောင်ပိုင်းတွင်လည်း လက်နှက်ကိုင် သောင်းကျန်းမှုများ အကြမ်းဖက်မှုများ နေ့စဉ်လိုလို ဖြစ်ပွားနေပြီး နယ်ခြားစည်းတလျောက်လုံးတွင် မရေမတွက်နိုင်သော များပြား ကွဲပြားလှသည့် လက်နှက်ကိုင် တိုင်းရင်းသားတပ်များစွာအပြင် ကမ္ဘာပေါ်တွင် နာမည်အကြီးဆုံး အွန်လိုင်း စကမ်မာများ အခြေစိုက်သည့် cambodia Lao myanmar နယ်ခြားမြို့များစွာ နှင့် ကမ္ဘာ့အရှည်ကြာဆုံး ပြည်တွင်းစစ်ဖြစ်နေသော မြန်မာ့နိုင်ငံရေးအရှုပ်များကြားထဲတွင် ညပ်နေသော ထိုင်းနိုင်ငံအတွက် လက်နှက်ကိုင်ဆောင် ရောင်းဝယ်ခွင့် ဥပဒေကို ချုပ်ကိုင်ရန် ကြိုးစားနေသော သူဌေးတစ်ဦးသည် golf ရိုက်ကစားနေစဉ် golf ရိုက်ရန် မြှောက်လိုက်သော golf တံမှတဆင့် လျပ်စီးစွမ်းအင်များ စီးဝင်သွားခဲ့ပြီး golf ရိုက်လိုက်ချိန်တွင် လုံးဝမမြင်ရတော့သည့် အကွာအဝေးအထိ မြောက်တက် လွင့်စင်ကာ ဝေးလွင့်သွားသည်ကို အားလုံးက အံ့ဩနေကြသော်လည်း စွမ်းအင်များ စီးဝင်သွားသည့်ကိစ္စကိုတော့ မည်သူမျှ သတိမထားမိလိုက်ကြ။
Golf ကွင်းမှအပြန်တွင် ထူးခြားစွာ လန်းဆန်းတက်ကြွနေပြီး တစ်ဘဝလုံးတွင် မကြုံတွေ့ခဲ့ရဖူးသော ပြောင်းလည်းခြင်းများကို စိတ်ထဲတွင် ခံစားနေရသည်။
ကားမောင်းနေရင်း အစီအစဉ်တစ်ခုကို အသေးစိတ်ညွှန်ကြားပြောဆိုလိုက်ပြီး ကားပေါ်တွင် ပြုံးလျက် ကားမောင်းကာ အိမ်သို့ ပြန်ခဲ့လေသည်။
အနောက်တိုင်းဝတ်စုံကို စမတ်ကျကျ အပြည့်အစုံဝတ်ထားသော ပုဂ္ဂိုလ်တစ်ဦးသည် သူဌေးအတွက် အလုပ်တစ်ခု လုပ်ပေးရမယ် ဟု အစချီကာ ဖုန်းပြောနေပြီး တစ်ဖက်က ပြောနေသူမှာ စစ်ဖက် အရာရှိကြီးတစ်ဦး ဖြစ်ကာ စိတ်ချပါ ဟု ပြောရင်း ဖုန်းချလိုက်ပြီးနောက် ဖုန်းတစ်ကော ထပ်ဆက်လိုက်ရာ ဖုန်းလက်ခံပြောဆိုနေသူမှာ ရဲချုပ်ရာထူးအဆင့်ရှိသည့် ပုခုံးပေါ်မှ အပွင့်အခက်များကို မြင်တွေ့ရလေသည်။
ရဲချုပ်ကြီး၏ ရုံးခန်းတွင် အထာကျကျ ဘော်ဒီတောင့်တင်းကျစ်လစ်ပြီး ဂျစ်ကန်ကန် မျက်နှာပေးနှင့် သက်လတ်ပိုင်းအရွယ် လူတစ်ဦးကို စက္ကူဘူးတစ်ဘူး တွန်းပေးလိုက်ပြီး မှားတာတွေ လွဲချော်တာတွေကို တစ်ရာ ရာခိုင်နှုန်း လက်မခံဘူး ဟု ပြောလိုက်သည်။
ထိုင်းနိုင်ငံ နွန်ထာဘူရီမြို့နယ် ရပ်ကွက်တစ်ခု၏ အိမ်ခြံဝန်းတစ်ခုထဲတွင် ညသန်းခေါင်ယံ အမှောင်ကို အခွင့်ကောင်းယူလျှက် အိမ်ထဲသို့ ချည်းကပ် ဖောက်ဝင်သွားခဲ့သည်။ အဖိုး အဖွားနှစ်ဦး အိပ်နေသော အိပ်ခန်းအတွင်းသို့ဝင်ကာ ပစ်စတိုသေနတ်တစ်လက်နှင့် ကျည်ဆံများကို ယူလိုက်ပြီး ပြန်ထွက်လာကာ အခြားတစ်ခန်းတွင် အိပ်ဆေးအရှိန်ကြောင့် နှစ်ခြိုက်စွာအိပ်ပျော်နေသော ၁၄ နှစ်အရွယ် လူငယ်လေး၏ စောင်နှင့်ဖုံးထားလိုက်ပြီး လည်ပင်းကို ဆေးတစ်လုံးထိုးလိုက်သည်။ ပါးစပ်မှ ဂါထာရွတ်သလို တရစပ်ရွတ်ဆိုနေသည်။ ထိုအချိန်တွင် လူငယ်လေးသည် အိပ်မက်လိုလို လက်တွေ့လိုလို စိတ်ခံစားချက်များစွာကို မသိစိတ်တွင် ခံစားနေရပြီး သူ ငယ်စဉ်ကတည်းက လက်ရှိအချိန်အထိ အနိုင်ကျင့်ဖူးသူများ စော်ကားဖူးသူများ နှိမ့်ချနှိပ်ကွပ်ဖူးသူများ၏ မျက်နှာများစွာတို့သည် ဓါတ်ပုံအာ်ဘန်များကဲ့သို့ သူ၏ မသိစိတ် သူငယ်အိမ်တွင် ထင်ရှားစွာ ပေါ်နေခဲ့သည်။
နောက်တစ်နေ့တွင် အဖိုး အဖွား ဆရာမများ နှင့် တစ်ကျောင်းတည်းတက်နေကြသော ကျောင်းသူ ကျောင်းသားများစွာတို့ကို သေနတ်နှင့် ပစ်ခတ်သတ်ဖြတ်ခဲ့ပြီး မိမိကိုယ်ကိုယ်လည်း အဆုံးစီရင်သွားခဲ့သည် ဆိုသော သတင်းများကို တစ်မ္ဘာလုံးရှိ နိုင်ငံတိုင်းမှ သတင်းဌာနများ အွန်လိုင်းများပေါ်တွင် ဘာသာစကားမျိုးစုံဖြင့် ဖော်ပြနေကြလေတော့သည်။
Erik X

အေးစက် မှောင်မဲပြီး တိတ်ဆိတ် ငြိမ်သက်နေသော စကြဝဠာကြီးထဲတွင် စကြဝဠာကြီး၏ သမိုင်းတလျှောက် အကြီးမားဆုံးသော ဂြိုဟ်ကြီးနှစ်လုံးသည် အလွန်လျှင်မြန်သော အရှိန်နှုန်းဖြင့် ပွတ်တိုက်မိကြပြီး တစ်လုံးတည်းအဖြစ် ပေါင်းစည်းသွား‌ချိန်တွင် အလွန်လျှင်မြန် စူးရှ လင်းလက်လွန်းသော အလင်းတန်းများ စွမ်းအင်များ စကြဝဠာအနှံ့သို့ ပြန့်ကျဲသွားစေနိုင်သော စူပါနိုဗာ ပေါက်ကွဲမှုကြီး ဖြစ်ခဲ့ပြီး ထို စွမ်းအင်လျပ်စီးလှိုင်းများသည် ကမ္ဘာမြေကြီး၏ နေရာများစွာကိုလည်း ပျံ့နှံ့သွားခဲ့သည်။
မော်ရိုကိုနိုင်ငံ၏ ပင်လယ်ကမ်းစပ် နယ်မြို့လေးတစ်မြို့လေးရှိ စစ်စခန်းတစ်ခုတွင် စစ်ဗိုလ်ချုပ်ကြီးတစ်ဦး အိပ်နေစဉ် အခန်းပြတင်းပေါက်မှ အလင်းတန်းများ ဝင်ရောက်လာခဲ့သည်။ မနက် မိုးလင်းသည်နှင့် စစ်ဗိုလ်ချုပ်ကြီးသည် မြို့အနှံ့ကို လှည့်ကင်းကားနှင့် တစ်မြို့လုံးကို လမ်းကြားများပါမကျန် စစ်ယာဉ်တန်းနှင့် ပတ်ပြီးနောက် ထူးဆန်းသည့်အရာများ စတင်ဖြစ်ပွားလာခဲ့သည်။ လူအုပ်ကြီးသည် တစ်ဦးနှင့် တစ်ဦး တိုင်ပင် ဆွေးနွေးထားခြင်း မရှိကြပဲ တစ်နေရာတည်းသို့ ဦးတည်သွားနေကြသည်။ လူဦးရေ ခုနှစ်သောင်းခန့်သည် ပင်လည်ကမ်းခြေသို့ စုရုံးရောက်ရှိလာကြပြီးနောက် နည်းမျိုးစုံဖြင့် တစ်ဖက်ကမ်းကို ရရာနည်းလမ်းများ အသုံးပြုကာ ကူးခတ်နေကြလေသည်။ တစ်ဖက်ကမ်းသည်ကား လူဦးရေ ရှစ်သောင်းခွဲခန့်သာရှိသော စပိန်နိုင်ငံ၏ နယ်မြို့လေး တစ်မြို့လေးသာ ဖြစ်လေတော့သည်။
Erik X