الذهب مش بس بيواجه ضغوط بيع.. السوق بدأ يعيد حساباته بخصوص أسعار الفائدة الأمريكية، وده ممكن يخلي تعافي الذهب وعودة ارتفاعه أصعب خلال الفترة الجاية.
محضر اجتماع الفيدرالي لشهر أكتوبر كشف إن بعض أعضاء البنك شايفين إن رفع الفائدة بأكثر من 25 نقطة أساس في ديسمبر ممكن يكون ضروري، لو بيانات التضخم فضلت مرتفعة.
وده معناه إن احتمال استمرار التشديد النقدي بقى موجود بقوة في حسابات المستثمرين، خصوصًا مع تصريحات أعضاء الفيدرالي اللي لسه شايفين إن التضخم بعيد عن مستهدف البنك البالغ 2%.
بالنسبة للتأثير على الذهب فهنلاقيه بييجي من أكتر من اتجاه ⬇️
💬 أولًا توقعات بقاء الفائدة مرتفعة بتدعم الدولار، وده ظهر مع صعود مؤشر الدولار بعد صدور محضر الاجتماع.
🟡 ثانيًا ارتفاع عوائد السندات الأمريكية خصوصًا مع استقرار عائد السندات لأجل 10 سنوات فوق 5%، بيقلل من جاذبية الذهب لأنه أصل مش بيدي عائد بشكل دوري.
💬 ثالثاً عوامل تانية زي تسييل الذهب واستخدامه في تعويض خسائر أسواق الأسهم، خاصة مع موجة البيع الحالية في أسهم شركات التكنولوجيا.
وعشان كده شفنا الذهب بيكسر المستوى 3800 دولار للأونصة، لكن هل ده معناه إن الاتجاه الصاعد للذهب انتهى؟
لحد دلوقتي لسه 🙅
لأن فيه توجه كبير في السوق بيقول إن موجة البيع الحالية مرتبطة بالاستثمارات قصيرة الأجل، وإن الدعم على المدى الطويل لسه موجود، زي مشتريات البنوك المركزية، ومخاوف الديون الحكومية، واستثمارات صناديق الذهب اللي لسه بيدخلها استثمارات بالرغم من انخفاض السعر.
لكن ده مايمنعش ان المرحلة اللي بيمر بيها الذهب حالياً صعبة فعلا وعمليات البيع قوية، لأن السوق دلوقتي مش بيتعامل مع احتمال رفع واحد للفائدة، لكنه بيعيد تسعير مسار التشديد النقدي بالكامل.
وبالتالي، علشان يحصل انعكاس للسعر لأعلى محتاجين نشوف تراجع في الدولار والعوائد، مش مجرد عمليات شراء بس بعد الهبوط 👌
🌑 $IOST
✅@mshabaka $NEIRO



#AnthropicIPOPriceCouldExceed$80 #NvidiaBeatsEstimatesWith$130BQ4Outlook #NvidiaBoardNotConsideringHuang’sReturnasCEO 
