Binance ໄດ້ເຜີຍແຜ່ລາຍງານການສືບສວນເບື້ອງຕົ້ນ ກ່ຽວກັບເຫດການຄວາມປອດໄພຄັ້ງສຳຄັນໃນວັນທີ 29 ຕຸລາ 2026 ໂດຍລະບຸວ່າ ເຫດການຄັ້ງນີ້ເປັນການໂຈມຕີທີ່ມີຄວາມຊັບຊ້ອນສູງ ແລະຜ່ານຫຼາຍຂັ້ນຕອນ.

Binance ຂໍອະໄພຕໍ່ຜູ້ໃຊ້ ພາກສ່ວນຄູ່ຮ່ວມ ແລະຊຸມຊົນຄຣິບໂຕ ສຳລັບຄວາມກັງວົນ ແລະຄວາມບໍ່ສະດວກທີ່ເກີດຂຶ້ນ.

💰 1. ມູນຄ່າຄວາມເສຍຫາຍ ແລະການຊົດເຊີຍ

• ມີສິນຊັບດິຈິຕອນຖືກກະທົບປະມານ 6.34 ຕື້ USD

• ປະມານ 2.85 ຕື້ USD ຖືກອາຍັດ ຫຼືສະກັດກັ້ນໄວ້ໄດ້ ໂດຍຕົວເລກອາດປ່ຽນແປງຕາມການກວດສອບ ແລະລາຄາຕະຫຼາດ

• Binance ຢືນຢັນວ່າຈະຮັບຜິດຊອບຕໍ່ມູນຄ່າຄວາມເສຍຫາຍ ໂດຍບໍ່ໃຫ້ຜູ້ໃຊ້ເປັນຜູ້ຮັບພາລະ

• ມາຮອດວັນທີ 31 ຕຸລາ 2026 ສິນຊັບ Token ທີ່ໄດ້ຮັບຜົນກະທົບ 98% ໄດ້ຮັບການຈັດຫາຄືນແລ້ວ ແລະສາມາດກວດສອບໄດ້ຜ່ານໜ້າ Proof of Reserves (PoR)

• ສຳລັບສິນຊັບທີ່ເຫຼືອ ເຊິ່ງມີສະພາບຄ່ອງຕ່ຳ Binance ກຳລັງດຳເນີນການຈັດຊື້ເພີ່ມເຕີມ

🔍 2. ເຫດການໂຈມຕີເກີດຂຶ້ນແນວໃດ?

ຜູ້ໂຈມຕີໄດ້ເຂົ້າເຖິງລະບົບພາຍໃນທີ່ໃຊ້ສຳລັບລົງນາມຢືນຢັນທຸລະກຳຂອງ Wallet (Wallet Signing Service) ໂດຍບໍ່ໄດ້ຮັບອະນຸຍາດ ແລະໃຊ້ລະບົບດັ່ງກ່າວເພື່ອສັ່ງໂອນສິນຊັບອອກນອກຂັ້ນຕອນການຖອນເງິນຕາມປົກກະຕິ.

ລາຍການສິນຊັບສຳຄັນທີ່ຖືກໂອນອອກປະກອບມີ:

• XRP: 233.46 ລ້ານ XRP

• SOL: ປະມານ 970,500 SOL

• OP: ປະມານ 44.2 ລ້ານ OP

• BTC: 18,270 BTC

• ETH: ມີທຸລະກຳສຸດທ້າຍ 2,961.9 ETH ທີ່ສຳເລັດເທິງ Blockchain ໃນເວລາ 23:56 UTC

ໜຶ່ງໃນວິທີການທີ່ຜູ້ໂຈມຕີນຳໃຊ້ ແມ່ນການອາໄສກົນໄກ EIP-7702 ຂອງ Ethereum ເພື່ອມອບສິດບາງສ່ວນໃຫ້ Smart Contract ທີ່ຜູ້ໂຈມຕີຄວບຄຸມ ສາມາດດຳເນີນການກັບ Wallet ທີ່ຖືກເປົ້າໝາຍໄດ້.

ຈຸດສຳຄັນຄື ການອະນຸຍາດດັ່ງກ່າວເກີດຂຶ້ນເທິງ Blockchain ແລະສາມາດເຮັດວຽກແຍກຈາກລະບົບຖອນເງິນປົກກະຕິຂອງ Binance ໄດ້.

ດັ່ງນັ້ນ ເຖິງແມ່ນວ່າ Binance ຈະຢຸດການຖອນເງິນແລ້ວ ແຕ່ກໍຍັງຕ້ອງໃຊ້ຂັ້ນຕອນທາງເທັກນິກເພີ່ມເຕີມ ເພື່ອຖອນສິດອະນຸຍາດອັນຕະລາຍທີ່ຖືກສ້າງຂຶ້ນແລ້ວ.

ອີກໜຶ່ງຄວາມທ້າທາຍຄື Wallet ນີ້ໃຊ້ລະບົບ Multi-Party Computation (MPC) ເຊິ່ງບໍ່ມີ Private Key ດຽວທີ່ສາມາດນຳມາໃຊ້ເພື່ອຖອນສິດດັ່ງກ່າວໄດ້ທັນທີ. ທີມງານຈຶ່ງຕ້ອງພັດທະນາຂັ້ນຕອນພິເສດເພື່ອຍົກເລີກການອະນຸຍາດນັ້ນ.

🕵️ 3. ຜູ້ໂຈມຕີກະກຽມການໂຈມຕີແນວໃດ?

ຈາກການສືບສວນເບື້ອງຕົ້ນ Binance ພົບວ່າ ການໂຈມຕີຄັ້ງນີ້ບໍ່ແມ່ນການ Hack ພຽງຄັ້ງດຽວ ຫຼື Phishing ແບບທົ່ວໄປ ແຕ່ເປັນແຜນການຫຼາຍຂັ້ນຕອນ.

ເດືອນມິຖຸນາ 2026 – Supply Chain Attack

ພະນັກງານຄົນໜຶ່ງໃນທີມ Wallet DevOps ໄດ້ດາວໂຫຼດໄຟລ໌ຕິດຕັ້ງ Homebrew ທີ່ຖືກດັດແປງ ເພື່ອຕິດຕັ້ງ AI Coding Tool ຍອດນິຍົມ. ເຖິງວ່າທີມ Security ຈະກວດພົບຄວາມຜິດປົກກະຕິ ແລະປ່ຽນອຸປະກອນພ້ອມປັບປ່ຽນ Credentials ແລ້ວ ແຕ່ຂໍ້ມູນບາງສ່ວນກ່ຽວກັບບົດບາດພະນັກງານຍັງຖືກເປີດເຜີຍໃຫ້ຜູ້ໂຈມຕີຮູ້.

ເດືອນກັນຍາ 2026 – Social Engineering

ພະນັກງານ Software Engineer ອີກຄົນໜຶ່ງຖືກຕິດຕໍ່ຜ່ານແພລັດຟອມຫາວຽກ ໂດຍຜູ້ທີ່ອ້າງວ່າເປັນ Project Director ຂອງບໍລິສັດປອມ.

ຜູ້ໂຈມຕີໃຊ້ການສຳພາດຜ່ານ Video Call ເພື່ອສ້າງຄວາມເຊື່ອຖື ກ່ອນຈະຫຼອກໃຫ້ພະນັກງານດາວໂຫຼດໄຟລ໌ Assignment ທີ່ມີ Malicious Code ເຂົ້າໃນຄອມພິວເຕີເຮັດວຽກ.

Malware ນີ້ໃຊ້ເຕັກນິກປິດບັງຕົວຕົນ ແລະຫຼີກລ່ຽງການກວດຈັບ ໂດຍປ່ຽນແທນສ່ວນປະກອບຂອງໂປຣແກຣມທີ່ຖືກຕ້ອງດ້ວຍລະຫັດອັນຕະລາຍ ເພື່ອສັ່ງການ ແລະຕິດຕໍ່ກັບ Server ຂອງຜູ້ໂຈມຕີ.

ວັນທີ 20 ຕຸລາ 2026 – ໃຊ້ AI Tool ພາຍໃນເປັນຊ່ອງທາງ

ຜູ້ໂຈມຕີນຳຄອມພິວເຕີທີ່ຖືກຄວບຄຸມແລ້ວ ມາໃຊ້ງານຮ່ວມກັບ AI Tool ພາຍໃນຂອງ Binance ເພື່ອຂະຫຍາຍການເຂົ້າເຖິງໄປຫາພະນັກງານອີກຄົນ ແລະຄົ້ນພົບ Token ທີ່ມີສິດໃນການ Deploy Container.

ວັນທີ 29 ຕຸລາ 2026 – ເຂົ້າເຖິງລະບົບ Wallet Signing

ລະຫວ່າງ 17:15–19:56 UTC ຜູ້ໂຈມຕີໄດ້ເຂົ້າສູ່ຄອມພິວເຕີຂອງ Software Engineer ອີກຄົນໜຶ່ງ ໂດຍໃຊ້ Credentials ທີ່ຖືກລັກມາ ເພື່ອ Deploy Container ແລະເລີ່ມສະຄຣິບອັນຕະລາຍ ກ່ອນຈະນຳໄປສູ່ການໂຈມຕີ Wallet.

ນອກຈາກນີ້ Binance ລະບຸວ່າ ໃນປີ 2026 ທີມ Security ໄດ້ກວດພົບ ແລະສະກັດກັ້ນຄວາມພະຍາຍາມໂຈມຕີທາງໄຊເບີທີ່ສົງໄສວ່າມີຄວາມເຊື່ອມໂຍງກັບເກົາຫຼີເໜືອເຖິງ 57 ກໍລະນີ.

ຂໍ້ມູນລ່າສຸດຈາກ FBI ລະບຸວ່າ ກຸ່ມຜູ້ໂຈມຕີທີ່ມີຄວາມຮັບຜິດຊອບຕໍ່ເຫດການນີ້ແມ່ນສາທາລະນະລັດປະຊາທິປະໄຕປະຊາຊົນເກົາຫຼີ (DPRK).

🛡️ 4. Binance ໄດ້ດຳເນີນການຫຍັງແລ້ວ?

ມາຮອດວັນທີ 3 ພະຈິກ 2026 Binance ໄດ້ດຳເນີນມາດຕະການຫຼາຍຢ່າງ ເພື່ອປິດຊ່ອງໂຫວ່ ແລະປ້ອງກັນເຫດການລັກສິນຊັບຊ້ຳອີກ:

1. ສ້າງລະບົບ Wallet ທີ່ໄດ້ຮັບຜົນກະທົບຂຶ້ນໃໝ່ໃນ Environment ໃໝ່

2. ສ້າງ AI Tool ພາຍໃນຄືນໃໝ່ ພ້ອມປັບປຸງການຄວບຄຸມສິດເຂົ້າເຖິງ

3. ປ່ຽນອຸປະກອນທີ່ຖືກກະທົບ

4. ຍົກເລີກ Credentials ແລະ Tokens ທີ່ກ່ຽວຂ້ອງ

5. ສະແກນກວດສອບຄວາມປອດໄພອຸປະກອນຂອງພະນັກງານທຸກຄົນ

6. ເພີ່ມລະບົບ AI ກວດຈັບພຶດຕິກຳທີ່ຜິດປົກກະຕິ

7. ເພີ່ມຄວາມເຂັ້ມງວດຂອງລະບົບຄວບຄຸມຄວາມສ່ຽງ Wallet

8. ຮ່ວມມືກັບໜ່ວຍງານກົດໝາຍ ບໍລິສັດວິເຄາະ Blockchain ແລະພາກສ່ວນຕ່າງໆ ເພື່ອຕິດຕາມ ແລະອາຍັດສິນຊັບ

🔐 5. ແຜນການປັບປຸງຕໍ່ໄປ

Binance ປະກາດວ່າຈະເດີນໜ້າດຳເນີນການອີກ 3 ດ້ານສຳຄັນ:

1. ການກວດສອບໂດຍຜູ້ເຊື່ຽວຊານພາຍນອກ

ຈ້າງບໍລິສັດ Cybersecurity ອິດສະຫຼະມາກວດສອບເຫດການ ຢືນຢັນຜົນການສືບສວນ ແລະແນະນຳມາດຕະການປ້ອງກັນເພີ່ມເຕີມ.

2. ເພີ່ມການລົງທຶນໃນ AI Security

ພັດທະນາ AI ເພື່ອກວດຈັບໄພຄຸກຄາມ ປັບປຸງການປ້ອງກັນອຸປະກອນ ຄວາມປອດໄພໃນລະບົບພັດທະນາ Software ແລະການຕິດຕາມພຶດຕິກຳທີ່ຜິດປົກກະຕິ.

3. ຈັດຕັ້ງ Security Research Fund

ຮ່ວມມືກັບບໍລິສັດ AI ຊັ້ນນຳ ຜູ້ປະກອບການໃນອຸດສາຫະກຳ Blockchain ແລະບໍລິສັດ Security ເພື່ອສົ່ງເສີມການວິໄຈ ແລະພັດທະນາຄວາມປອດໄພຂອງ AI ໃນລະບົບ Blockchain.

💡 ສະຫຼຸບສິ່ງທີ່ຄວນຮູ້

ເຫດການຄັ້ງນີ້ສະທ້ອນໃຫ້ເຫັນວ່າ ຄວາມສ່ຽງດ້ານ Cybersecurity ໃນອຸດສາຫະກຳ Crypto ບໍ່ໄດ້ຈຳກັດຢູ່ພຽງການລັກ Private Key ຫຼືການ Phishing ເທົ່ານັ້ນ ແຕ່ຍັງລວມເຖິງການໂຈມຕີພະນັກງານ ລະບົບພາຍໃນ AI Tools ແລະກົນໄກການອະນຸຍາດທຸລະກຳເທິງ Blockchain.

ສິ່ງທີ່ຄວນຕິດຕາມຕໍ່ໄປຄື:

• ຜົນການກວດສອບຈາກຜູ້ເຊື່ອຊານພາຍນອກ

• ການຈັດຫາສິນຊັບທີ່ຍັງຂາດໃຫ້ຄົບຖ້ວນ

• ການຕິດຕາມ ແລະອາຍັດສິນຊັບທີ່ຖືກລັກ

• ການປັບປຸງມາດຕະການ Security ໃນໄລຍະຍາວ

Binance ລະບຸວ່າ ຈະສື່ສານຂໍ້ມູນໃໝ່ໆ ໃຫ້ຊຸມຊົນຮັບຊາບຕໍ່ໄປ ເມື່ອມີຂໍ້ມູນທີ່ສາມາດເປີດເຜີຍໄດ້.

⚠️ Disclaimer: ຂໍ້ມູນນີ້ຈັດທຳຂຶ້ນເພື່ອການສຶກສາ ແລະໃຫ້ຄວາມຮູ້ເທົ່ານັ້ນ ໂດຍອ້າງອີງຈາກລາຍງານຂອງ Binance. ການລົງທຶນໃນ Cryptocurrency ມີຄວາມສ່ຽງສູງ ລາຄາສິນຊັບອາດຜັນຜວນຢ່າງຮຸນແຮງ. ຄວນສຶກສາຂໍ້ມູນ ແລະປະເມີນຄວາມສ່ຽງກ່ອນຕັດສິນໃຈລົງທຶນ.

#Binance #Binancesecurity #CryptoSecurity #blockchain #SAFU🙏