အမှန်တိုင်းပြောရရင် Crypto လောကဆိုတာ မြင်သလောက် မရိုးရှင်းဘူး။ အခွင့်အရေးတွေအများကြီးရှိသလို၊ အမှားတစ်ခုတည်းနဲ့ အရာရာကို ဆုံးရှုံးသွားနိုင်တဲ့ နေရာမျိုးပေါ့။ ကျွန်တော် ဒီလောကထဲကို စဝင်တုန်းကတော့ အတွေ့အကြုံကလည်း မရှိ၊ စိတ်လှုပ်ရှားမှုနောက်ပဲ လိုက်နေတဲ့ လူတစ်ယောက်ပဲ။
မမေ့နိုင်တဲ့ အမှားတစ်ခု
ဒီနေ့ထက်ထိ ကျွန်တော် လုံးဝမမေ့နိုင်တဲ့ သင်ခန်းစာတစ်ခုရှိတယ်။ အဲ့ဒါက ဘာလဲဆိုတော့၊ အစပိုင်းမှာ သူငယ်ချင်းတစ်ယောက်နဲ့ပေါင်းပြီး Alpha Trade လုပ်ဖို့ ကြိုးစားခဲ့တုန်းကပေါ့။ အဲ့တုန်းက နာမည်ကြီးနေတဲ့ coin တစ်ခုကို သေချာမလေ့လာဘဲ၊ ဒီ coin က တက်တော့မယ်" ဆိုတဲ့ သူများပြောသံကြားနဲ့ပဲ ဝယ်ခဲ့မိတာ။ အမှန်တော့ အဲ့ဒါက DYOR (Do Your Own Research) မလုပ်ခဲ့ဘဲ FOMO (Fear of Missing Out) ကြောင့် လုပ်ခဲ့မိတာပါ။
သင်ခန်းစာရလိုက်တဲ့ ဆုံးရှုံးမှု
ရလဒ်ကတော့ မကြာခင်မှာပဲ ရောက်လာခဲ့တယ်။ ဒေါ်လာ ၂၀၀ ကျော်တန်ဖိုးရှိတဲ့ coin တွေက မျက်စိရှေ့တင်ပဲ ပျောက်ကွယ်သွားခဲ့တယ်။ အဲ့တုန်းက ကျွန်တော် စိတ်ဓာတ်တွေတော်တော်ကျခဲ့တယ်။ အပင်ပန်းခံ စုဆောင်းထားတဲ့ ပိုက်ဆံတွေ အလကားဖြစ်သွားရလို့ ယူကျုံးမရ ဖြစ်ခဲ့ရတယ်။ သူငယ်ချင်းနဲ့လည်း မျက်နှာချင်းမဆိုင်ရဲဘူး။ အဲ့ဒီနေ့က ကျွန်တော် Crypto ခရီးစဉ်ကို ရပ်တန့်ဖို့တောင် စဉ်းစားခဲ့ဖူးတယ်။
သင်ယူခဲ့ရတဲ့ သင်ခန်းစာ
ဒါပေမဲ့ အဲ့ဒီဆုံးရှုံးမှုက ကျွန်တော့်ကို အများကြီး သင်ပေးခဲ့တယ်။ အဲ့ဒါကတော့ "လေ့လာမှုမရှိဘဲ ရင်းနှီးမြှုပ်နှံခြင်းဟာ လောင်းကစားပဲ" ဆိုတဲ့ အချက်ပါ။ အဲ့ဒီနောက်ပိုင်းမှာ ကျွန်တော် Trading လုပ်တဲ့ပုံစံကို လုံးဝပြောင်းလဲခဲ့တယ်။ coin တစ်ခုကို မဝယ်ခင်မှာ Whitepaper၊ Community၊ Liquidity နဲ့ Market Cap စတဲ့ နည်းပညာပိုင်းဆိုင်ရာနဲ့ ဈေးကွက်ဆိုင်ရာ အချက်အလက်တွေကို သေချာစူးစမ်းလေ့လာပြီးမှ ဝယ်ယူဖို့ ဆုံးဖြတ်ခဲ့တယ်။
ရင့်ကျက်တဲ့ Trader တစ်ယောက်ဖြစ်လာခြင်း
Crypto ခရီးစဉ်ဆိုတာ အမြတ်ရဖို့ တစ်ခုတည်းမဟုတ်ဘဲ၊ ကျဆုံးမှုတွေကနေ သင်ယူပြီး ပိုမိုရင့်ကျက်တဲ့ Trader တစ်ဦးဖြစ်လာဖို့ ကြိုးစားရတဲ့ ခရီးစဉ်ပါ Alpha Trade တုန်းက ကြုံတွေ့ခဲ့ရတဲ့ ဆုံးရှုံးမှုက ကျွန်တော့်ရဲ့ Trading နည်းဗျူဟာကို စနစ်တကျ ပြင်ဆင်နိုင်ဖို့ ကူညီပေးခဲ့တယ် အခုတော့ အဲ့ဒီဆုံးရှုံးမှုကို ကျွန်တော် ကျေးဇူးတင်စွာနဲ့ သတိရနေမိတော့တယ်
ကျနော်က Crypto လောကရှိ အခွင့်အရေးနှင့် အန္တရာယ်များကို သတိပြုမိစေရန် ရေးသားထားတဲ့အတွက် စာဖတ်သူများအနေဖြင့်လည်း Crypto တွင် ရင်းနှီးမြှုပ်နှံမှုမပြုမီ သေချာစွာ လေ့လာဆန်းစစ်ရန် တိုက်တွန်းအပ်ပါတယ်