🔥 إذا عم تتابعوا السوق مزبوط رح تلاحظوا إنو البيتكوين $BTC رجع اليوم لأصله وقيمته الأساسية كـ "مخزن حقيقي للقيمة" وذهب رقمي وما عاد مجرد أصل للمضاربة السريعة!
تعوا لحتى نلخص شو عم يصير بكواليس الحيتان والمؤسسات المالية الكبيرة:
1️⃣ سيولة بالمليارات عم تدخل للسوق 💸صناديق الETF للذهب والبيتكوين مع بعض سحبوا سيولة مرعبة وصلت ل 7 مليار دولار بـ 5 جلسات تداول بس.. والأقوى من هيك إنو صندوق iShares Bitcoin تبع شركة بلاك روك لحاله جذب 1.5 مليار دولار ودخل بقائمة أكبر 10 صناديق بالبورصة الأمريكية من حيث التدفقات
2️⃣ البيتكوين صار "ملجأ" غصب عن الكل 🛡️المستثمرين والمؤسسات الكبار ومنهن الملياردير راي داليو ..ما عادوا عم يفضلوا الذهب على البيتكوين أو العكس صاروا عم يحطوا الاثنين مع بعض بالمحفظة للتحوط. والسبب واضح؟ الخوف الكبير من التضخم ومن الديون الأمريكية يلي عم تسجل أرقام تاريخية وما عاد حدا قدران يحلها.
3️⃣ كسر حواجز وأرقام جنونية 📈هاد الزخم كله طيّر البيتكوين فوق حاجز ال80,000 دولار مستفيد من ميزته القاتلة، كمية محدودة بـ 21 مليون حبة بس وما في أي حكومة بالعالم بتقدر تطبع منه قد ما بدها متل ما بيعملوا بالدولار....
⚠️ نظرة على الطرف الثاني من الصورة:رغم كل هالإيجابية لازم نكون واقعيين هالصعود مرتبط كمان بسياسات الفيدرالي والتيسير المالي والأسهم لسا عم تنافس بقوة يعني تحركات الفيدرالي الجاية وقدرة السوق على تحمل الديون هية رح تحدد لوين رايحين بالظبط.
📌 الخلاصة: البيتكوين عم يثبت رجله رسمي بعقول كبار المستثمرين بالعالم كأصل نادر وملجأ آمن ضد طباعة العملات الورقية وتآكل قيمتها.
شاركوني رأيكن👇شايفين أنو البيتكوين رح يسحب البساط من الذهب تماماً بالأيام الجاية ولا الذهب بيتم هو الأساس؟؟؟👍
#Bitcoin #BTC #CryptoNewss #gold. #BinanceSquare #macroeconomy #DebasementTrade
