Pop Labs Pop Social’ning Polygon zkEVM infratuzilmasi bilan integratsiyasini mamnuniyat bilan e’lon qiladi. Ushbu integratsiya Web3 ijtimoiy tarmoqlaridan foydalanishni jadallashtirish uchun ikki tomonning hamkorlikda ishlashiga imkon beradi. Web3 uchun mo‘ljallangan Pop ijtimoiy tarmoq platformasi navbatdagi milliard foydalanuvchini Web3’ga jalb qilishni ko‘zlaydi. Polygon va Pop Web3 ijtimoiy tarmoqlarining ulkan salohiyatini ko‘rib turibdi va bu afzalliklarni butun dunyo bo‘ylab kontent yaratuvchilar hamda iste’molchilarga taqdim etish ustida ishlamoqda.

Hamkorlikda Pop va Polygon Pop’ning keng ommaga tanish hamda kriptovalyuta olamiga xos foydalanuvchilar bazasidan Polygon’ning mustahkam infratuzilmasi bilan birgalikda foydalanadi. Polygon’ning markazlashtirilmagan va xavfsiz ekotizimi ommaviy foydalanishga erishish hamda Web3’ga intilayotgan millionlab foydalanuvchilarni jalb etish uchun Pop ijtimoiy tarmoq platformasi infratuzilmasini mustahkamlashga yordam beradi. Pop foydalanuvchilar uchun qulay interfeysi orqali Web3 olamiga kirishni soddalashtiradi va unga o‘tishni har kim uchun osonlashtiradi.

Pop Polygon zkEVM va Polygon ID’larning mahalliy tizimi orqali ijtimoiy ma’lumotlarni ko‘chirish imkoniyatini yaratadi. Shuningdek, Pop ekotizimi mavjud o‘zaro ishlay oladigan hamyonlar, DeFi, NFT’lar va ijtimoiy protokollarni Polygon’ga integratsiya qiladi. Nihoyat, tarmoqdan foydalanishni qo‘llab-quvvatlash uchun gaz to‘lovlari subsidiyasi ham taqdim etiladi.

Pop Social’ning Polygon bilan integratsiyasi yuqori qiymatli taklifni taqdim etadi

Uzoq muddatda Pop Labs ekotizimi Polygon bilan integratsiyadan katta foyda olishi mumkin. Masalan, Pop ijtimoiy platformasi infratuzilmasidan foydalangan holda, dasturchilar Polygon va Pop’da yangi ijtimoiy yo‘nalishlarni yaratishi uchun SDK va API’larni taqdim etishi mumkin.

Bu integratsiya dasturchilar uchun ishga tushirish platformalari, integratsiyalar uchun SDK, mavjud Web3 protokollari bilan birgalikda ishlash imkoniyati va daromadni bo‘lishish rag‘batlarini yaratadi. Ommaviy qabul qilinish va hamjamiyatni shakllantirish masalasida esa integratsiya Pop’ning kriptovalyutaga yo‘naltirilgan va Web2 auditoriyasidan foydalanadi. Bu, o‘z navbatida, Polygon foydalanuvchilari bazasini ham kengaytiradi.

Polygon texnologiyasi Pop DApp’ning rivojlanishiga turtki beradi. Polygon zkEVM infratuzilmasiga integratsiyalashish orqali Pop Social foydalanuvchilari tranzaksiyalar tezligi oshgan holda, kamroq tranzaksiya xarajatlariga ega bo‘ladilar. Shuningdek, ular Ethereum L1 xususiyatlaridan foydalanishadi, bu esa yuqoriroq xavfsizlik va markazlashmaganlik darajasi, yaxshilangan foydalanuvchi tajribasi hamda EVM bilan mos keluvchi zanjirlararo o‘zaro ishlash imkonini beradi. Nihoyat, Pop Social foydalanuvchilari Polygon ekotizimidagi mavjud vositalar va kod bazalaridan foydalanishlari mumkin.

Pop va Polygon integratsiyasi Pop Social foydalanuvchilariga yana bir katta afzallik beradi. Bu — Polygon ID funksiyasi orqali yaratiladigan markazlashmagan identifikatsiya. Polygon zkEVM har bir foydalanuvchiga maxfiylikni saqlash va foydalanuvchilarni muammosiz tasdiqlash imkonini beruvchi, foydalanuvchining o‘zi boshqaradigan identifikatsiyani taqdim etadi. Pop Social foydalanuvchilarga Web3 uchun mo‘ljallangan Pop ijtimoiy tarmoq ilovasiga an’anaviy ijtimoiy tarmoqlardagi barcha yutuqlarini import qilish imkonini beradi. Shu bois, inson ekanligini isbotlash va ishonchlilikni tekshirish jarayonlarining yuqori darajada ishlashini ta’minlash Pop uchun muhim omil hisoblanadi.

Pop Social bilan yangi Web3 ijtimoiy tarmoq ekotizimiga qadam qo‘ying

Pop Social o‘z ekotizimida original ijodiy kontent rivojlanishini qo‘llab-quvvatlash va ta’minlashga yo‘naltirilgan ilg‘or funksiyalarni taklif etadi. Web3 elementlarini o‘z markaziga qo‘ygan Pop Social tokenomika, GameFi va SocialFi elementlarini, boshqaruv imtiyozlari va Dynamic NFT’lar, Raid to Earn hamda sun’iy intellekt yordamida kontent yaratish integratsiyalari kabi platformaga xos qo‘shimcha imkoniyatlarni taklif etadi.

Batafsil aytganda, Pop barqaror tokenomika modelini yaratish uchun Prysm Group bilan hamkorlik qildi. Shu sababli Pop Social Merkle daraxtlariga asoslangan, siklik token emissiyasini hisoblaydigan va tasdiqlash dalillarini taqdim etadigan zanjir ichidagi algoritmni kafolatlaydi. SocialFi yo‘nalishida esa ijodkorlar Pop’ning SoulBound Token NFT’lari yordamida an’anaviy ijtimoiy tarmoqlardagi yutuqlarini olib kelishlari mumkin. Shuningdek, Pop DApp’dagi har bir faollik Pop Social’ning mahalliy tokeni — Pop Token ($PPT) bilan mukofotlanadi.

GameFi yo‘nalishida Pop DApp foydalanuvchilari ilovadagi profil darajasini oshirishi, noyob sovrinlarni yutish uchun Xazina sandiqlarini ochishi, ijodiy kontenti uchun ijodkorlarga choychaqa berishi va raqamli aktivlarni sovg‘a qilishi mumkin. Xuddi shuningdek, NFT’lar Pop DApp ekotizimining muhim qismidir. Pop noyob va juda noyob NFT’lardan iborat maxsus Pop NFT to‘plamlarini chiqaradi. Pop DApp foydalanuvchilari o‘z to‘plamlarini kengaytirishi, ijodkor NFT’larini zarb qilishi, obuna NFT’lari orqali daromad olishi va zanjir ichidagi profil rasmlari vazifasini bajaradigan dinamik NFT’lari uchun NFT aksessuarlarini almashtirishi mumkin.

Pop Social dinamik NFT’larni taqdim etadi

Nihoyat, boshqaruv Pop falsafasining asosiy tamoyillaridan biridir. Har bir PPT egasi Pop Social ekotizimida boshqaruvni amalga oshirish huquqiga avtomatik ravishda ega bo‘ladi. Pop Social ijodkorlar raqamli ko‘ngilochar industriyaning yuragi ekaniga chin dildan ishonadi. Shu sababli ularga Pop Social ekotizimining faol a’zolari sifatida o‘z yo‘lini belgilash vakolatini beramiz.

Polygon zkEVM bilan integratsiya orqali Pop Social’da yuksaling

Pop Social ijodkorlari an’anaviy ijtimoiy tarmoqlardagi yutuqlarini Pop DApp’ga olib kelishlari mumkin. Ijtimoiy ma’lumotlarni ko‘chirish imkoniyati har qanday Pop Social foydalanuvchisiga bir nechta Web2 ijtimoiy tarmoq ilovalaridagi obro‘sini Pop Social ekotizimiga import qilish imkonini beradi. Har bir Pop Social ijodkori shaxsini tasdiqlovchi dalillar yordamida o‘zining ijtimoiy maqomini tasdiqlashi va Pop Social ekotizimida tasdiqlanganlik nishonini olishi mumkin.

Bundan tashqari, Pop DApp’ni sybil hujumlari, botlar, spam yuboruvchilar va token fermerlaridan himoya qilish uchun Inson ekanligini isbotlash mexanizmini kafolatlaymiz. Pop Social organik faollik va mukofotlarni adolatli taqsimlash uchun xavfsiz muhit yaratishga qat’iy bel bog‘lagan. Foydalanuvchilarga boshqaruv vakolatini berganimiz sababli, adolatli demokratiyani ta’minlash uchun shaxsni tasdiqlash juda muhim. Bir foydalanuvchi — bir ovoz. Kelajakdagi sun’iy intellekt yordamida kontent yaratish modulimiz ham ijod qilishdagi to‘siqlarni bartaraf etadi va barcha foydalanuvchilarga ijodkorlar iqtisodiyotidan foydalanish imkonini beradi.

Umuman olganda, Pop Social Polygon zkEVM infratuzilmasi bilan integratsiyalanayotganidan mamnun. Keyingi milliard foydalanuvchini Web3’ga muammosiz olib kirish bo‘yicha umumiy maqsadlariga erishish uchun har ikki tomon o‘z platformalarining kuchli jihatlaridan birgalikda foydalanmoqda. Pop Social Polygon’ning shakllangan va nufuzli, mustahkam infratuzilmasidan foydalanishi, Polygon esa Web3 darajasida an’anaviy ijtimoiy tarmoqlardagi muvaffaqiyatni yuksaltirishga yo‘naltirilgan Pop’ning o‘ziga xos ijtimoiy tarmoq ekotizimidan foydalanishi mumkin.

Bundan tashqari, Polygon Pop’ning kriptovalyutaga yo‘naltirilgan auditoriyasidan foydalanib, foydalanuvchilar bazasini kengaytirishi, Pop Social platformasida rasmiy ijtimoiy tarmoq kanallarini yaratishi, maqsadli faollik strategiyalarini amalga oshirishi, ta’limiy vebinarlar tashkil qilishi va hamjamiyat kanallarida interaktiv muhokamalarni yo‘lga qo‘yishi mumkin. Hamkorlik, shuningdek, Pop’ning million ijodkorni qo‘llab-quvvatlash tashabbusi va qo‘shma marketing ishlari orqali Polygon brendining qadr-qimmati va tanilganligini oshirishni ko‘zlaydi. Demak, Polygon va Pop hamkorligi texnologiya va ekotizim integratsiyasidan kengroq ma’noga ega.

Polygon Labs haqida:

Polygon Labs Polygon protokollari uchun Ethereum’ni kengaytirish yechimlarini ishlab chiqadi. Polygon Labs Web3 uchun kengaytiriladigan, hamyonbop, xavfsiz va barqaror blokcheyn infratuzilmasini yaratishda yordam berish maqsadida boshqa ekotizim dasturchilari bilan hamkorlik qiladi. Dastlab Polygon Labs dasturchilar asosiy kengaytirish yechimlaridan, jumladan, 2-qavat yechimlari (nol bilimga asoslangan rollup’lar), yon zanjirlar, ilovalarga xos zanjirlar va ma’lumotlar mavjudligi protokollaridan oson foydalanishi uchun tobora kengayib borayotgan protokollar to‘plamini ishlab chiqdi. Polygon Labs dastlab ishlab chiqqan kengaytirish yechimlari keng tarqaldi: o‘n minglab markazlashmagan ilovalar, 261 milliondan ortiq noyob manzillar, yaratilgan 1,4 milliondan ortiq smart-kontrakt va ishga tushirilganidan beri amalga oshirilgan jami 2,7 milliard tranzaksiya. Mavjud Polygon tarmog‘ida Aave, Uniswap, QiDao va OpenSea kabi eng yirik Web3 loyihalari, shuningdek, Robinhood, Stripe va Adobe kabi taniqli korxonalar faoliyat yuritadi. Polygon Labs uglerod neytralligiga erishgan va Web3’ni uglerod manfiy holatga olib chiqishni maqsad qilgan.