“Bilimga kiritilgan sarmoya eng yaxshi foyda keltiradi.” — Benjamin Franklin
Sarmoya kiritish haqida gap ketganda, o‘zingizni bilim bilan qurollantirishdan ko‘ra ko‘proq foyda beradigan narsa yo‘q. Har qanday sarmoyaviy qaror qabul qilishdan oldin zarur izlanish va tahlilni amalga oshiring.
Unsplash’dagi Nicholas Cappello surati
Jamg‘arma: Pulni tejash — pulni asta-sekin, odatda bank hisobiga yoki xususiy moliya tashkilotiga qo‘yib borishdir. Odamlar, odatda, mashina sotib olish, uy uchun boshlang‘ich to‘lovni to‘lash yoki yuzaga kelishi mumkin bo‘lgan favqulodda vaziyatlar kabi muayyan maqsadlar uchun pul jamg‘arishadi. Jamg‘arish pulni bankdagi muddatli omonat kabi mahsulotlarga qo‘yishni ham anglatishi mumkin. Jamg‘armalar xavfsiz yoki xatari juda kam bo‘ladi va zarurat tug‘ilganda naqd pul sifatida foydalanishga doim tayyor turadi.
Investitsiyalar:Boshqa tomondan, moliyaviy investitsiyalar vaqt o‘tishi bilan moliyaviy jihatdan o‘sish maqsadida, qiymati oshishi mumkin bo‘lgan aksiyalar, obligatsiyalar, investitsiya fondlaridagi ulushlar yoki ko‘chmas mulk kabi aktivlarni shakllantirish orqali amalga oshiriladi.
Surat: Marga Santoso, Unsplash’da
Inflyatsiya va boshqa moliyaviy omillar vaqt o‘tishi bilan jamg‘armangiz qiymatiga salbiy ta’sir ko‘rsatishi mumkin. Biroq, yaxshi investitsiyalar vaqt o‘tishi bilan uning qiymatini oshiradi.
Investitsiya — bu soha haqida ma’lum bilim, hisob-kitob qilingan tavakkalchilikka jur’at etish va vaqt bilan shakllanadigan san’at.
Investitsiya qilishni hozirdan boshlash kerakmi yoki kutgan ma’qulmi?
Endi bu ikki tushuncha o‘rtasidagi farqni bilganingizdan so‘ng, investitsiya qilishni qachon boshlash yoki jamg‘armaga e’tibor qaratish kerakmi, degan savol tug‘iladi. Javob moliyaviy maqsadlaringiz, tavakkalchilikka munosabatingiz va moliyaviy ahvolingizga bog‘liq.
Quyidagi shartlar bajarilgandan keyin investitsiya strategiyangizni amalga oshirishni ko‘rib chiqishingiz kerak:
1: Favqulodda vaziyatlar uchun jamg‘arma yaratingInvestitsiya qilishdan oldin, har qanday shoshilinch moliyaviy vaziyatdan chiqishga yordam beradigan yetarli mablag‘ jamg‘arganingizga ishonch hosil qiling.
Albatta, avval jamg‘arma.
2: Yuqori foizli qarzlarni to‘liq to‘langYuqori foizli qarzni to‘liq to‘lash orqali qarz foizlariga ketishi mumkin bo‘lgan ko‘p mablag‘ni tejaysiz va qarzingizning umumiy miqdorini tezroq kamaytirasiz. Qarzdan qutulganingizdan so‘ng, pulingizni jamg‘arma yoki investitsiyaga yo‘naltirishingiz mumkin.
3: Tavakkalchilikka munosabat: Ta’lim olmasdan va tadqiqot o‘tkazmasdan investitsiya qilish oxir-oqibat afsuslanarli qarorlarga olib keladi. Investitsiya yaxshi daromadni kafolatlamaydi, ba’zida mablag‘ning bir qismini yo‘qotish ehtimoli ham bor.
Siz investitsiya qiluvchisiz, kelajakni oldindan ko‘ra oladigan odam emassiz. Qarorlaringizni xavfli, taxminiy bashoratlarga emas, balki aniq dalillar va tahlillarga asoslang. Yaxshilab o‘rgangan sohangizga investitsiya qiling.
Investitsiyalaringizni kuzatib boring. Ular o‘zini tiklab, daromad keltira boshlashidan oldin qiymati pasayishini ko‘rishga tayyor bo‘ling. Yaxshiroq daromad olish uchun investitsiyalarda hisob-kitob qilingan tavakkalchilikka qo‘l uring.
“Eng katta tavakkal — umuman tavakkal qilmaslik.” — Mellody Hobson
4: Kutilayotgan daromad:Investitsiyalar odatda omonat hisobvarag‘iga qaraganda yuqoriroq daromad keltirishi mumkin.
Investitsiya olami sovuq va shafqatsiz bo‘lishi mumkin. Dono bo‘ling, investitsiya bo‘yicha qaror qabul qilishdan oldin yaxshilab izlaning.