It mavzusidagi altkoin Shiba Inu Hong Kong Virtual Asset Consortium (HKVAC) SHIB’ni virtual aktivlar indeks ro‘yxatiga kiritgach, yangi marraga erishdi. Bu esa dunyoga uning shunchaki mem-koin emas, balki harakat ekanini isbotladi.
Shiba Inu 2020-yil avgustida Ryoshi taxallusi bilan tanilgan yaratuvchisi tomonidan yaratilganidan buyon ancha yo‘lni bosib o‘tdi.
Butun dunyoda mashhurlikka erishgan va kriptoaktivning foydaliligi hamda qo‘llanish doirasini kengaytirishga qaratilgan bir qator tashabbuslar amalga oshirilgan Shiba Inu endi boshqa yirik bozor kapitallashuviga ega raqamli aktivlar qatorida Hong Kong Virtual Asset Consortium’ning virtual aktivlar indeksiga kiritildi.
Ammo bu nimani anglatadi?
HKVAC — yaqinda tashkil etilgan reyting agentligi bo‘lib, kriptovalyuta aktivlari va kripto birja platformalarining ishonchliligini baholashga ixtisoslashgan.
Asosan investorlarga va tartibga soluvchi organlarga kriptoaktivlarning ko‘rsatkichlari hamda ular bilan bog‘liq muhim xatarlarga doir ishonchli ma’lumot manbaini taqdim etish maqsadida ishlab chiqilgan uning keng qamrovli virtual aktivlar indeksida endi Shiba Inu boshqa 30 ta kriptovalyuta qatorida qayd etilgan.
HKVAC virtual aktivlar indeksida qayd etilgan ushbu 30 ta raqamli aktiv global kripto bozoridagi eng yuqori qiymatga ega kriptovalyutalarning umumiy ko‘rsatkichlarini ifodalaydi.
Konsorsium belgilagan maxsus talablarga javob berishi bilan birga, ushbu aktivlar bozor kapitallashuvi eng yuqori kriptovalyutalar qatorida qolayotganiga ishonch hosil qilish uchun jamoa har chorakning so‘nggi kunida indeksdagi aktivlarni ko‘rib chiqadi.
Shiba Inu bilan bir qatorda indeksga kiritilgan boshqa aktivlar: WBTC, BTCB, stETH, BCH, LTC, BNB, MATIC, ADA, ATOM, FIL, NEAR, ALGO, ICP, XRP, DOGE, DOT, WTRX, TRX, LINK, LEO, XMR, XLM, OKB, LDO, HBAR, VET, QNT, FTM, EOS.
Kriptoaktivlarning uch oy davomida o‘rtacha kunlik bozor kapitallashuvi kamida 10 million AQSh dollarini tashkil etishi kerak. Ushbu talab bajarilmagan hollarda, bozor kapitallashuvi eng yuqori bo‘lgan navbatdagi kriptoaktiv indeksga kiritiladi», — dedi HKVAC bozor kapitallashuviga oid mezonlarini tushuntirar ekan.
Kriptoaktivning likvidligiga kelsak, HKVAC aktivning «uch oy davomida o‘rtacha kunlik savdo qiymati (MDVT) kamida 100 000 AQSh dollarini tashkil etishi»ni talab qiladi.
Shiba Inu ekotizimining mahalliy tokeni SHIB narxining yaqinda keskin ko‘tarilishiga it mavzusidagi altkoinga xaridorlar qiziqishining keskin ortishi sabab bo‘ldi; natijada trillionlab Shiba Inu tokenlari zararsizlik nuqtasiga yetdi.
O‘tgan hafta o‘sish tendensiyasi SHIB’ga bozordagi boshqa yirik altkoinlardan o‘zib ketish imkonini berdi: uning qiymati 15,36 foizga oshdi.