Volatility Shares 2x Bitcoin Strategy ETF (BITX) kelasi seshanba, 27-iyun kuni Chicago Board Options (CBOE) BZX Exchange birjasida savdoga chiqarilishi rejalashtirilgan.
AQSh Qimmatli qog‘ozlar va birjalar komissiyasi (SEC) juma kuni Bitcoin fyucherslariga asoslangan birinchi kredit yelkali birja fondini (ETF) ma’qulladi. Volatility Shares 2x Bitcoin Strategy ETF (BITX) kelasi seshanba, 27-iyun kuni Chicago Board Options (CBOE) BZX Exchange birjasida savdoga chiqarilishi rejalashtirilgan.
SEC hujjatiga ko‘ra, BITX “Chicago Mercantile Exchange (CME) Bitcoin Futures Daily Roll Index daromadining ikki baravariga (2x) mos keladigan investitsiya natijalariga erishishni ko‘zlaydi.”
ETF, ya’ni birjada savdo qilinadigan fond, aksiyalar va tovarlar kabi qimmatli qog‘ozlarni birlashtiradi. Investorlar ushbu qimmatli qog‘ozlarga bevosita egalik qilmasdan, ulardan daromad olish imkoniyatiga ega bo‘lish uchun ETF ulushlarini sotib olishlari mumkin. Bitcoin ETFlarining ikki asosiy turi mavjud: Bitcoin fyucherslari va Bitcoin spot ETFlari.
BITX fondi kredit yelkasidan foydalanadigan ETF bo‘ladi. Bunday fondlar mezon indeksining daromadliligini oshirish uchun qarz yoki moliyaviy derivativlardan — bu holda, Bitcoin fyucherslaridan — kredit yelkasi sifatida foydalanadi. Kredit yelkasi investorlar uchun qisqa muddatli daromad keltirishi mumkin, biroq katta yo‘qotishlarga ham olib kelishi mumkin.