Pi Coin nafaqat mobil mayningga o‘ziga xos yondashuvi yoki ulkan hamjamiyati, balki o‘z ekotizimida amaliy foydali imkoniyatlar yaratishga qat’iy intilishi bilan ham kriptovalyuta inqilobining oldingi safida turadi.
Tarmoq mobil mayningning sodda, ammo qudratli va noodatiy usuli orqali kriptovalyutadan hamma foydalanishi uchun keng imkoniyat yaratishga yo‘l ochdi. Natijada 47 milliondan ortiq faol a’zodan iborat hamjamiyat tobora kengayib bormoqda. Foydalanish imkoniyatidan tashqari, foydalilik ham tarmoqning asosiy maqsadlaridan biridir. Foydalanish imkoniyati quyidagi savolga javob beradi: “Iqtisodiy sharoiti va bilim darajasidan qat’i nazar, butun dunyodagi odamlar kriptovalyuta inqilobida unga egalik qilish orqali qanday ishtirok etishi mumkin?” Foydalilik esa quyidagi savolga javob beradi: “Kriptovalyuta oddiy odamlar hayotida qanday qilib ijobiy o‘zgarishlar yaratishi mumkin?” Yoki: “Kriptovalyutadan savdo va moliyaviy maqsadlardan tashqari yana nimalarda foydalanish mumkin?”
Tarmoq foydali imkoniyatlarning bir necha turini yaratdi. Pi’dan markazlashmagan kontent yaratish, saralash va moderatsiya qilish uchun foydalanadigan Fireside Forum ilovasi; foydalanuvchilar o‘rtasidagi aloqalar uchun Pi’dan foydalanadigan Chat ilovasidagi Staked DM funksiyasi; tovar va xizmatlar uchun Pi bilan bevosita to‘lov qilishga mo‘ljallangan hamyon ilovasi; hamjamiyatdagi muhim tekshiruv ishlarini ko‘pchilik ishtirokida bajarish uchun Pi’dan foydalanadigan KYC ilovasi yoki Pi kriptovalyutasi uchun jozibador qo‘llanish holatlariga ega, Pi hamjamiyati dasturchilari yaratgan ko‘plab ilovalar haqida eshitgan bo‘lishingiz mumkin (masalan, oldingi xakatonlarimiz haqidagi 1- va 2-e’lonlarga qarang). Ilovalar hayotimizni ko‘p jihatdan boyitadi va Pi kriptovalyutasini innovatsion tarzda joriy etish orqali tarmoq uchun turli foydali imkoniyatlar yaratadi.
Platforma miqyosidagi foydali imkoniyatlar nima?
Biroq ilovalar foydali imkoniyatlar yaratishning yagona manbai emas. Pi platformasi miqyosida ham foydali imkoniyatlar yaratish uchun katta imkoniyatlar mavjud. Bu imkoniyatlar kriptovalyuta tarmog‘ining ayrim noyob umumiy resurslariga asoslanadi, jumladan, quyidagilarga, ammo ular bilan cheklanmaydi:
Hamjamiyatimizning ko‘lami va faolligi
Bizning umumiy e’tiborimiz
Tasdiqlangan raqamli shaxsiyatimiz
Kompyuter tugunlaridan iborat katta taqsimlangan tarmog‘imiz
Muayyan vaqtda platformada kimdir biror faoliyat bilan shug‘ullanayotgan bo‘ladi. Bu faoliyatlarning xilma-xilligi Pi kriptovalyutasi uchun turli foydali imkoniyatlar yaratishi mumkin. Biroq umumiy resurslarimizni (ya’ni, birgalikdagi ishtirokimiz va faoliyatimizni) hisobga olsak, ularni har bir Kashshof ega bo‘lgan Pi’ning butun tarmoq miqyosidagi foydali imkoniyatlariga qanday aylantirishimiz mumkin?
Bu savol platforma miqyosida foydali imkoniyatlar yaratish uchun muhim ahamiyatga ega. Pi hamjamiyati ega bo‘lgan har bir umumiy resursdan Pi uchun foydali imkoniyat yaratish va uni ishlab chiqish mumkin. Masalan, Pi kriptovalyutasidan faol va ko‘p sonli hamjamiyatning boy e’tibor resursidan turli ekotizimlarda foydalanish, butun dunyo bo‘ylab ko‘plab odamlarni qamrab olgan, kripto imkoniyatlari bilan ta’minlangan va KYC’dan o‘tgan tarmoqqa egalikni talab qiladigan yoki insonning haqiqiyligini tasdiqlashni ko‘zda tutadigan xizmatlarni ulash, yoxud katta va ishonchli hisoblash quvvatiga ega taqsimlangan tizimni talab qiladigan dasturiy mahsulotlarni ishga tushirish uchun foydalanish mumkin. Yuqorida sanab o‘tilgan Pi’ning umumiy resurslari platforma miqyosida foydali imkoniyatlar yaratishga zamin bo‘ladi va oxir-oqibat barcha Kashshoflarga naf keltiradi. Chunki bunday haqiqiy foydali imkoniyatlar insonlarning real ehtiyojlari hamda jamiyat va texnologiyaning rivojlanib borayotgan talablariga javob berishga intiladi va har bir Kashshof ega bo‘lgan Pi’ga tabiiy talabni yuzaga keltiradi.
Pi’ning platforma miqyosidagi foydali imkoniyatlari — bu Core Team turli ilovalari orqali ilova darajasida foydali imkoniyatlar yaratish yoki hamjamiyat dasturchilariga ilovalar yaratish imkonini berishdan tashqari, Core Team tasavvur qilgan, o‘rgangan, loyihalashtirgan va yaratgan yo‘nalishdir.
Pi’da platforma miqyosidagi foydali imkoniyatning dastlabki namunasi
2023-yil dekabrda e’lon qilingan Yo‘l xaritasi v2’ning Dasturchilar platformasi va vositalari bo‘limida Pi Core Team tomonidan olib borilayotgan, platforma miqyosidagi foydali imkoniyat xususiyatiga oid yashirin loyiha qayd etilgan. Hozirda u yashirin rejimda loyihalashtirilmoqda va sinovdan o‘tkazilmoqda. Ushbu loyiha — ushbu e’londa bayon qilingan foydali imkoniyatlar yaratish nazariyalari va yo‘nalishlariga amal qilgan holda tarmoqning ayrim umumiy resurslaridan foydalanishga mo‘ljallangan dastlabki tajriba. U Pi kriptovalyutasining umumiy foydaliligini oshirishi, shuningdek, ekotizimimizdagi Pi ilovalarining barqarorligini ta’minlashga ko‘maklashishi mumkin.
Kuzatib boring
Yaqin kelajakda ushbu loyiha tafsilotlarini e’lon qilish uchun qo‘shimcha ma’lumot bilan qaytamiz. Ungacha mayningingiz omadli bo‘lsin! KYC va foydali imkoniyatlar bo‘yicha maqsadlarimizga erishib, Ochiq tarmoqqa chiqishimizga ko‘maklashayotgan butun hamjamiyatga samimiy salom yo‘llaymiz.