Cardano ekotizimidagi memkoin SNEK narxi so‘nggi yetti kun ichida 200% dan oshdi. O‘tgan dushanba kuni 0,0004 dollargacha tushgan SNEK hozirda 0,0017 dollarni tashkil etmoqda.
Dam olish kunlari narx 135% ga oshgani ayniqsa e’tiborga molik. Bu qiziq, chunki o‘sha paytda bozor ishtirokchilari kamroq faol bo‘lgan va bozorning o‘zi ham kamroq o‘zgaruvchan edi.
Ushbu narx o‘zgarishlari fonida SNEK Cardano ekotizimidagi eng yirik tokenlar reytingida 4-o‘ringa ko‘tarildi. TapTools ma’lumotlariga ko‘ra, hozirda uning bozor kapitallashuvi 83,33 million ADA yoki 30,7 million dollarga teng. SNEK 3-o‘ringa chiqish uchun atigi 2 million dollar uzoqda.
SNEK’ning yutug‘i token hali bir oylik ham bo‘lmaganini bilganingizda yanada hayratlanarli tuyuladi. Pepe Coin (PEPE) qo‘zg‘atgan memkoinlar shiddatining avjida loyiha 30-aprel kuni tom ma’noda paydo bo‘ldi.
O‘zini «Cardano’dagi eng hayajonli memkoin» deb ataydigan SNEK’ning asosiy g‘oyasi hamjamiyatni shakllantirish va Cardano ekotizimida markazlashmagan moliyani rivojlantirishdan iborat.
Aniq yo‘l xaritasi yoki sezilarli reklama bo‘lmaganiga qaramay, SNEK bor-yo‘g‘i bir oy ichida erishgan muvaffaqiyatini hisobga olsak, yangi memkoin Cardano hamjamiyati tomonidan iliq kutib olindi. SNEK’ning virusdek tez tarqalishi Cardano yaratuvchisi Charlz Xoskinsonning ham e’tiborini tortdi.
