QISQA XABARLAR: 

• Yaponiyaning Softbank investitsiyalarni boshqarish kompaniyasi kriptovalyuta birjasi FTX inqirozi oqibatida zarar ko‘rgan navbatdagi kompaniya bo‘lishi mumkin. Xabarlarga ko‘ra, texnologiyalarga ixtisoslashgan kompaniya FTX’ga qariyb 100 million dollar sarmoya kiritgan

• Birja to‘lovga layoqatsizlik sari yaqinlashar ekan, Softbank FTX’ga kiritgan jami sarmoyasini hisobdan chiqarishga qaror qilishi mumkin. FTX asoschisi Sem Benkman-Frid shu hafta yaqin orada naqd pul kelib tushmasa, birja bankrotlik to‘g‘risida ariza berishga majbur bo‘lishi mumkinligini aytdi

• Bloomberg’ga anonim manba aytishicha, Softbank ushbu sarmoyani dekabr choragida hisobdan chiqarishi kutilmoqda

• Investitsiya qiymati avvalroq tannarxiga yaqin deb baholangan, uning qiymati yoki foydasida o‘sish qayd etilmagan edi

• SoftBank avvalroq FTX’ning ikkita moliyalashtirish bosqichida qatnashgan. Bunga o‘tgan yili o‘tkazilgan 900 million dollarlik B seriyali moliyalashtirish bosqichi va bu yilgi yana 400 million dollarlik bosqich kiradi

• Biroq kompaniya investitsiyasining umumiy qiymati yoki ulushi qanday natija ko‘rsatayotganini hozircha oshkor qilmagan

• FTX’ning eng yirik investorlaridan biri bo‘lgan Sequoia Capital birjaga nisbatan tavakkalchiligi cheklanganini avvalroq ma’lum qilgan edi. Shu hafta boshida u ham yaqinda yuz bergan tartibsizliklar sababli qiymati 200 million dollarga baholangan ushbu investitsiyasining yarmini hisobdan chiqarganini qayd etdi

• FTX’ning boshqa yirik sarmoyadorlari qatoriga Singapur hukumatiga qarashli Temasek investitsiya kompaniyasi (205 million dollar), Paradigm (215 million dollar) va Ontario Teachers’ Pension Plan (80 million dollar) kiradi