Peter Kerstens
(Manba: TRM Labs)
Peter Kerstens va #MiCA haqida. Peter Kerstens Yevropa Komissiyasining moliyaviy xizmatlar bo‘limida maslahatchi. U texnologik innovatsiyalar, raqamli transformatsiya va kiberxavfsizlik masalalari bo‘yicha maslahat beradi. Uni ba’zan MiCA qonunining «otasi» deb atashadi. Yevropa Parlamenti yaqinda MiCA qonunini qabul qildi. Bu YIga a’zo davlatlar joriy etishi lozim bo‘lgan «kriptoaktivlar»ni tartibga solish bo‘yicha keng qamrovli huquqiy asosdir.
Kerstensning so‘zlariga ko‘ra, YI regulyatorlari va qonun chiqaruvchilari kriptoaktivlarni tartibga solish zarurligini kripto sohasidagi quyidagi ikki rivojlanish omili yoki «to‘lqin»i tufayli anglay boshlagan:
2017–2018-yillardagi ICO to‘lqinining yuksalishi va inqirozi, shuningdek, “rug pull” kabi noqonuniy amaliyotlar.
Yana bir muhimroq to‘lqin — steyblkoinlarning tez sur’atda paydo bo‘lishidir. Muayyan “burilish nuqtasi” Mark Sukerbergning Facebook kompaniyasi e’lon qilgan Libra tashabbusi bo‘ldi. U Libra tangasini qo‘llab-quvvatlaydigan fiat valyutalar savatini yaratishni taklif qilgan. O‘sha paytda Facebookning “steyblkoin tashabbusi” MiCA’ni yaratishga turtki bergan “siyosiy impuls” uchun, shuningdek, Vashingtondagi doiralarda shu kungacha davom etayotgan tartibga solish va qonunchilik muhokamalari uchun asosiy sabab sifatida e’tirof etilgan.
Kerstensning so‘zlariga ko‘ra, MiCA qonunini uchta element yoki qismga ajratish mumkin:
Kriptovalyuta va steyblkoin emitentlari, shuningdek, CASP’lar (kriptoaktivlarga xizmat ko‘rsatuvchi provayderlar) tasnifi.
Mazkur emitentlar va CASP’lar faoliyatini tartibga soluvchi qoidalar va me’yorlar; ular talab qilinadigan litsenziyalash, ma’lumotlarni oshkor qilish va kapital miqdoriga oid talablarni o‘z ichiga oladi.
Berilgan litsenziyaning “pasportlash” imkoniyati tan olinadi va undan Yevropa Ittifoqiga a’zo 27 davlatning barchasida foydalanish mumkin.
MiCA qonunining pul yuvish va terrorizmni moliyalashtirishga qanday aloqasi borligi haqida so‘ralganda, Kerstensning javobi shuki, kriptoaktivlar haqida gap ketganda, muhokamaga darhol pul yuvish masalasini qo‘shish odatiy hol. Bundan tashqari, u kriptoaktivlardan asosan pul yuvish va noqonuniy maqsadlarda foydalaniladi, degan fikr “to‘g‘ri emasligini”, ulardan ko‘proq to‘lovlar va spekulyatsiya maqsadlarida foydalanilishini aytdi. Yevropa Ittifoqidan bo‘lsa-da, siyosatchi tomonidan aytilgan bu kamyob fikrga qo‘shilmaysizmi?