#Bitcoin AQSh inflyatsiyasi haqidagi ma’lumotlar kutilganidan past chiqqach, narx 28 ming dollardan oshib, tez ko‘tarildi. Kechki payt esa bir necha daqiqa ichida keskin pasayib, 27 ming dollardan pastga tushdi.

Narxdagi bu o‘zgarish Toshkent vaqti bilan soat 20:07 da yuz berdi: bitkoin 28 227 dollardan 26 842 dollargacha tushdi. Bitkoin nega pasayganiga doir savollar tug‘ilgach, ayb yana bir bor kripto-razvedka kompaniyasi Arkhamga to‘nkalgandek bo‘ldi. Biroq bu safar aybdor Arkham emasligi, narxning tushishiga Arkham orqali ogohlantirish botidan foydalangan foydalanuvchining noto‘g‘ri belgilashi sabab bo‘lgani ma’lum bo‘ldi.