Texnik tahlil — Bitcoin kabi kriptovalyutalarni ham o‘z ichiga olgan moliya bozorlarini tahlil qilish usuli bo‘lib, kelajakdagi narxlar harakatini bashorat qilish uchun narx va savdo hajmining o‘tgan davrlardagi ma’lumotlarini o‘rganishni o‘z ichiga oladi. Texnik tahlilning asosiy g‘oyasi shundan iboratki, narxlar harakati butunlay tasodifiy emas, aksincha, aniqlash va tahlil qilish mumkin bo‘lgan tendensiyalar hamda naqshlarga amal qiladi.
Texnik tahlildan foydalanadigan treyderlar bozor ma’lumotlaridagi tendensiyalar va naqshlarni aniqlash uchun turli xil vositalar va usullardan foydalanadilar. Eng ko‘p ishlatiladigan vositalarning ayrimlari quyidagilar:
Grafiklar: Grafiklar narx va savdo hajmi ma’lumotlarining grafik ko‘rinishidagi ifodasi bo‘lib, treyderlarga vaqt o‘tishi bilan tendensiyalar va qonuniyatlarni kuzatish imkonini beradi. Treyderlar savdo qilish uchun ehtimoliy imkoniyatlarni aniqlashda turli xil grafiklardan, jumladan, shamchali va chiziqli grafiklardan foydalanadilar.
Harakatlanuvchi o‘rtacha qiymatlar: Harakatlanuvchi o‘rtacha qiymatlar texnik tahlilda keng qo‘llanadigan vosita bo‘lib, treyderlarga bozordagi tendensiyalarni aniqlashga yordam beradi. Ular aktiv narxining muayyan vaqt oralig‘idagi, masalan, 50 yoki 200 kundagi o‘rtacha qiymatini hisoblash orqali aniqlanadi.
Ossillyatorlar: Ossillyatorlar texnik tahlil vositalarining bir turi bo‘lib, treyderlarga bozordagi haddan tashqari ko‘p xarid qilingan yoki sotilgan holatlarni aniqlashga yordam beradi. Keng tarqalgan ossillyatorlarga Nisbiy kuch indeksi (RSI) va Stoxastik ossillyator kiradi.
Qo‘llab-quvvatlash va qarshilik darajalari: Qo‘llab-quvvatlash va qarshilik darajalari — treyderlar katta miqdorda xarid yoki sotuv bosimi mavjud deb hisoblaydigan narx darajalaridir. Treyderlar savdoga kirish va undan chiqish uchun ehtimoliy nuqtalarni aniqlashda ushbu darajalardan foydalanadilar.
Shuni ta’kidlash muhimki, texnik tahlil moliya bozorlarini tahlil qilishning ko‘plab usullaridan biri, xolos. U kelajakdagi narx o‘zgarishlarini aniq bashorat qilishiga kafolat yo‘q. Shunga qaramay, ko‘plab treyderlar texnik tahlilni ehtimoliy savdo imkoniyatlarini aniqlash va xatarlarni boshqarish uchun foydali vosita deb biladilar.