Altkoinlar: Altkoin deganda Bitcoin’dan tashqari har qanday raqamli aktiv, masalan, ETH, BNB, Matic va boshqalar tushuniladi.

DEX: Markazlashmagan kriptovalyuta birjasi deb ham ataladigan DEX — foydalanuvchilar tangalarni o‘zaro bevosita savdo qilishi mumkin bo‘lgan platforma. Bunday birjalarda savdo qilish uchun hamyonni ulash kerak.

Staking: Kripto staking — blokcheyn tarmog‘idagi tranzaksiyalarni tekshirish va qo‘llab-quvvatlash uchun o‘zingizdagi kriptoaktivlardan foydalanib, rag‘bat sifatida kriptovalyuta ishlab topishingiz mumkin bo‘lgan jarayon.

Mayning: Kriptovalyuta mayningi — bu tanga blokcheynida blokni topish jarayoni bo‘lib, buning uchun maynerlar — odamlar va ularning mayning qurilmalari — kriptovalyuta mukofotlarini oladi.

Tarmoqlar: Har bir blokcheyn tranzaksiyalarni amalga oshirish uchun foydalaniladigan manzillarning o‘ziga xos tarmog‘iga ega. Har bir tarmoq Bitcoin blokcheyni, Ethereum (ERC-20), Binance Smart Chain (BSC) BNB va boshqalar kabi muayyan nom bilan ataladi.

Aqlli shartnoma: Aqlli shartnoma — blokcheynga kodlangan muayyan ko‘rsatmalar to‘plami. Bu shartnomalar odatda tokenlar chiqarish yoki markazlashmagan ilovalar orqali aktivlarni ayirboshlash bilan bog‘liq murakkab tranzaksiyalarda qo‘llaniladi.

Metaverse: Metaverse — kengaytirilgan reallik vositasi bo‘lib, foydalanuvchilarga virtual dunyoni jismoniy dunyo bilan birlashtirish orqali interaktiv tajribalar yaratish imkonini beradi. Aslida, uni kiber makon tushunchasining raqamli ifodasi deb qarash mumkin.