Ma’rifiy post:
Tugun nima?
Telekommunikatsiya va dasturiy ta’minot muhandisligida «tugun» deganda o‘zaro bog‘langan kengroq tarmoqning bir qismi tushuniladi. Kriptovalyuta sohasida esa tugun — har bir tranzaksiyani tekshirish va tasdiqlash uchun blokcheyn algoritmini ishga tushiradigan tarkibiy qismlardan biridir. Har bir blokcheyn tugunlardan tashkil topadi. Tugunlar, odatda, blokcheynning asosiy protokoli va barcha tranzaksiyalar tarixining nusxasini saqlaydigan kompyuter tizimlaridir. Markazlashmaganligi tufayli, istalgan kishi markazlashmagan blokcheyn tarmog‘iga ulangan va zarur resurslarga ega bo‘lsa, dunyoning istalgan joyida tugun ishga tushirishi mumkin.Tugunlar nima uchun ishlatiladi?Tugunlar blokcheyn ma’lumotlarini yaratishi, yuborishi va qabul qilishi mumkin. Ularning asosiy vazifasi tarmoqdagi har bir tranzaksiyani tekshirish, qayd etish va tarqatishdir. Ular blokcheynning to‘g‘ri ishlashini ta’minlaydi hamda zararli tranzaksiyalarni rad etish imkonini beradi. Shuningdek, ular har bir blokcheynning konsensus mexanizmini bajarish uchun mas’uldir. Konsensus mexanizmi — blokcheynlar tranzaksiyalarni tasdiqlash va tekshirish uchun amal qiladigan jarayon. Eng keng tarqalgan ikkita konsensus mexanizmi — Proof-of-Work (PoW) va Proof-of-Stake (PoS).