Shanghai yangilanishidan keyin investorlar shunchaki $ETH’ni saqlab turish o‘rniga, uni $ETH LSD mahsulotlariga almashtirishi va hatto kam xatarli daromadli farmingda qatnashishi mumkin.

Xo‘sh, qaysi loyihani ko‘rib chiqish kerak? Buni bugungi maqolamizda Holdstation bilan birga bilib olamiz.

Likvid staking derivativlari (LSD) nima?

Shanghai yangilanishidan keyin Beacon Chain’dan ko‘p miqdorda $ETH yechib olinadi. Ularning aksariyati foydasini maksimal darajada oshirish uchun yanada moslashuvchan va APR’i yuqoriroq bo‘lgan yangi daromad manbaini izlaydi. Agar qo‘lingizdagi $ETH uchun manzil izlayotgan bo‘lsangiz, Balancer yaxshi tanlov bo‘lishi mumkin.

LSD mahsulotlari uchun likvidlik manfaatlar yo‘lida Ethereum’ning o‘sishiga turtki beradi;

• Kapital samaradorligini optimallashtirish, yirik o‘yinchilar va venchur investorlarni o‘yinga jalb qilish uchun rag‘bat yaratish

• Investorlar uchun LSD pozitsiyalarini moslashuvchan tarzda yaratish

• Oddiy Liquid Staking Derivatives’ga qaraganda yuqoriroq mukofotlar

• Ko‘proq $ETH’ni stakingda ishtirok etishga undash, tarmoq xavfsizligi va markazsizlashuvini yaxshilash

Balancer nima?

Balancer — dastlab Ethereum tarmog‘ida yaratilgan, keyinchalik Arbitrum, Polygon, zkSync, Gnosis va boshqa tarmoqlarga kengaytirilgan eski AMM.

Xo‘sh, nima uchun Balancer ETH LSD’lari uchun likvidlik markaziga aylanishi mumkin?

Balancer Batch Swap

Buning sababi Pool V2 yangilanishida: Balancer barcha aktivlar bitta kontraktga kiritiladigan Pool yaratdi. Tranzaksiya amalga oshganda, likvidlik havzasi faqat svop miqdorini hisoblaydi, aktivlar esa kiritiladi va chiqariladi.

Boshqa protokollardan farqli ravishda, A tokenini B tokeniga almashtirmoqchi bo‘lsangiz va A-B LP juftligi mavjud bo‘lmasa, protokol aktivlarni turli likvidlik havzalari orqali avtomatik almashtiradi. Bu gas komissiyalarini oshiradi va (ehtimol) narx sirpanishini ham ko‘paytiradi.

Masalan:

Curve Finance’da WBTC’ni stETH’ga almashtirsangiz, marshrutizator mantiqi WBTC’ni -> ETH’ga -> stETH’ga almashtiradi. Demak, ikki marta almashtirish odatdagidan ko‘proq narx sirpanishi va yuqoriroq gas komissiyasiga olib keladi.

Yana bir misol: rETH’ni stETH’ga almashtirish

Ko‘rinib turibdiki, Balancer Batch Swap oddiy va barqaror juftliklar o‘rtasida almashishda juda samarali ishlaydi.

Yuqoridagi afzalliklar tufayli Balancer’dagi tranzaksiya gas komissiyalari ham optimallashtirilgan. Quyidagi statistikada Balancer va Uniswap’dagi gas sarfi taqqoslangan. Agar Uniswap’da tranzaksiyangiz 3 ta marshrutizator orqali o‘tsa, 310 000 dan ortiq gas sarflashingiz kerak bo‘ladi, Balancer’ning Batch Swap’i bilan esa atigi 170 000 gas sarflanadi.

Yuqoridagi yaxshilanishlar tufayli Batch Swap foydalanuvchilarga quyidagi afzalliklarni beradi

• Treydyerlar tranzaksiyalarni past narx sirpanishi va past gas komissiyalari bilan optimallashtirishi mumkin -> bu yirik va chakana treyderlar uchun foydali

• Likvidlik ta’minotchilari ko‘proq svop komissiyalaridan foyda ko‘radi -> Pool APR yuqoriroq bo‘ladi

Boosted Pool

Oddiy Pool2 yoki Curve Finance’ning pool3’i kabi likvidlik havzalarida likvidlik ta’minotchilari svop komissiyalari va inflyatsion tokenlardan mukofot oladi. Biroq, aksariyat havzalarda likvidlikning atigi 20% ga yaqini ishlatiladi. Bu kapitalning yetarlicha foydalanilmasligiga -> svop komissiyalarining past bo‘lishiga -> APRning past bo‘lishiga olib keladi

Boosted Pool’da Balancer foydalanilmayotgan tokenlarni boshqa tokenlarga o‘rab, ularni olib, AAVE, Morpho, Gearbox va boshqalar kabi protokollar orqali likvidlik ta’minotchilari uchun ko‘proq daromad keltiradigan strategiyalar yaratadi

Yuqoridagi yaxshilanishlar tufayli Boosted Pool foydalanuvchilarga quyidagi afzalliklarni beradi:

• Yuqoriroq APR

• Treydyerlarga yaxshiroq narxlardan foydalanishga yordam beradigan chuqurroq likvidlik va Batch Swap

MEV’dan himoya

Siz “Sandwich Attack” haqida eshitgan bo‘lishingiz mumkin. So‘nggi paytlarda bozor tiklandi va DEX’larda tranzaksiyalar soni ko‘payib, MEV botlari uchun serdaromad o‘ljaga aylandi.

Shanghai Hard Fork amalga oshganidan keyin ko‘plab investorlar katta hajmda xarid yoki savdo qilishi ehtimoli juda yuqori. Shu sababli, MEV’dan himoya qiluvchi birjalar katta hajmda savdo qilmoqchi bo‘lganlar uchun manzilga aylanadi.

Balancer foydalanuvchilar xavfsizligini ta’minlash uchun MEV hujumlarining oldini olish maqsadida uzoq vaqtdan beri Cowswap bilan hamkorlik qilib keladi.

Xulosa

Balancer Ethereum LSD’lari uchun likvidlik markaziga aylanishi mumkinligining sabablari:

• Batch Swap foydalanuvchilarga yaxshi narxda savdo qilish va komissiyalarni optimallashtirishga yordam beradi

• Boosted Pool likvidlik ta’minotchilariga kapital resurslarini optimallashtirishga yordam beradi

Shanghai’dan keyin $ETH staking qilmoqchi bo‘lsangiz, Aura Finance, Tetu, Beefy va boshqalar kabi loyihalarga murojaat qilishingiz mumkin. Bularning barchasi Balancer likvidligi asosida qurilgan Yield Boost loyihalaridir