Xo‘sh, bu bir nechta sababga ko‘ra muhim va ularni quyida sanab o‘taman. Biroq, shuni ta’kidlash kerakki, bular mavjud ma’lumotlarga asoslanib hisoblangan taxminlardir. Yangilanish haqida ko‘proq ma’lumot olganimiz sari ushbu bo‘limni yangilab boramiz.
Gaz to‘lovlari: Ethereum Shanghai yangilanishi olib kelishi kutilayotgan eng katta o‘zgarishlardan biri — Ethereum ustida ishlaydigan 2-qavat yechimlari, masalan, Polygon, Optimism va shunga o‘xshash platformalar uchun gaz to‘lovlarini kamaytirishdir. Bu 2-qavat yechimlari Ethereum’dan foydalanishni tezroq va arzonroq qiladi. Ushbu yangilanish Ethereum blokcheynida tranzaksiyalarni amalga oshirishni yanada arzonlashtirishi mumkin.
Staking qilingan ETH tokenlarini yechib olish: Ethereum Merge’dan oldin yangi PoS Ethereum Beacon zanjirida validator bo‘lishni istaganlar ma’lum miqdordagi ETH’ni depozit uchun mo‘ljallangan aqlli kontraktga staking qilishlari kerak edi. Merge amalga oshganidan keyin ham bu mablag‘ kontraktda bloklangan holda qolgan edi. Endi esa Shanghai yangilanishi bilan bu blokdan chiqarilishi va ETH tokenlarini staking qilganlar ularni yechib olishlari mumkin.
Aqlli kontrakt imkoniyatlariga oid yangilanishlar: Bu Shanghai yangilanishidan kutilayotgan yana bir muhim yangilanishdir. Aqlli kontraktlarni qo‘llab-quvvatlaydigan eng yirik blokcheyn tarmog‘i sifatida Ethereum rivojlanish borasida yetakchilikni saqlab qolishi kerak.