FED va uning qarorlari kripto olamiga qanday ta’sir qilishi haqida biroz suhbatlashamiz.
FED (Federal zaxira tizimi) — Qo‘shma Shtatlarning Markaziy banki. Uning asosiy vazifasi narxlarni barqaror saqlash (inflyatsiyani nazorat qilish) va imkon qadar ko‘proq ish bilan bandlikni ta’minlash uchun iqtisodiyotda muomaladagi pul miqdorini nazorat qilishdir.
Bunga erishish uchun uning eng muhim vositasi asosiy foiz stavkasidir. Bu safar FED foiz stavkasini 3,7% etib belgilashni rejalashtirdi (bu kutilganidan yuqori ko‘rsatkich). Bunday vaziyatda investorlar aktivlarini «himoya qilish» uchun kamroq xavfli bozorga sarmoya kiritishga qaror qilishadi va shu sababli AQSh dollari kabi «an’anaviy va barqaror» fiat valyutalari hamda AQSh G‘aznachiligi obligatsiyalarini xavfsiz boshpana sifatida tanlashadi.
Bu, shubhasiz, kripto raqamli valyutalar tizimidan katta miqdorda kapital chiqib ketishiga va natijada ularning narxlari pasayishiga olib keladi.
Bu mavzu haqida sen nima deb o‘ylaysan?
