Arbitrum (ARB) ikkinchi darajali tarmog‘i kriptovalyutasi narxi oxirgi sutkada 20% ga oshdi va 16 sentabr kuni kripto bozoridagi eng yirik aktivlar orasida foiz o‘sishi bo‘yicha yetakchiga aylandi. Loyihaning kapitallashuvi $1,1 mlrd dan oshdi, bu esa ARB’ning Coinmarketcap kapitallashuv reytingida 55-o‘rinni egallashiga imkon berdi.
Oyning boshidan kurs 50% ga oshdi, avgust boshidan esa 110% dan ko‘proqqa ko‘tarildi. Iyunning oxirida kurs tarixiy eng past ko‘rsatkichni $0,07 darajasida yangiladi. O‘tgan kunlardagi o‘sish har qanday e’lonlar yoki protokol yangilanishlari bilan hamroh bo‘lmadi.
Biroq bunga qadar Standard Chartered britan banki tomonidan token narxiga ijobiy prognoz e’lon qilingandi. Mutaxassislar ARB kursi 2030 yilga borib $10 ga yetishi mumkin, deb hisoblashadi. Soat 17:30 (Toshkent vaqti) holatiga ko‘ra ARB kursi $0,166 darajasida; agar bank prognozi amalga oshsa, yaqin yillarda o‘sish qariyb 6000% ni tashkil etadi.
Arbitrum — Ethereum blokcheynidagi ikkinchi darajali (L2) yetakchi va eng qadimgi protokollardan biri bo‘lib, 2021 yil oxirida ishga tushirilgan. ARB nativ tokeni faqat 2023 yil boshida savdoga chiqishni boshladi. Loyihasi token chiqarilishi kripto bozor tarixidagi eng yirik eirdrop-lardan biri (tarmoqdan erta foydalanuvchilar uchun mukofot) bo‘lgani bilan mashhur.
ARB kursi ikki yildan ko‘proq vaqt davomida pasayish trendida bo‘lib, 2024 yilgi eng yuqori qiymatlardan 90% dan ko‘prog‘ini yo‘qotdi. Ammo avgust o‘rtalaridan boshlab AQSh brokeri Robinhood tarmog‘ining muvaffaqiyati fonida faol o‘sish boshlandi. Robinhood Arbitrum texnologik stekiga asoslangan. Texnik ta’minoti uchun ikkinchisi Robinhood tarmog‘idagi komissiyalardan tushumning bir qismini oladi.
Standardda buqacha ssenariyning asosiy drayveri sifatida real dunyo tokenlashtirilgan aktivlar (RWA) bozorining o‘sishi kutilmalarini aytishdi. Ularning hajmi 2028 yilga kelib $4 trln ga yetadi. Mutaxassislarning fikricha, banklar va aktivlarni boshqaruvchi kompaniyalar blokcheynga tobora ko‘proq aktivlarni olib chiqayotgan ekan, Arbitrum Robinhoodga o‘xshash tarmoqlarni yaratish uchun infratuzilma taqdim etib yutib chiqishi mumkin.
Biroq bank prognoz amalga oshishiga bog‘liq risklar haqida ham ogohlantirdi. Asosiy tahdidlar sifatida «aktivlarni tokenlashtirish sur’atlarining kutilgandan sekinroq bo‘lishi va alternativ blokcheynlar tomondan raqobatning kuchayishi» qayd etildi.