Italiyaning hashamatli moda brendi Gucci raqamli modani Otherside metaversiga olib kirish uchun Yuga Labs bilan hamkorlik qildi.
Bored Ape Yacht Club asoschisi bilan ushbu hamkorlik moda kompaniyasining Web3 olamidagi mavqeini yanada mustahkamlaydi. Shuningdek, bu hamkorlik NFTlar va metavers qanday qilib moda sanoatiga ijobiy ta’sir ko‘rsatayotganining namunasidir. Cheksiz imkoniyatlar va ijodkorlikni o‘ziga xoslik jozibasi bilan uyg‘unlashtirgan hashamatli moda brendlari yangi auditoriyani jalb qilishdan mamnun.
Bu Yuga Labsning Otherside’ga ilk safari emas. Ko‘p o‘yinchili metavers o‘yini Yuga Labs tomonidan 2022-yil 19-mart kuni taqdim etilgan. Bu hayajonli treyler orqali amalga oshirilgan va treyler hozirga qadar Twitter’da 3 milliondan ortiq marta ko‘rilgan.
Otherside metaversi Apecoin tomonidan quvvatlanadi va foydalanuvchilarni chuqur taassurotlar yaratishda o‘z ijodkorligidan foydalanishga undaydi.
Ushbu hamkorlikning shartlari va tafsilotlari hali aniq emas, ammo hamkorlik har bir kompaniya hamjamiyatini qanday kengaytirishi haqida muzokaralar olib borilmoqda. Metaversda moda va ko‘ngilochar sohalar o‘zaro qanday aloqada bo‘lishini o‘rganish orqali foydalanuvchilarning faolligi oshiriladi.
Guccining metavers bo‘ylab sayohati
2022-yil sentabr oyida Gucci o‘zining marketing bo‘yicha bosh direktori Robert Triefus Gucci Vault va Metaverse Ventures kompaniyalari bosh direktori etib tayinlanganini e’lon qildi. Bu o‘zgarish sababini izohlar ekan, Robert ular o‘tmishda doim qilganidek, o‘zgaruvchan bozorlarga kirib borish va ularda ustunlik qilishni ko‘zlayotganini aytdi.
Shuningdek, Guccining Yuga Labs bilan hamkorligi uning metaversga oid ilk tashabbusi emas. 2022-yil oktabr oyida hashamatli dizaynerlik brendi metaversga kirib keldi. U Gucci’ning Web3 sohasidagi barcha tashabbuslari uchun boshlang‘ich nuqta bo‘lib xizmat qilishi maqsadida The Sandbox raqamli mulk platformasidan virtual yer sotib oldi.
Bundan avval, fevral oyida Gucci brend The Sandbox’ning raqamli bozoridan joy sotib olganini va interaktiv VR moda tajribasini ishga tushirishini ma’lum qilgan edi.
The Sandbox va Yuga Labs bilan hamkorliklari orqali Gucci NFT va metaversga qiziqishini samarali tarzda namoyish etmoqda!