The Sandbox raqamli aktivlarni metaverse’da himoya qilish uchun apparat hamyonlari provayderi Ledger bilan hamkorlik qildi.
Metaverse platformasidagi bizneslar keng tarqalgan firibgarlik va qallobliklardan o‘zlarini himoya qilish uchun yangi xavfsizlik yangilanishidan foydalanishlari mumkin. So‘nggi yillarda metaverse kompaniyalari aktivlarini boshqarishda ham qiyinchiliklarga duch kelishdi. Ushbu hamkorlik sohadagi bunday muammolarni hal qilishga yordam beradi.
Ushbu yangi hamkorlik ikki kompaniya uchun bir nechta tashabbuslarni amalga oshirishga imkon beradi. Ledger Enterprise o‘z platformasiga The Sandbox dApp’ini qo‘shadi. Shu tariqa, foydalanuvchilar LAND’ni osonlik bilan xarid qilishlari mumkin bo‘ladi. Ledger mijozlari ham The Sandbox ekotizimi bilan uzluksiz muloqot qila olishadi. Endi Ledger Live’ning kompyuter uchun ilovasida Sandbox vidjeti paydo bo‘ladi.
The Sandbox’ning hammuassisi va bosh operatsion direktori Sebastien Borget ushbu o‘yin platformasi metaverse xavfsizligini kuchaytirishni intiqlik bilan kutayotganini ma’lum qildi. Uning aytishicha, hamkorlik orqali ular metaverse va Ledger xizmatlaridan foydalanishni osonlashtirmoqda. Bundan tashqari, u ushbu hamkorlik jismoniy shaxslar va brendlarga metaverseda xavfsizroq rivojlanish imkonini berishini ta’kidladi.
Har ikki kompaniya hamkorlikdan o‘z kompaniyalarini tegishli mijozlariga targ‘ib qilish uchun foydalanishi mumkin. Metaverse kompaniyasi LAND egalari uchun Ledger’ning aktivlarni saqlash xizmatini tavsiya qiladi. Bundan tashqari, onlayn o‘yin platformasi xavfsizlikni kuchaytirish maqsadida o‘z hamyonidagi NFTlarni yanada xavfsiz Ledger hamyoniga o‘tkazadi. Xuddi shuningdek, Ledger ham o‘z mijozlariga The Sandbox’ni tavsiya qiladi.