Mow aktivning bozor narxi deyarli 13 foizga, $1549 gacha qulagan paytda Ether kapitallashuvi $186,99 mlrd gacha tushganini qayd etdi. Shu paytda ushbu ko‘rsatkich bo‘yicha eng yirik dollar stablecoini USDT kapitallashuvi $187,4 mlrd darajasida edi.
13-maydayoq Mow USDT tez orada bozor kapitallashuvi bo‘yicha Etherdan o‘zib ketishini e’lon qildi. Kripto biznesmen stablecoinning Ether ustidan vaqtinchalik emas, yakuniy g‘alabasini kutayotganini qo‘shimcha qildi.
CoinGecko platformasi ma’lumotlariga ko‘ra, shanba, 6-iyun kuni efir yil davomidagi eng past darajagacha — $1522 ga tushdi. Yakshanba, 7-iyun kuni narx $1630 gacha ko‘tarildi. Bir hafta ichida aktiv narxi 19%, bir oyda deyarli 29%, yil boshidan buyon esa 45% ga pasaydi.
Bloomberg’ning katta makrostrategi Mayk MakGloun (Mike McGlone) Tether USDT steyblkoini bozor kapitallashuvi bo‘yicha hatto bitkoinni ham ortda qoldirib, kapitallashuvi eng katta kriptovalyutaga aylanish yo‘lida deb hisoblaydi. Tahlilchining fikricha, yaqinlashib kelayotgan iqtisodiy qiyinchiliklar bitkoin kursining keskin qulashiga — hatto $10 000 gacha tushishiga olib kelishi mumkin. Bloomberg strategining fikricha, AQShdagi yuqori inflyatsiya bitkoin ham kiradigan xatarli aktivlarga zarba beradi.
MakGloun o‘tgan yilgi kriptovalyutalar o‘sishini asossiz «tarixiy bum» deb hisoblaydi. Ekspert jiddiy korreksiya matematik jihatdan muqarrar ekaniga ishonadi — boshqa iqtisodiy pufaklar holatida bo‘lgani kabi:
«Pufaklar tarixi takrorlansa, hangover ham shunga yarasha bo‘lishi kerak».
USDT va USDC steyblkoinlarini chiqaruvchi Tether va Circle kompaniyalari AQSh g‘aznachilik obligatsiyalari zaxirasiga ega bo‘lishiga qaramay, likvidlik inqirozi xavfidan himoyalanmagan, deya ta’kidlaydi Union Investment kompaniyasining tokenizatsiya yo‘nalishi mutaxassislari. Investitsiya bo‘yicha ekspertlarning fikricha, dollarga bog‘langan ikkita eng yirik steyblkoinni hozircha hisob-kitoblarda fiat pullarning to‘laqonli o‘rnini bosuvchi vosita sifatida ko‘rib bo‘lmaydi.