AQSh Fors ko‘rfazida yangi zarbalar berganidan so‘ng, Eron bilan urushni tugatish bo‘yicha bitim tuzishda siljish bo‘lmagani fonida mis boshqa sanoat metallari qatori arzonlashishda davom etdi. Bu haqda Bloomberg yozmoqda.
So‘nggi haftalarda rangli metallar narxi tor diapazonda savdo qilinmoqda: investorlar inflyatsiyani kuchaytirgan va jahon iqtisodiy o‘sishi istiqbollarini yomonlashtirgan mojaroni to‘xtatish bo‘yicha muzokaralarni kuzatmoqda.
AQSh kuchlari Eronning harbiy obyektiga havo zarbalari berdi, biroq AQSh vakili hujumlarni mudofaa chorasi deb ta’riflab, Vashington o‘tgan oy kuchga kirgan o‘t ochishni to‘xtatish rejimini saqlab qolmoqchi ekanini bildirdi. Ayni paytda Quvayt raketa va uchuvchisiz uchish apparatlari tahdidlariga qarshi kurashayotganini ma’lum qildi.
Mis bozorida treyderlar import bojlari haqidagi taxminlar yana avj olgani sababli AQShga yetkazib berish uchun butun dunyo bo‘ylab metall izlamoqda. Bu bojlarni joriy etish xavfi avval boshqa hududlardagi zaxiralarning chiqib ketishiga olib kelgan edi.
Mis London metall birjasida Shanxay vaqti bilan ertalab soat 11:25 holatiga ko‘ra 0,1% arzonlab, bir tonnasi $13 515 ni tashkil etdi va ketma-ket uchinchi kun pasaydi. Nikel 0,8% arzonlab, bir tonnasi $18 785 ga, rux esa 0,3% pasayib, bir tonnasi $3 502 ga tushdi.