Dushanba kuni bank sektoridagi inqiroz investorlarni raqamli aktivlarga murojaat qilishga undagach, Bitcoin to‘qqiz oylik eng yuqori darajaga ko‘tarildi.
Eng yirik kriptovalyuta 28 567 dollarga ko‘tarilib, 2022-yil iyun o‘rtalaridan beri eng yuqori qiymatiga yetdi. So‘nggi 24 soat ichida uning qiymati qariyb 4% ga oshdi. Shu bilan birga, markaziy banklar foiz stavkalarini oshirish sur’atini sekinlashtirishi kutilmoqda.
Bitcoin so‘nggi haftada 26% ga ko‘tarildi — bu 2019-yil aprelidan beri eng katta haftalik o‘sishdir. So‘nggi 10 kun ichida uning qiymati qariyb 40% ga oshdi, bunga bank sektoridagi inqirozning butun dunyoga tarqalishi sabab bo‘ldi. Inqiroz hozircha shu hafta oxirida UBS Group raqibi Credit Suisse Group AG’ni sotib olishi bilan yakunlandi.
UBS davlat tomonidan qo‘llab-quvvatlanadigan Credit Suisse’ni sotib olishni yakunlaganidan so‘ng, zarar ko‘rgan sohaga ishonchni tiklash uchun tuzilgan ushbu kelishuvdan keyin, dushanba kuni bank aksiyalari va obligatsiyalar kabi an’anaviy aktivlar narxi tushib ketdi.
Yakshanba kuni dunyoning yetakchi markaziy banklari moliya tizimi barqarorligiga bo‘lgan ishonch tezda yo‘qolib qolishi xavfiga duch keldi. Bunday global javob choralari COVID-19 pandemiyasining avj nuqtasidan beri kuzatilmagan edi.
«Bu ta’sirchan o‘sish bank inqirozi natijasidir»
— dedi IG Markets tahlilchisi Toni Saykamor.
Uning taxminicha, Bitcoin narxining 32 000 dollarga ko‘tarilishi uchun u 25 000 dollar atrofidagi muhim qo‘llab-quvvatlash darajasidan yuqorida turishi kerak.
Bozorning boshqa ishtirokchilari ham markaziy banklarning global moliya tizimidagi likvidlikni oshirishga qaratilgan sa’y-harakatlari Bitcoin’ga foyda keltirishini taxmin qilishdi.
202-yil noyabrida markaziy banklar va hukumatlar misli ko‘rilmagan pul-kredit va budjet rag‘batlantirish choralarini joriy etganidan so‘ng, BTC rekord darajadagi 69 000 dollarga yetdi.
«Harakatga doimo likvidlik turtki beradi»
— dedi Singapurda joylashgan Matrixport raqamli qurilmalar kompaniyasidan Markus Tilson.
Ko‘proq materiallar uchun bizni bu yerda, Twitter’da kuzating yoki blogimizga tashrif buyuring.