Blockchain Lock, Bloock, Clique, Collab.Land, DePay, Fractal ID, Grail va Kaleido kabi loyihalar hozirda Polygon ID bilan ishlanmoqda.
E’longa ko‘ra, DAO o‘z a’zolarining shaxsini oshkor qilishni talab qilmasdan, a’zolikni tasdiqlashi mumkin.
Ethereum’ning 2-qavat yechimlari provayderi Polygon’ning masshtablash yangilanishi — nol bilimga asoslangan Ethereum masshtablash mashinasi (zkEVM) yaqinda 27-mart kuni ishga tushirilishi tasdiqlandi. Kripto hamjamiyati ushbu voqeaga tayyorgarlik ko‘rayotgan bir paytda, Polygon raqamli ishonch muammolarini hal qilish maqsadida Polygon ID nomli web3 identifikatsiya xizmatini ishga tushirdi. E’longa ko‘ra, Polygon ID blokcheyn texnologiyasiga asoslangan ilovalarga shaxsiy ma’lumotlarni xavf ostiga qo‘ymasdan foydalanuvchilarni tasdiqlash imkonini beradi. Shuningdek, ushbu xizmatlardan foydalanadigan bizneslar foydalanuvchilar ma’lumotlarini boshqarishda kamroq muammoga duch keladi.
Bu foydalanuvchilarning o‘z shaxsiyati ustidan ko‘proq nazoratga ega bo‘lishi va muassasalar hamda xususiy tashkilotlarning savollariga javob berishda ma’lumotlaridan qanday foydalanishni o‘zlari hal qilishini anglatadi. Polygon ID dasturchilarga ilgari internetda imkonsiz bo‘lgan ishni amalga oshirish imkonini beradi: maxfiylik pardasini saqlagan holda, ishonch va tasdiqlashni ta’minlaydigan, foydalanuvchilar uchun qulay tajribani yaratish.
Rasmiy e’londa Polygon ID bilan hozirda ishlayotgan ayrim loyihalar ham tilga olingan. Ular orasida Blockchain Lock, Bloock, Clique, Collab.Land, DePay, Fractal ID, Grail, Kaleido va boshqalar bor. Polygon ID vositalarining avvalgi versiyasidan xakatonlarda ayrim mustaqil dasturchilar va minglab foydalanuvchilar allaqachon foydalangan.
Polygon ID’ning ayrim qo‘llanish holatlari
Dasturchilarga o‘zini o‘zi boshqaradigan, markazlashmagan va maxfiy shaxsni tasdiqlash yechimlarini yaratish imkonini berishi uni blokcheyn sanoatida o‘ziga xos qiladi. O‘tgan yilning mart oyida Polygon ID ochiq kodli litsenziya asosida ommaga taqdim etilgani e’lon qilingan edi. Shuningdek, loyiha to‘liq xizmat ko‘rsatishga tayyor ekani bildirildi. Bu Polygon ID infratuzilmasidan foydalanib, istalgan kishi ma’lumot beruvchi bo‘lishi mumkinligini anglatadi. Yangilangan versiya oxirgi foydalanuvchilar uchun mahsulot yaratayotgan dasturchilarga foydalanuvchilarning shaxsiy ma’lumotlarini oshkor qilmasdan, ularning inson ekanini isbotlash imkonini berishni taklif qiladi. Bundan tashqari, foydalanuvchilar xakerlar tuzog‘iga tushmaslik uchun parolsiz kirish imkoniyatidan foydalanishlari mumkin. Dasturchilar foydalanuvchilar maxfiyligini xavf ostiga qo‘ymasdan, muvofiqlik jarayonlarida nol-bilim texnologiyasidan foydalanishlari mumkin.
Ommaviy taqdimot Polygon ID vositalar to‘plamiga to‘rtta yangi vositani qo‘shadi: Verifier SDK (tekshiruvchilar uchun), Issuer Node (ma’lumot beruvchilar uchun), Wallet SDK (hamyon yaratuvchilar uchun) va Wallet App (dasturchilar hamda oxirgi foydalanuvchilar uchun). Bu dasturchilarga markazlashmagan shaxsni tasdiqlash tizimini o‘z ilovalariga integratsiya qilish va shu bilan birga Web3’ga xos bo‘lish imkonini beradi. Bu vositalarning barchasi AGPL ochiq kodli litsenziyasi asosida taqdim etiladi.
E’londa Polygon ID dasturchilari uchun qo‘llanish holatlarining ayrimlari ham keltirilgan. Ularning ta’kidlashicha, DAO a’zolikni shaxsini oshkor qilmasdan tasdiqlashi mumkin. Bundan tashqari, ID elektron tijorat mijozlari uchun shaxsni tasdiqlash qatlamini taqdim etib, to‘lovlar xavfsizligini ta’minlash va mijozlarning to‘lov ma’lumotlarini saqlash xarajatlarini kamaytirishga yordam beradi.
Kripto olamidagi eng so‘nggi yangiliklardan xabardor bo‘lish uchun bizni kuzatib boring!
Loyiha vakili quyidagilarni tasdiqladi:
Polygon ID web2 va web3 sohalarida me’yoriy talablarga rioya etish imkonini beradi hamda KYC/AML tekshiruvlari orqali tartibga solish asoslarini mustahkamlaydi.
Hisob ma’lumotlarini qayta ishlatish va ularni foydalanuvchining o‘zi boshqarishi, shuningdek, foydalanuvchilarni ro‘yxatdan o‘tkazish va shaxsini tasdiqlash xarajatlari, vaqti hamda murakkabligini kamaytiradi.
MATIC narxi hamon pasayish kayfiyatida
E’lon MATIC narxiga deyarli ta’sir ko‘rsatmadi: aktiv so‘nggi yetti kunda 12 foizga arzonladi va hozirgi narxi 1,2 dollarni tashkil etmoqda. Biroq bu holat mart oyining oxirida zkEVM ishga tushirilishi bilan birga, investorlarning munosabatiga qarab, narxni 10 dollargacha ko‘tarishi mumkin.