Bankrot bo‘lgan singapurlik Three Arrows Capital (3AC) kripto-xej-fondi ilgari egalik qilgan o‘zgarmas tokenlarning (NFT) ayrimlari kreditorlar uchun mablag‘larni qaytarib olishga qaratilgan sa’y-harakatlar doirasida sotuvga qo‘yiladi, deya xabar bermoqda muvaffaqiyatsizlikka uchragan kompaniya tugatuvchilari.

Teneo konsalting kompaniyasining katta boshqaruvchi direktori Kristofer Farmer bayonotida shunday dedi: “Birgalikdagi tugatuvchilar o‘z egaligimiz va nazoratimizda bo‘lgan hamda kompaniyaga foydali egalik huquqi asosida tegishli ayrim o‘zgarmas tokenlarni … sotishni boshlash choralarini ko‘rmoqchi”.

“Savdoning maqsadi tugatish jarayoni uchun NFTlar qiymatini realizatsiya qilishdir. Zarur choralar ushbu bildirishnomadan keyin 28 kun ichida va har qanday holatda 2023-yil 23-martdan keyin boshlanishi kutilmoqda”, dedi Farmer.

Shubhalarga o‘rin qoldirmaslik uchun qo‘shma tugatuvchi yaqin orada o‘tkaziladigan NFT savdosi “norasmiy ravishda «Starry Night Portfolio» deb ataladigan va hozirda Britaniya Virgin orollaridagi Oliy sud huzuridagi Sharqiy Karib Oliy sudida ko‘rib chiqilayotgan arizaga taalluqli tokenlar ro‘yxati” bilan bog‘liq bo‘lmasligini qo‘shimcha qildi.

2022-yil iyun oyida Britaniya Virgin orollari sudi Teneo’ni inqirozga uchragan kripto-xej-fond tugatuvchisi etib tayinladi. Aytishlaricha, 3AC kreditorlaridan ta’minlanmagan talablar bo‘yicha 3,5 milliard AQSh dollaridan ortiq qarzdor.

Shu bilan birga, shu oyning boshida 3AC’ning ikki asoschisi Su Zhu va Kyle Davies kriptovalyutaga oid bankrotlik talablari bilan savdo qilish uchun yangi platformani ishga tushirdi. Open Exchange deb nomlangan yangi savdo loyihasi o‘z talablarini sotuvga qo‘ymoqchi bo‘lgan foydalanuvchilar uchun kutish ro‘yxatini allaqachon ochdi. Bu haqda bankrot bo‘lgan kripto-xej-fondning sobiq bosh direktori Su Zhu ma’lum qildi.