Bozor kapitallashuvi bo‘yicha ikkinchi yirik kriptovalyuta — Shiba Inu — o‘tgan hafta davomida narxi qariyb 20% ga ko‘tarilib, ta’sirchan o‘sishni namoyish etdi.
SHIB narxi bir nolni «yo‘qotish» arafasida
O‘tgan haftaning o‘rtalaridan beri Shiba Inu jadal sur’atlar bilan o‘sib bormoqda.
10-yanvar, seshanba kuni narx 10% ga ko‘tarildi, chorshanbadan hozirgacha esa 12% dan ko‘proqqa sakrab, $0.00000980 darajasiga yetdi.
Noyabr oyi boshida FTX gigantining to‘lovga qobiliyatsizligi va uning asoschisi, kriptovalyuta sohasidagi sobiq milliarder Sem Benkman-Frid bilan bog‘liq voqealar kripto bozoriga zarba berganida, Bitcoin va altkoinlar keskin arzonlashdi.
Shiba narxiga beshinchi nol qo‘shdi va endi, aftidan, uni yana olib tashlashga tayyorlanmoqda.
Bitcoin narxi 19 000 dollarga yaqinlashmoqda
Tanga narxining o‘sishiga, ehtimol, Bitcoin narxining ko‘tarilishi ham hissa qo‘shgan. So‘nggi bir necha kun ichida BTC kutilmaganda 18 200 dollar darajasiga qaytdi va 12-yanvar kuni 19 000 dollarga yetib, keyin biroz pasaydi.
SHIB va boshqa altkoinlar yetakchi kriptovalyuta ortidan keskin ko‘tarildi. Bundan tashqari, yanvar boshida Twitter Shiba Inu uchun ham Dogecoin, ADA va boshqa kriptovalyutalardagi kabi yaqinda “cashtag” qo‘shdi.
Bu kabi kichik o‘zgarishlar, odatda, token narxi ko‘tarilishi mumkin bo‘lgan umumiy muhitni shakllantiradi.
Bundan tashqari, U.Today xabariga ko‘ra, SXSW 2023 tadbiriga Ostin (Texas) shahrida tashrif buyurganlar SHIB Metaverse markazi WAGMI Temple bilan tanishish imkoniga ega bo‘ladilar.