Crypto Aid Israel 10 kun ichida 185 ming dollar yig‘di va yordamni 4 ta tashkilotga taqsimladi
Tashkilot Isroil janubidagi azob-uqubatlarni yengillashtirishga intilayotgan Isroil Web3 hamjamiyati a’zolari va xalqaro kompaniyalardan iborat jamoat birlashmasidir.
Crypto Aid Israel jamoat birlashmasi ikki haftadan kamroq vaqt oldin tashkil etilganidan beri 185 ming dollardan ortiq mablag‘ yig‘di va bir nechta gumanitar guruhlarga yordam taqsimladi.
Tashkilot hozirgacha yordamni ikki bosqichda taqsimlab, qariyb 200 ming shekel (50 ming dollar) ajratdi. Uning sa’y-harakatlaridan naf ko‘rgan nodavlat tashkilotlar orasida Eshkol mintaqaviy kengashi fuqarolariga ko‘maklashish jamg‘armasi bor. U G‘azo yaqinida yashovchilarga transport va boshpana bilan ta’minladi.
Zaka front chizig‘ida ishlayotgan xodimlari uchun tibbiy jihozlar va himoya vositalari sotib olishga mablag‘ oldi.
Tegishli: Kriptovalyuta xayriyalari o‘n yil ichida 10 milliard dollardan oshadi: The Giving Block
Odatda xavf ostidagi yoshlarga ko‘maklashadigan Or Hanegev veHagalil tashkilotining Lev Echad loyihasi G‘azoga tutash hududlarda qolib, himoya va yordam ko‘rsatishga qaror qilgan aholini oziq-ovqat, gigiyena vositalari va kiyim-kechak bilan ta’minlash uchun mablag‘ oldi.
Latet mablag‘lardan Isroil janubida qolayotgan yoki boshqa joyga ko‘chirilgan odamlarni oziq-ovqat va gigiyena vositalari bilan ta’minlash bo‘yicha keng ko‘lamli amaliyotda foydalanmoqda. Latet tashkilotining kriptovalyuta va yangi raqamli tashabbuslar bo‘yicha maslahatchisi Eyal Gura shunday dedi:
“Dastlab kamtarona ko‘rinsa-da, kriptovalyuta kanali muhim, tezkor va innovatsion kanal ekaniga ishonamiz. U yangi donorlarning global ekotizimimizga qo‘shilishiga va ayni shunday muhim pallada Isroilni qo‘llab-quvvatlashiga imkon beradi.“
Crypto Aid Israel tashkilotiga xayriyalarni uning veb-sayti orqali ko‘p imzoli hamyonga yuborish mumkin. Tashkilot xayriya qilayotganda ehtiyot bo‘lish haqida ogohlantiradi, chunki fishing hujumlari kuzatilgan.
Crypto Aid Israel tashabbusini Isroil Web3 hamjamiyati yo‘lga qo‘ydi, kompaniyalar ham uni qo‘llab-quvvatladi. Global buxgalteriya firmasi KPMG mablag‘ yig‘ish va taqsimlashda yordam berdi. Zengo, Fuse, Wonderland, Psagot Equity va boshqa kompaniyalar ham ushbu sa’y-harakatga hissa qo‘shdi.
Tashkilot Isroil janubidagi azob-uqubatlarni yengillashtirishga intilayotgan Isroil Web3 hamjamiyati a’zolari va xalqaro kompaniyalardan iborat jamoat birlashmasidir.
Crypto Aid Israel jamoat birlashmasi ikki haftadan kamroq vaqt oldin tashkil etilganidan beri 185 ming dollardan ortiq mablag‘ yig‘di va bir nechta gumanitar guruhlarga yordam taqsimladi.
Tashkilot hozirgacha yordamni ikki bosqichda taqsimlab, qariyb 200 ming shekel (50 ming dollar) ajratdi. Uning sa’y-harakatlaridan naf ko‘rgan nodavlat tashkilotlar orasida Eshkol mintaqaviy kengashi fuqarolariga ko‘maklashish jamg‘armasi bor. U G‘azo yaqinida yashovchilarga transport va boshpana bilan ta’minladi.
Zaka front chizig‘ida ishlayotgan xodimlari uchun tibbiy jihozlar va himoya vositalari sotib olishga mablag‘ oldi.
Tegishli: Kriptovalyuta xayriyalari o‘n yil ichida 10 milliard dollardan oshadi: The Giving Block
Odatda xavf ostidagi yoshlarga ko‘maklashadigan Or Hanegev veHagalil tashkilotining Lev Echad loyihasi G‘azoga tutash hududlarda qolib, himoya va yordam ko‘rsatishga qaror qilgan aholini oziq-ovqat, gigiyena vositalari va kiyim-kechak bilan ta’minlash uchun mablag‘ oldi.
Latet mablag‘lardan Isroil janubida qolayotgan yoki boshqa joyga ko‘chirilgan odamlarni oziq-ovqat va gigiyena vositalari bilan ta’minlash bo‘yicha keng ko‘lamli amaliyotda foydalanmoqda. Latet tashkilotining kriptovalyuta va yangi raqamli tashabbuslar bo‘yicha maslahatchisi Eyal Gura shunday dedi:
“Dastlab kamtarona ko‘rinsa-da, kriptovalyuta kanali muhim, tezkor va innovatsion kanal ekaniga ishonamiz. U yangi donorlarning global ekotizimimizga qo‘shilishiga va ayni shunday muhim pallada Isroilni qo‘llab-quvvatlashiga imkon beradi.“
Crypto Aid Israel tashkilotiga xayriyalarni uning veb-sayti orqali ko‘p imzoli hamyonga yuborish mumkin. Tashkilot xayriya qilayotganda ehtiyot bo‘lish haqida ogohlantiradi, chunki fishing hujumlari kuzatilgan.
Crypto Aid Israel tashabbusini Isroil Web3 hamjamiyati yo‘lga qo‘ydi, kompaniyalar ham uni qo‘llab-quvvatladi. Global buxgalteriya firmasi KPMG mablag‘ yig‘ish va taqsimlashda yordam berdi. Zengo, Fuse, Wonderland, Psagot Equity va boshqa kompaniyalar ham ushbu sa’y-harakatga hissa qo‘shdi.
