Gonkongda joylashgan, blokcheyn-ko‘ngilochar sohasiga ixtisoslashgan dasturiy ta’minot va investitsiyalar giganti Animoca Brands dushanba kuni markazlashmagan metaverseni yaratishga qaratilgan o‘zining asosiy loyihasi Mocaverse’ni rivojlantirishni tezlashtirish uchun 20 million AQSh dollari jalb qilganini ma’lum qildi.

Tegishli maqola: Animoca Brands aktivlari 3,4 mlrd AQSh dollariga tengligini aytmoqda

Qisqacha ma’lumot

  • Yangi kapital Mocaverse’ning asosiy infratuzilmasini, jumladan, raqamli identifikatsiya tizimi va sodiqlik dasturini rivojlantirish uchun ishlatiladi. Shuningdek, yangi hamkorlarni jalb qilish va loyiha qamrovini kengaytirishga sarflanadi.

  • Moliyalashtirish bosqichiga Gonkongda joylashgan CMCC Global venchur kapital firmasi boshchilik qildi. Boshqa investorlar qatorida Kingsway Capital, Liberty City Ventures, GameFi Ventures, Sky Mavis asoschisi Aleksander Larsen, Yield Guild Games asoschisi Gabby Dizon va Koda Capital institutsional investorlari ham bor.

  • Mocaverse — foydalanuvchilarga o‘z raqamli identifikatorlarini yaratish, obro‘-e’tibor to‘plash hamda sodiqlik ballarini ishlab topish va sarflash imkonini berishni maqsad qilgan markazlashmagan metakoinot. Shuningdek, u foydalanuvchilar uchun blokcheyn texnologiyasiga asoslangan turli o‘yinlar, ilovalar va xizmatlardan foydalanish platformasi bo‘lib xizmat qiladi.

  • Mocaverse tez orada foydalanuvchilarga o‘zlarining blokcheyndagi identifikatorlarini yaratish imkonini beradigan, boshqa shaxsga o‘tkazib bo‘lmaydigan NFT to‘plami — Moca ID’ni ishga tushiradi. Moca ID egalari metakoinotning ayrim funksiyalaridan eksklyuziv foydalanish va faol ishtirok etish orqali sodiqlik ballarini ishlab topish imkoniga ega bo‘lishi kutilmoqda.

  • Animoca raisi va hammuassisi Yat Siu press-relizda shunday dedi: “Foydalanuvchilarga yangi iqtisodiy imkoniyatlar yaratadigan faol hamjamiyatda ishtirok etish imkonini berishdan tashqari, Mocaverse boshqa markazlashmagan tashkilotlar uchun ham raqamli identifikatsiya, obro‘-e’tibor va sodiqlik tizimi bo‘lib xizmat qiladi.”

Tegishli maqolani o‘qing: Koreya blokcheyn haftaligi: AQSh va Osiyoda kripto yo‘nalishlari turlicha