AQSh sudyasi Lyuis Kaplan FTX’ning sobiq bosh direktori Sem Bankman-Fridga (SBF) advokatlari bilan uchrashib, oktabr oyidagi sud jarayoniga tayyorgarlik ko‘rishga ruxsat berdi.
Biroq uchrashuv faqat 22-avgust kuni ertalab soat 8:30 dan 15:00 gacha bo‘lib o‘tishi mumkin, avvalgi qolgan barcha so‘rovlar esa rad etildi.
Kameradan tashqarida bir necha soat
Kaplan qarorida aytilishicha, SBF Marshal xizmati hibsxonasidagi advokatlar xonasida o‘z himoyachilari bilan gaplasha oladi. U internetga ulanadigan bitta noutbuk va Wi-Fi qurilmasini olib kirishi mumkin. Sudya, shuningdek, so‘nggi bir necha hafta ichida sobiq kripto magnati bildirgan boshqa barcha so‘rovlarni ham rad etdi.
«22-avgust uchun so‘rovning qolgan qismi rad etiladi», deyiladi hujjatda.
Qamoqxona kamerasidan tashqarida bir necha soat o‘tkazish SBF talab qilgan narsa emas. Uning advokatlari qamoqxona sharoitlari haddan tashqari cheklovli ekani va 2-oktabrda boshlanadigan sud jarayoniga munosib tayyorgarlik ko‘rishiga imkon bermasligini aytib, sudya Kaplandan mijoziga ish kunlari qamoqdan chiqishga ruxsat berishni so‘rashgan.
FTX qulashining asosiy aybdori sifatida ayblanayotganiga qaramay, AQSh sudyalari Bankman-Fridga 250 million dollarlik ulkan garov evaziga ota-onasining uyida bir necha oy yashashga ruxsat berishdi.
Biroq FTX’ning singil kompaniyasi Alameda Research’ning sobiq bosh direktori Kerolin Ellisonning shaxsiy kundaligi sizdirilgach, rasmiylar SBFni qamoqqa yuborishdi. Qamoq jazosini talab qilgan asosiy idora AQSh Adliya vazirligi bo‘ldi. Vazirlik Bankman-Fridning xatti-harakatlari unga qarshi ikki oydan kam vaqt ichida ko‘rsatma berishi kutilayotgan ayolni qo‘rqitishi mumkinligini ta’kidladi.
Shinam uydan eng yomon qamoqxonalardan biriga
SBF Kaliforniyaning Palo-Alto shahridagi ota-onasining 4 million dollarlik uyida qariyb sakkiz oy yashadi. Bu esa ko‘pchilikni yirik kripto firibgarligida gumon qilinayotgan shaxsga nega dabdabali hayot kechirishga ruxsat berilganiga hayron qoldirdi.
Biroq voqealar kutilmaganda o‘zgarib, guvohlarga bosim o‘tkazishga urinish ayblovlari sababli AQSh rasmiylari uni 12-avgust kuni qamoqqa yuborishdi. Ta’kidlash joizki, u sud jarayonigacha bo‘lgan kunlarini Nyu-York shahridagi eng yomon qamoqxonalardan biri — Bruklin metropoliten hibsxonasida (MDC Brooklyn) o‘tkazadi.
#crypto2023 #cryptocurrency
Biroq uchrashuv faqat 22-avgust kuni ertalab soat 8:30 dan 15:00 gacha bo‘lib o‘tishi mumkin, avvalgi qolgan barcha so‘rovlar esa rad etildi.
Kameradan tashqarida bir necha soat
Kaplan qarorida aytilishicha, SBF Marshal xizmati hibsxonasidagi advokatlar xonasida o‘z himoyachilari bilan gaplasha oladi. U internetga ulanadigan bitta noutbuk va Wi-Fi qurilmasini olib kirishi mumkin. Sudya, shuningdek, so‘nggi bir necha hafta ichida sobiq kripto magnati bildirgan boshqa barcha so‘rovlarni ham rad etdi.
«22-avgust uchun so‘rovning qolgan qismi rad etiladi», deyiladi hujjatda.
Qamoqxona kamerasidan tashqarida bir necha soat o‘tkazish SBF talab qilgan narsa emas. Uning advokatlari qamoqxona sharoitlari haddan tashqari cheklovli ekani va 2-oktabrda boshlanadigan sud jarayoniga munosib tayyorgarlik ko‘rishiga imkon bermasligini aytib, sudya Kaplandan mijoziga ish kunlari qamoqdan chiqishga ruxsat berishni so‘rashgan.
FTX qulashining asosiy aybdori sifatida ayblanayotganiga qaramay, AQSh sudyalari Bankman-Fridga 250 million dollarlik ulkan garov evaziga ota-onasining uyida bir necha oy yashashga ruxsat berishdi.
Biroq FTX’ning singil kompaniyasi Alameda Research’ning sobiq bosh direktori Kerolin Ellisonning shaxsiy kundaligi sizdirilgach, rasmiylar SBFni qamoqqa yuborishdi. Qamoq jazosini talab qilgan asosiy idora AQSh Adliya vazirligi bo‘ldi. Vazirlik Bankman-Fridning xatti-harakatlari unga qarshi ikki oydan kam vaqt ichida ko‘rsatma berishi kutilayotgan ayolni qo‘rqitishi mumkinligini ta’kidladi.
Shinam uydan eng yomon qamoqxonalardan biriga
SBF Kaliforniyaning Palo-Alto shahridagi ota-onasining 4 million dollarlik uyida qariyb sakkiz oy yashadi. Bu esa ko‘pchilikni yirik kripto firibgarligida gumon qilinayotgan shaxsga nega dabdabali hayot kechirishga ruxsat berilganiga hayron qoldirdi.
Biroq voqealar kutilmaganda o‘zgarib, guvohlarga bosim o‘tkazishga urinish ayblovlari sababli AQSh rasmiylari uni 12-avgust kuni qamoqqa yuborishdi. Ta’kidlash joizki, u sud jarayonigacha bo‘lgan kunlarini Nyu-York shahridagi eng yomon qamoqxonalardan biri — Bruklin metropoliten hibsxonasida (MDC Brooklyn) o‘tkazadi.
#crypto2023 #cryptocurrency
