JPMorgan Chase yaqinda e’lon qilgan tadqiqot hisobotida Bitcoin maynerlari yangi biznes yo‘nalishlariga kirib borayotgani, jumladan, tez sur’atlarda rivojlanayotgan sun’iy intellekt (AI) bozori uchun yuqori unumli hisoblash (HPC) xizmatlarini taqdim etib, kriptovalyutalarga qaramlikni kamaytirayotgani aytilgan.
Hisobotga ko‘ra, yangi investitsiya xarajatlarining bir qismi so‘nggi choraklarda tokenlarini sotgan maynerlar tomonidan qoplangan. Ba’zi bitcoin mayning kompaniyalari o‘z faoliyati diversifikatsiya qilinayotganini aks ettirish uchun nomlarini o‘zgartirdi: Hive Blockchain Technologies (HIVE) nomini Hive Digital Technologies’ga, Riot Blockchain (RIOT) esa Riot Platforms’ga almashtirdi. Bundan tashqari, Ethereum’da ilgari mayning qilganlar ham HPC xizmatlarini taqdim etishga moyillik ko‘rsatmoqda. Ethereum Shanghai yangilanishi muvaffaqiyatli amalga oshirilganidan beri ikkilamchi bozorda grafik protsessorlar (GPU) taklifi sezilarli darajada oshdi. Ayrim Ethereum maynerlari investitsiyalarini tejash uchun GPU’larini sotgan bo‘lsa, boshqalari o‘z uskunalarini o‘yinlar, tasvir va video renderingi kabi xizmatlar uchun qayta ishlatmoqda yoki boshqa POW valyutalarini tanlamoqda.