marfa

Ispaniyalik-amerikalik rassom Manuel Lariñoning ijodiy ilhomi doimo uning atrofidagi olamdan keladi. Lariño Ispaniyaning A Koruña shahrida (La Coruña) tug‘ilgan, faoliyatini yoshligida ilustrator sifatida boshlagan. U (Esquire) jurnal, musiqa kompaniyalari va Faber & Faber kabi nashriyotlar uchun materiallar tayyorlagan, keyin esa e’tiborini generativ san’atga qaratgan.
U koddan foydalanishni go‘yo u ilgari qalam va akril bo‘yoqlar bilan rasm chizgandek amalga oshiradi: u tabiiy naqshlardan ilhom oladigan, atrof-muhit sikllari hamda kundalik hayot ritmini shakllantiradigan algoritmlarni ishlab chiqadi.

Art Blocks va OpenSea hamkorligida yo‘lga qo‘yilgan rassomlar rezidentligi dasturi ijodkor rassomlarni qo‘llab-quvvatlashga qaratilgan. Biz rassomlarni Texas shtatining Marfa shahrida o‘tkaziladigan 4–6 haftalik shaxsiy rezidentlik dasturiga ariza berishga taklif qilamiz.
Bizning rassomlar kotteji (yoki mehmonxona)larimiz barcha qulayliklarga ega bo‘lib, rezident rassomlar uchun ijodga yo‘naltirilgan, sokin muhit yaratadi. Dasturni o‘tash jarayonida ishtirok etadigan rassomlar turar joy, stipendiya, Art Blocks studiyasi shartnomasi hamda Marfa shahridagi mahalliy muhit va jamoatchilik kayfiyati bag‘rida san’at yaratishga diqqatni jamlash uchun vaqt bilan ta’minlanadi.
Rezidentlik loyihasi yakunida rassom o‘z asarlarini mahalliy jamoatchilikka namoyish etadi. Art Blocks x OpenSea badiiy rezidentlik dasturiga jalb etilgan rassomlar bir vaqtning o‘zida o‘qish muassasasida tahsil ololmaydi yoki boshqa rezidentlik dasturlarida ishtirok eta olmaydi, shuningdek, rezidentlik davrida tijoriy loyihalar bilan shug‘ullanish yoki buyurtma asosida ijodkorlik ishlarini bajarmasligi kerak.