Ethereum (ETH)
مارکیٹ کیپیٹلائزیشن کے اعتبار سے Ethereum (ETH) دوسرا بڑا کرپٹو کرنسی ٹوکن ہے۔ اس کی وجہ یہ ہے کہ یہ اسمارٹ معاہدے کی خصوصیت کو متعارف کرواتے ہوئے اس صنعت میں بہت سی جدتیں اور استعمال کے طریقے لے کر آیا ہے، جس نے غیر مرکزی مالیاتی صنعت (DeFi) اور غیر مرکزی ایپس، یا Dapps کے لیے راہ ہموار کی ہے۔
Ethereum صارفین کو اس قابل بناتا ہے کہ وہ، عموماً Dapps کی صورت میں، سافٹ ویئر تیار اور جاری کر سکیں، جنہیں بعد ازاں ایسے کمپیوٹرز کے عالمی منقسم نیٹ ورک کی جانب سے تقویت فراہم کی جاتی ہے جو Ethereum چلاتے ہیں۔ Ethereum نیٹ ورک غیر مرکزی ہوتا ہے، جوکہ اسے کسی بھی قسم کی سینسر شپ یا عدم دستیابی کے خلاف مزاحمت کرنے کا اختیار فراہم کرتا ہے۔
مزید براں، Ethereum ایک اوپن سورس بلاک چین پلیٹ فارم ہے جوکہ اپنی مقامی کرنسی کے استعمال پر چلتا ہے، جسے Ether یا ETH کہا جاتا ہے۔ نیٹ ورک ٹرانزیکشن کی تمام فیس، یا گیس فیس، ETH میں ادا کی جاتی ہے۔
Ethereum یا ETH ایک ایسا ٹوکن ہے جوکہ ٹرانزیکشنز کی ادائیگی کے لیے خاص طور پر Ethereum کی بلاک چین کی جانب سے استعمال کیا جاتا ہے۔ یہ ٹوکن اس نیٹ ورک کے اندر موجود تقریباً ہر چیز کی تقویت کا ذمہ دار ہے۔
Ethereum نیٹ ورک کسی بھی فرد کی جانب سے اسمارٹ معاہے تخلیق کرنے اور چلانے کے لیے استعمال کیا جا سکتا ہے، جوکہ صارف کی مداخلت کے بغیر، خودکار انداز میں چلنے والے سافٹ ویئر پروگرامز ہوتے ہیں۔ Ethereum کے فروغ کو کسی حد تک اس کے اسمارٹ معاہدے کی قابلیت سے منسوب کیا جا سکتا ہے، جس نے Dapps، نان فنجیبل ٹوکنز (NFTs) اور مزید بہت سی اشیاء پر مبنی ایک بڑھتے ہوئے ایکو سسٹم کو فعال کیا ہے۔
بطور ڈیفالٹ، Ethereum پروف آف ورک (PoW) کا معاہداتی میکانزم استعمال کرتی ہے، تاہم یہ نیٹ ورک اپنی Ethereum 2.0 اپ گریڈ کے حصے کے طور پر پروف آف اسٹیک (PoS) پر منتقل ہو رہا ہے۔ Ethereum 2.0 اپ گریڈ کا آغاز دسمبر 2020 میں بیکن چین کے لانچ کے ساتھ ہوا۔ ETH کمیونٹی نے صرف پہلے ہی ہفتے میں 1 ملین ETH اسٹیک کرتے ہوئے اس اپ گریڈ کی معاونت کی۔
Ethereum کی Shanghai اپ گریڈ کیا ہے؟
Ethereum نے ستمبر 2022 میں PoW سے PoS کے معاہداتی میکانزم پر اپنا سوئچ مکمل کر لیا ہے۔ PoS کے معاہداتی میکانزم میں، صارفین 32 ETH اسٹیک کر سکتے ہیں تاکہ مائننگ کے آلات استعمال کرتے ہوئے پیچیدہ کمپیوٹیشنل پزلز حل کرنے کی بجائے ٹرانزیکشنز کی توثیق کر سکیں، جو کہ اس عمل کو مزید مؤثر توانائی کا حامل بناتا ہے۔
انضمام کے بعد، Ethereum مین نیٹ PoS بیکن چین کے ساتھ یکجا ہو گئی تھی، اور صارفین اپنے اسٹیک شدہ ETH ٹوکنز کو نہیں نکلوا سکتے تھے۔ Shanghai فورک کی بنیادی توجہ EIP-4895 کے عمل درآمد پر مرکوز ہے، ایک ایسی تبدیلی جو توثیق کاران کو ان کے لاک شدہ Ethereum نکلوانے میں مدد فراہم کرتی ہے۔
Ethereum کی Shanghai اپ گریڈ کے ریلیز ہونے کی کیا تاریخ ہے؟
Shanghai اپ گریڈ ستمبر میں ہونے والے انضمام کے بعد Ethereum کے لیے پہلا ہارڈ فورک ہے۔ اس انضمام نے نیٹ ورک کو توانائی کی کھپت پر مبنی PoW سے PoS کے مزید مؤثر توانائی کے حامل مفاہمتی میکانزم پر سوئچ کیا ہے۔
Ethereum کے ڈویلپرز نے شیئر کیا ہے کہ Sepolia ٹیسٹ نیٹ ورک کو فروری میں شنگھائی اپڈیٹ کا جائزہ لینے کے لیے شیڈول کیا گیا تھا۔ اس کے بعد Goerli ٹیسٹ نیٹ وقوع پذیر ہو گی، جو کہ اپریل 2023 کے آغاز میں مین نیٹ کے آغاز سے قبل شروع ہونے والا ایک حتمی ٹیسٹ ہو گا۔ Shanghai کے لیے ٹیسٹس کا انعقاد کرنے کے علاوہ ڈویلپرز EIP-4844 کے لیے بھی تیار ہو رہے ہیں۔
EIP-4844 کیا ہے؟
Ethereum کی آنے والی اپ گریڈ، جو EIP-4844 یا پروٹو ڈینک شارڈنگ کہلاتی ہے، فیس کو کم کرنے اور ٹرانزیکشن تھروپٹ میں اضافہ کرنے کا ارادہ رکھتی ہے۔ یہ ٹرانزیکشن کی نئی قسم پر عمل درآمد کرنے کے نتیجے میں حاصل ہو گی جو کہ ڈیٹا کی "بڑی مقدار" کو ہینڈل کر سکتی ہے۔
اگرچہ Ethereum پر انضمام اور رول اپس جیسی پچھلی اپ گریڈز نے کامیابی کے ساتھ بلاک چین کی ٹرانزیکشن کی تھروپٹ میں اضافہ کیا اور ٹرانزیکشن کی لاگتوں کو کم کیا ہے، لیکن اس کے باوجود Ethereum پر زائد گیس کی فیس کا مسئلہ بدستور موجود ہے۔ اگچرہ ڈیٹا شیئر کرنے کے عمل کو مؤثر طویل مدتی حل کی حیثیت سے جانا جاتا ہے، تاہم یہ ایک پیچیدہ عمل ہے، اور اس لیے EIP-4844 کو ایک عبوری حل کے طور پر پیش کیا جا رہا ہے۔
EIP-4844 کو ایک نمایاں اپ گریڈ تصور کیا جاتا ہے جو کہ قیمتوں میں کمی لاتے ہوئے اور تیز تر ٹرانزیکشنز کو فعال کرتے ہوئے نیٹ ورک کی استعداد کو بہتر بنائے گی۔
کون سی بہتریاں Shanghai ہارڈ فورک کا حصہ ہیں؟
اگرچہ EIP-4895 Shanghai فورک کا ایک نمایاں پہلو ہے (جو توثیق کاران کو اسٹیک شدہ ٹوکنز نکلوانے میں مدد دیتا ہے)، اس لیے Ethereum کی اگلی اپ گریڈ دیگر کئی چھوٹی EIPs (Ethereum کی بہتری کی تجاویز) کو نمایاں کرے گی۔
Ethereum بلاکس کے لیے گیس کی حد کو بڑھانا Shanghai اپ گریڈ کے کلیدی فوائد میں سے ایک ہے، جو کہ فی بلاک مزید ٹرانزیکشنز پر کارروائی کرنے میں مدد فراہم کرتا ہے۔ یہ ٹرانزیکشن کے وقت کو مختصر کرنے اور نیٹ ورک پر رش کو کم کرنے کا سبب بنے گا، جس کی وجہ سے صارفین کے لیے DApps کے ساتھ ٹرانزیکٹ کرنے اور تعامل کرنے کا عمل آسان ہو جائے گا۔
دیگر EIPs بھی متعارف کروائی جا چکی ہیں:
EIP-3651 کا عزم "COINBASE" ایڈریس تک رسائی حاصل کرنے کے لیے گیس کی قیمت کو کم کرنا ہے، جو کہ توثیق کاران اور بلاک کے معماروں کی جانب سے استعمال ہونے والا ایک سافٹ ویئر ہے۔
EIP-3855 نے "Push0" متعارف کروایا ہے، ایک ایسا کوڈ جس سے گیس کی قیمتیں کم ہو جائیں گی۔
EIP-3860 گیس کی قیمت پر ایک حد عائد کرتی ہے جو ڈویلپرز کو 'initcode' (اسمارٹ معاہدہ جات کے لیے استعمال ہونے والے کوڈ) کے ساتھ کام سرانجام دیتے ہوئے ادا کرنا ہوتی ہے۔
EIP-6049 ڈویلپرز کو "SELFDESTRUCT"، کی عمومیت سے متعلق مطلع کرے گا، جو گیس کی فیس میں کمی کرنے کا ایک دوسرا طریقہ ہے۔
