Pakistan se lagbhag $600M illegal crypto transactions ki surat mein bahar chala gaya hai jo mulk ke liye aik serious concern ban chuka hai.
Experts ke mutabiq kai log exchange companies se liye gaye dollars apne FCY accounts mein deposit karte hain, phir un dollars ko withdraw karke illegal tareeqon se Crypto jese Bitcoin (BTC), Ethereum ($ETH ) aur Tether (USDT) mein invest kar rahe hain.
Jan October ke darmiyan Pakistanis ne lagbhag $400M apne FCY accounts mein rakhe, lekin $600M ka koi record nahi mila yeh paisa seedha mulk se bahar nikal gaya.
State Bank ne ab banks aur exchange companies ko strictly hidayat di hai ke cash dollar provide na karein.
Ab sara system account to account transfer par shift ho raha hai. Lekin log phir bhi FCY account se dollars nikaal kar $BTC ETH, $USDT jaisi currencies mein invest kar rahe hain.
Dollar sales bhi kam ho chuki hain, July Oct ke darmiyan banks ko sales 23% gir gayi hain yeh economy ke liye alarming signal hai.
State Bank reports ke mutabiq banks ke dollar holdings January 2025 se ab tak $425M barh chuke hain. Wese bhi Pakistan pichle kuch saalon se dollar shortage ka samna kar raha tha, aur 2023 mein default ke qareeb tha. IMF program ke baad illegal trading control hui, lekin ab Crypto Outflow ek naya challenge ban gaya hai.
SBP ka target hai ke reserves ko $17B tak le jaya jaye, jabke iss waqt reserves around $14.5B hain. Experts ko umeed hai ke IMF ka expected $1.2B bhi reserves ko support karega.
Agar illegal crypto outflows control na kiye gaye, to mulk ki forex stability phir pressure mein aa sakti hai. #BTCVolatility #USJobsData #USStocksForecast2026 #CryptoIn401k #ProjectCrypto