من اكثر الجمل الخاطئة اللى كلنا بنسمعها من ناس كتير اوى
متشتريش بكل سيولتك مرة واحدة، ولكن اشترى جزء وقسم شرائك على مراحل، بحيث لما ينزل تشترى تانى وتقلل سعرك
الجملة ديه كده "بالشكل ده" كارثية، لان حضرتك هنا بتفكر فى السعر فقط دون النظر للاتجاه، المفترض فى اسواق المال اننا بنشترى اتجاه مش سعر خالص، انا فاهم انها مش مقصودة وعشان كده قلنا ننوه عنها
عشان اوضحلك الموضوع ببساطة، تفتكر حضرتك ايه الافضل؟
تشترى غالى وتبيع اغلى؟ ولا تشترى رخيص وتبيع ارخص؟
هنا الفرق هو الاتجاه، اتجاه الاسعار، لو الاتجاه صاعد، يبقى مفيش اى مشكلة انى اشترى غالى طالما هبيع اغلى، لكن لو الاتجاه هابط، يبقى يغور السعر الرخيص طالما هيكمل نزول
والمشكلة ان اللى بينصحك يقولك كل ما ينزل اشترى!!، اشترى فين حضرتك؟ هو انا عارف هو نازل لحد فين؟
هتقولى طب ما اهو انا ممكن اشترى بالغالى ويكون ده القمة؟
بعيدا عن ان الترند بيستمر لسنوات وحضرتك بتشترى فى اخر مرحلة، الا ان هنا برضه بتظهر اشارات، وفى الحالة ديه هيكون عندك مستوى لايقاف الخسائر، مش هتشترى تانى وتقولى بعمل متوسط
وخلى دايما الملحوظه ديه قدامك
Never average down
ملحوظه مهمة جدا، فى الاتجاه الهابط بنعمل ايقاف خسارة مش بنعمل متوسط