Paano Mag-convert ng Maliit na Balanse sa Account sa BNB

Sa tuwing magte-trade ka, magkakaroon ng ilang "dust" - isang maliit na balanseng naiiwan sa iyong account wallet pagkatapos ng transaksyon. Sa Binance, puwede kang mag-convert ng dust na may valuation na mas mababa sa 0.0012 BTC sa BNB isang beses bawat 6 na oras gamit ang madadaling hakbang na ito.

1. Mag-log in sa iyong account sa Binance at i-click ang [Wallet] - [Fiat at Spot]. 

2. I-click ang [Mag-convert ng Maliit na Balanse sa BNB] para suriin kung aling mga asset sa iyong account ang puwedeng i-convert sa BNB.

3. Dito makikita mo ang listahan ng mga asset na available na i-convert sa BNB. Lagyan ng tsek ang kahon sa tabi ng mga asset na gusto mong i-convert at i-click ang [I-convert]. Para suriin ang iyong kasaysayan ng pag-convert, i-click ang [Kasaysayan ng Pag-convert].

Tandaan:

• Puwede kang mag-convert ng maraming asset hangga't gusto mo sa isang pag-convert.
• Ang mga token na natanggal sa pagkakalista ay hindi puwedeng i-convert.
• Puwede kang magsagawa ng isang pag-convert ng maliit na balanse tuwing 6 na oras.
• Tandaan lang na ang value ng pag-convert na iminungkahi ng system ay isang pagtatantya lang. Ang mga napiling asset ay iko-convert sa BNB ayon sa kasalukuyang market price kapag nag-click ka sa [Kumpirmahin].
• Kung ang valuation ng asset ay wala pang 0.00000001 BNB, hindi ito mako-convert sa BNB.
• Kung mayroong 5% (o higit pang) pagbabago sa panahon ng pag-convert, para sa kapakinabangan ng aming mga user, ang proseso ng pag-convert ay hindi magpapatuloy. Subukan ulit mamaya.

Para sa karagdagang impormasyon sa crypto dust, sumangguni sa Ano ang Dusting Attack?.