Ang pagkalkula sa Mark Price ay mahigpit na nauugnay sa Rate ng Pagpopondo at kabaliktaran. Lubos na inirerekomendang basahin ang dalawang seksyon para maunawaan nang mabuti kung paano gumagana ang sistema.

Dahil ang Unrealized PNL ang pangunahing nagtutulak sa mga liquidation, mahalagang siguraduhin na tumpak ang pagkalkula sa Unrealized PnL para maiwasan ang mga hindi kinakailangang liquidation. Ang pinagbabatayang kontrata ng Perpetual Contract ay ang ‘tunay’ na value ng Kontrata, at ang average ng mga presyo sa mga pangunahing merkado ang bumubuo sa “Index ng Presyo” na pangunahing bahagi ng Mark Price.

Ang Index ng Presyo ay isang bucket ng mga presyo mula sa mga pangunahing palitan ng Spot Market, na tinitimbang batay sa relatibong dami ng mga ito. Ang Index ng Presyo para sa mga USDⓈ-M futures contract ay hango sa mga presyo mula sa Huobi, Okex, Bittrex, HitBTC, Gate.io, Bitmax, Poloniex, MXC.

Tingnan ang mga reference ng Index ng Presyo para sa bawat USDⓈ-M Futures Contract.

May mga karagdagang proteksyon para maiwasan ang pangit na performance sa merkado sa panahon ng outage ng mga palitan ng Spot o kapag may mga problema sa koneksyon:

Ngayong nakalkula na natin ang Index ng Presyo, na puwedeng ituring bilang “Spot Price,” puwede na tayong magpatuloy sa pagkalkula ng Mark Price na ginagamit para sa lahat ng pagkalkula ng Unrealized PnL. Tandaan na ang Realized PnL ay nakabatay pa rin sa mga aktwal na ipinatupad na market price.

Ang sumusunod ay ang formula ng mark price para sa mga perpetual futures contract:

Mark price = Median* (Price 1, Price 2, Contract Price)

Presyo 1 = Index ng Presyo*(1 + Huling Rate ng Pagpopondo*(Oras Bago ang Pagpopondo /8))

Presyo 2 = Index ng Presyo + Moving Average (5 minutong Batayan) *

*Moving Average (5 minutong Batayan) = Moving Average ((Bid1+Ask1)/2- Index ng Presyo), sinusukat bawat minuto nang may 5 minutong palugit.

*Median: Kung ang Presyo 1 < Presyo 2 < Contract Price, gamitin ang Presyo 2 bilang Mark price.

Tandaan na dahil sa matitinding kondisyon sa merkado o paglihis sa mga pinagmumulan ng presyo, na puwedeng humantong sa paglihis ng mark price sa spot price, magsasagawa ang Binance ng mga karagdagang hakbang bilang proteksyon, ibig sabihin, Mark price = Presyo 2 sa ganitong sitwasyon.

Ang Mark Price ay mas magandang pagtatantya sa ‘tunay’ na value ng kontrata, kumpara sa mga presyo ng Perpetual Futures na posibleng mas volatile sa panandalian. Ginagamit namin ang presyong ito para maiwasan ang mga hindi kinakailangang liquidation para sa mga trader at para mapigilan ang anumang pagmamanipula sa merkado mula sa masasamang loob.