ຈະໃຊ້ຟັງຊັ່ນການກູ້ຢືມອັດຕະໂນມັດ ແລະ ການຊໍາລະຄືນອັດຕະໂນມັດແນວໃດ?

ວາງຄໍາສັ່ງຊື້/ຂາຍ ໂດຍການກູ້ຢືມຊັບສິນສະກຸນເງິນຄຣິບໂຕແບບອັດຕະໂນມັດຕາມ Leverage ສູງສຸດຂອງທ່ານ. ສະຫຼຸບແລ້ວ, ມັນເທົ່າກັບ "ການກູ້ຢືມ + ການສັ່ງ (ປົກກະຕິ)". 
ກະລຸນາຮັບຮູ້:

• ການກູ້ຢືມແມ່ນຖືວ່າສໍາເລັດເມື່ອຄໍາສັ່ງຖືກວາງຢ່າງສໍາເລັດຜົນ. ມັນບໍ່ໄດ້ໝາຍເຖິງການສໍາເລັດຄໍາສັ່ງ.
• ເນື່ອງຈາກການເຄື່ອນໄຫວຂອງຕະຫຼາດ, ການກູ້ຢືມອັດຕະໂນມັດອາດຈະກູ້ຢືມເງິນຈໍານວນຊັບສິນຫຼາຍກວ່າເກົ່າເພື່ອຫຼີກເວັ້ນຄ່າຜິດດ່ຽງ ແລະ ເພີ່ມໂອກາດໃນການເຮັດຄໍາສັ່ງໃຫ້ສໍາເລັດ.
• ຖ້າຄໍາສັ່ງກູ້ຢືມອັດຕະໂນມັດຖືກຍົກເລີກກ່ອນທີ່ຈະຖືກຂຽນຕື່ມແລ້ວ, ຈໍານວນທີ່ກູ້ຢືມຈະຖືກຊໍາລະຄືນໂດຍອັດຕະໂນມັດ. ຢ່າງໃດກໍ່ຕາມ, ອາດຈະຍັງສ້າງດອກເບ້ຍທີ່ກ່ຽວຂ້ອງໄດ້.

ຫຼັງຈາກຄໍາສັ່ງຊື້/ຂາຍສໍາເລັດແລ້ວ, ແລ້ວລະບົບຈະນໍາໃຊ້ຊັບສິນສະກຸນເງິນຄຣິບໂຕທີ່ໄດ້ຮັບໂດຍອັດຕະໂນມັດ ເພື່ອຊໍາລະໜີ້ສິນຂອງຊັບສິນ. ທ່ານຈະຕ້ອງຊໍາລະຄືນດ້ວຍຊັບສິນດຽວກັນທີ່ທ່ານກູ້ຢືມ (ຕົວຢ່າງ, ຖ້າຢືມ BTC, ແລ້ວຈ່າຍຄືນໃນ BTC) ແລະ ດອກເບ້ຍຈະຖືກຊໍາລະຄືນກ່ອນເງິນຕົ້ນທຶນ. ສະຫຼຸບແລ້ວ, ມັນເທົ່າກັບ "ຄໍາສັ່ງ (ປົກກະຕິ) + ຄໍາສັ່ງທີ່ຖືກຂຽນຕື່ມແລ້ວ + ການຈ່າຍຊໍາລະຄືນ".

• ຈໍານວນການຊໍາລະຄືນແມ່ນອີງໃສ່ຈໍານວນທີ່ໄດ້ຮັບ. ໃນກໍລະນີມີຄ່າຜິດດ່ຽງເກີດຂຶ້ນ, ເຊັ່ນ: ຄໍາສັ່ງທີ່ວາງໄວ້ດ້ວຍຈໍານວນ 50 USDT, ແຕ່ວ່າໄດ້ຮັບພຽງແຕ່ 40 USDT, ແລ້ວລະບົບຈະພະຍາຍາມຊໍາລະຄືນ 40 USDT ໃຫ້ແກ່ຜູ້ໃຊ້.
• ຕົວຢ່າງ, ຜູ້ໃຊ້ໄດ້ວາງຄໍາສັ່ງຂາຍທີ່ຈ່າຍອັດຕະໂນມັດໃນຈໍານວນ 50 USDT, ແຕ່ໄດ້ຮັບພຽງແຕ່ 40 USDT, ແລະ ກ່ອນທີ່ລະບົບຈະຊໍາລະຄືນໜີ້ສິນນີ້, ຜູ້ໃຊ້ໄດ້ໄດ້ໃຊ້ເງິນ 20 USDT ຂອງຄໍາສັ່ງດັ່ງກ່າວ ເພື່ອວາງຄໍາສັ່ງໃໝ່ໂດຍບັງເອີນ. ເມື່ອລະບົບພະຍາຍາມຊໍາລະຄືນ 40 USDT ໃຫ້ແກ່ຜູ້ໃຊ້, ການຊໍາລະຄືນດັ່ງກ່າວລົ້ມເຫຼວ. ຫຼັງຈາກນັ້ນລະບົບພະຍາຍາມຈ່າຍຄືນ 40 * 90% = 36 USDT ຈາກບັນຊີແຕ່ກໍ່ລົ້ມເຫຼວ. ຜູ້ໃຊ້ຈະຕ້ອງຊໍາລະໜີ້ດ້ວຍຕົນເອງ.
• ກ່ອນທີ່ລະບົບຈະຊໍາລະຄືນໜີ້ສິນດັ່ງກ່າວ, ຖ້າເງິນທຶນທີ່ໄດ້ຮັບຖືກນໍາໃຊ້ເພື່ອຈຸດປະສົງອື່ນໆທີ່ເຮັດໃຫ້ຍອດຄົງເຫຼືອບໍ່ພຽງພໍເພື່ອທີ່ຈະຈ່າຍຈໍານວນເງິນກູ້, ແລ້ວການຊໍາລະຄືນຈະລົ້ມເຫຼວ. ລະບົບຈະພະຍາຍາມຊໍາລະຄືນເປັນຄັ້ງທີສອງໂດຍໃຊ້ 90% ຂອງຊັບສິນຄຣິບໂຕທີ່ໄດ້ຮັບ. ຖ້າຄວາມພະຍາຍາມທີສອງລົ້ມເຫຼວ, ແລ້ວລະບົບຈະຢຸດຂະບວນການຊໍາລະຄືນ ແລະ ທ່ານຈະຕ້ອງຊໍາລະຄືນດ້ວຍຕົນເອງພາຍໃຕ້ໂໝດ 'ປົກກະຕິ'. ສໍາລັບລາຍລະອຽດເພີ່ມເຕີມກ່ຽວກັບການຊໍາລະດ້ວຍຕົນເອງນັ້ນ, ກະລຸນາເບິ່ງ ວິທີການຊໍາລະຄືນໜີ້ໃນ Binance.

1. ເຂົ້າສູ່ລະບົບບັນຊີ Binance ຂອງທ່ານໃນແອັບ Binance ແລະ ໄປທີ່ [ການຊື້ຂາຍ] - [Margin].

2. ແຕະ [ອັດຕະໂນມັດ] ແລະ ປ່ຽນທີ່ປຸ່ມປ່ຽນຂ້າງໆ ການກູ້ຢືນອັດຕາໂນມັດ ແລະ ຊໍາລະຄືນອັດຕະໂນມັດ ເພື່ອເປີດໃຊ້ງານ ແລະ ປິດໃຊ້ງານ. 

ກະລຸນາຮັບຮູ້ວ່າ ເມື່ອທັງສອງຟັງຊັ່ນຖືກປິດໃຊ້ງານແລ້ວ, ທ່ານຈະຊື້ຂາຍໃນປະເພດຄໍາສັ່ງປົກກະຕິ.

1. ເຂົ້າສູ່ລະບົບບັນຊີ Binance ຂອງທ່ານ ແລະ ໄປທີ່ [ການຊື້ຂາຍ] - [Margin].

2. ພາຍໃຕ້ແຖບ [Cross] ຫຼື [Isolated] , ໃຫ້ຄລິກ [ຢືມ] ຫຼື [ຊໍາລະຄືນ] ເພື່ອຕັ້ງຄ່າຄວາມມັກໃນການກູ້ຢືມອັດຕະໂນມັດ ແລະ ການຊໍາລະຄືນຂອງທ່ານ.

ໂດຍການນໍາໃຊ້ເວັບໄຊນັ້ນ, ທ່ານຈະຕ້ອງເລືອກໂໝດ 'ປົກກະຕິ' ດ້ວຍຕົນເອງໃນເວລາທີ່ວາງຄໍາສັ່ງໃໝ່ເພື່ອປິດໃຊ້ງານໂໝດອັດຕະໂນມັດ.

1. ເຂົ້າສູ່ລະບົບບັນຊີ Binance ຂອງທ່ານແລ້ວໄປທີ່ [ການຊື້ຂາຍ] - [Margin]. 

2. ພາຍໃຕ້ແຖບ [Cross] ຫຼື [Isolated] , ໃຫ້ຄລິກໃສ່ [ປົກກະຕິ].

1. ເຂົ້າສູ່ລະບົບບັນຊີ Binance ຂອງທ່ານ. ໄປທີ່ໄອຄອນ wallet ແລະ ເລືອກ [Margin]. ເລື່ອນ ແລະ ຄລິກໃສ່ [ຄໍາສັ່ງ] - [ຄໍາສັ່ງ Margin] ຈາກແຖບດ້ານຊ້າຍ. ເລືອກແຖບ [ປະຫວັດຄໍາສັ່ງ] .

2. ພາຍໃຕ້ແຖບ [ປະຫວັດຄໍາສັ່ງ] , ໃຫ້ຄລິກທີ່ລູກສອນຢູ່ໃນລາຍການທີ່ເລືອກເພື່ອຂະຫຍາຍລາຍລະອຽດ. ຖັນ ປະເພດ Margin ຈະຊີ້ບອກວ່າໂໝດຄໍາສັ່ງແມ່ນ ການກູ້ຢືນອັດຕະໂນມັດ, ການຊໍາລະຄືນອັດຕາໂນມັດ ຫຼື ປົກກະຕິ.

3. ເພື່ອເບິ່ງປະຫວັດທຸລະກຳ ການກູ້ຢືນອັດຕະໂນມັດ ສະເພາະນັ້ນ, ໃຫ້ຄລິກ [ຄໍາສັ່ງ] - [ຄໍາສັ່ງ Margin] - [ການກູ້ຢືມ]. ເລືອກແຖບ [Cross] ຫຼື [Isolated] .

ກະລຸນາຮັບຊາບ, ເຖິ່ງແມ່ນວ່າຄໍາສັ່ງການກູ້ຢືມອັດຕະໂນມັດຖືກຍົກເລີກກໍຕາມ, ມັນຍັງອາດຈະສ້າງດອກເບ້ຍທີ່ກ່ຽວຂ້ອງຢູ່. ທ່ານສາມາດກວດເບິ່ງປະຫວັດຂອງດອກເບ້ຍການກູ້ຢືມຕ່າງໆຢູ່ໃນແຖບ [ການຊໍາລະຄືນ] .

4. ເພື່ອເບິ່ງປະຫວັດທຸລະກຳ ການກູ້ຢືນອັດຕະໂນມັດ ສະເພາະນັ້ນ, ໃຫ້ຄລິກ [ຄໍາສັ່ງ] - [ຄໍາສັ່ງ Margin] - [ການຈ່າຍຊໍາລະຄືນ]. ເລືອກແຖບ [Cross] ຫຼື [Isolated] . 

ກະລຸນາຮັບຊາບ, ເຖິ່ງແມ່ນວ່າຄໍາສັ່ງການກູ້ຢືມອັດຕະໂນມັດຖືກຍົກເລີກກໍຕາມ, ມັນຍັງອາດຈະສ້າງດອກເບ້ຍທີ່ກ່ຽວຂ້ອງຢູ່. ດອກເບ້ຍທີ່ສ້າງຂຶ້ນຕ່າງໆຈະສະແດງຢູ່ທີ່ນີ້.

1. ເຂົ້າສູ່ລະບົບບັນຊີ Binance ຂອງທ່ານໃນແອັບດັ່ງກ່າວ. ແຕະ [ການຊື້ຂາຍ] - [Margin] ແລະ ໄອຄອນ ປະຫວັດຄໍາສັ່ງ .

2. ເລືອກແຖບ [ປະຫວັດຄໍາສັ່ງ] ເພື່ອເບິ່ງປະຫວັດການຄໍາສັ່ງຊື້ອັດຕະໂນມັດ ແລະ ການຊໍາລະຄືນອັດຕະໂນມັດ. ເພື່ອເບິ່ງສະເພາະປະຫວັດທຸລະກໍາການ ກູ້ຢືມອັດຕະໂນມັດ ຫຼື ການຊໍາລະຄືນອັດຕະໂນມັດ, ໃຫ້ແຕະແຖບ [ປະຫວັດໜີ້ສິນ] ແລະ ສະຫຼັບລະຫວ່າງ [ການກູ້ຢືມ] ແລະ [ການຈ່າຍຊໍາລະຄືນ].