ຄວາມປອດໄພຕ້ອງມາກ່ອນ: ຈະສັງເກດ ແລະ ຫຼີກເວັ້ນການຫລອກລວງສະກຸນເງິນຄຣິບໂຕແນວໃດ?

ຜູ້ຫຼອກລວງສະກຸນເງິນຄຣິບໂຕມີເປົ້າໝາຍເຈາະຈົງໃສ່ຜູ້ໃຊ້ໃໝ່ຜູ້ທີ່ທັງບໍ່ຄຸ້ນເຄີຍກັບອຸດສາຫະກໍາ ແລະ ເບິ່ງຕະຫຼາດສະກຸນເງິນຄຣິບໂຕເປັນໂອກາດສ້າງລາຍໄດ້ແບບງ່າຍໆເປັນຕົ້ນຕໍ. ຖ້າທ່ານຍັງແມ່ນມືໃໝ່ ໃນຂົງເຂດສະກຸນເງິນຄຣິບໂຕ ຫຼື ຮູບແບບການລົງທຶນໃດກໍ່ຕາມ, ມັນສໍາຄັນທີ່ຈະສ້າງຄວາມຮູ້ໃຫ້ຕົນເອງ ແລະ ມີຄວາມລະມັດລະວັງ ເພື່ອຫຼີກເວັ້ນການຕົກເປັນເຫຍື່ອຂອງແຜນການຂອງພວກເຂົາ. FAQ ນີ້ ຖືກອອກແບບເພື່ອໃຫ້ທ່ານມີຂໍ້ມູນ ແລະ ຍຸດທະສາດທີ່ສຳຄັນເພື່ອຫຼີ້ກລຽງຜູ້ຫຼອກລວງສະກຸນເງິນຄຣິບໂຕ ແລະ ປົກປ້ອງການລົງທຶນຂອງທ່ານ.

1. ຂ້ອຍຈະສາມາດກໍານົດໄດ້ແນວໃດວ່າໃຜຄົນໜຶ່ງແມ່ນເຈົ້າໜ້າທີ່ Binance ຕົວຈິງ?

ຢ່າເຊື່ອໃຜທີ່ອ້າງວ່າເປັນຕົວແທນຂອງ Binance ໃນທັນທີ. ຢືນຢັນແຫຼ່ງທີ່ມາສະເໝີ ໂດຍໃຊ້ຖານຂໍ້ມູນທີ່ເປັນທາງການຂອງພວກເຮົາ, Binance ຢືນຢັນ ເປັນຂັ້ນຕອນທໍາອິດຂອງທ່ານ. ເຄື່ອງມືນີ້ຊ່ວຍໃຫ້ທ່ານສາມາດກວດເບິ່ງໂດເມນ Binance ທີ່ເປັນທາງການ, ທີ່ຢູ່ອີເມວ, ເບີໂທລະສັບ, Telegram IDs, WeChat IDs ແລະ X handles. ຢ່າງໃດກໍຕາມ, ໃຫ້ລະມັດລະວັງເຖິງແມ່ນວ່າແຫຼ່ງດັ່ງກ່າວຈະປາກົດເປັນຢືນຢັນແລ້ວຢູ່ໃນ Binance ຢືນຢັນ ເພາະວ່າຜູ້ຫຼອກລວງມັກຈະໃຊ້ຊື່ທີ່ແທ້ຈິງຂອງພະນັກງານ Binance ເພື່ອຫຼອກລວງຜູ້ເຄາະຮ້າຍ. ຖ້າທ່ານບໍ່ແນ່ໃຈ, ພວກເຮົາແນະນໍາໃຫ້ຕິດຕໍ່ຫາ ຝ່າຍຊ່ວຍເຫຼືອລູກຄ້າ ຂອງພວກເຮົາຜ່ານເວັບໄຊທາງການ ຫຼື ແອັບກ່ອນການດໍາເນີນການປະຕິສໍາພັນຕໍ່ໄປ.

2. ສັນຍານອັນໃດທີ່ຂ້ອຍຄວນຊອກຫາ ເພື່ອກວດວ່າອາດເປັນການຫຼອກລວງໃຫ້ລົງທຶນ ໃນສະກຸນເງິນຄຣິບໂຕ?

ຕົວຊີ້ວັດວ່າ ໂຄງການລົງທຶນສະກຸນເງິນຄຣິບໂຕໃດໜຶ່ງອາດຈະເປັນການຫຼອກລວງນັ້ນປະກອບມີ:

• ຜົນຕອບແທນທີ່ເກີນຈິງ: ຈົ່ງລະມັດລະວັງໂຄງການທີ່ໃຫ້ຜົນຕອບແທນປະຈໍາປີສູງເປັນພິເສດ ໂດຍບໍ່ມີຄວາມສ່ຽງການສູນເສຍທຶນ. ຄໍາສັນຍາດັ່ງກ່າວມັກຈະເປັນສັນຍານການຫຼອກລວງ, ຍ້ອນວ່າການລົງທຶນທີ່ໜ້າເຊື່ອຖືນັ້ນຕາມປົກກະຕິມັກຈະມາພ້ອມກັບຄວາມສ່ຽງ ແລະ ຜົນຕອບແທນທີ່ເໜາະກັບຄວາມເປັນຈິງ.
• ບັນຫາການຖອນເງິນ: ຖ້າໂຄງການປະຕິເສດຄໍາຮ້ອງຂໍຖອນເງິນຂອງທ່ານ ຫຼື ຮຽກຮ້ອງໃຫ້ຝາກຊັບສິນເພີ່ມເຕີມກ່ອນທີ່ຈະອະນຸຍາດໃຫ້ຖອນ ແລ້ວນັ້ນແມ່ນສິ່ງບົ່ງບອກ. ແພລັດຟອມທີ່ໜ້າເຊື່ອຖືຄວນໃຫ້ຄວາມສະດວກໃນການຖອນເງິນໄດ້ຢ່າງງ່າຍດາຍ ແລະ ບໍ່ມີອຸປະສັກທີ່ບໍ່ຈໍາເປັນ.
• ການຮ້ອງຂໍທີ່ຜິດປົກກະຕິ: ລະວັງໂຄງການທີ່ຮ້ອງຂໍໃຫ້ມີຂໍ້ມູນທີ່ລະອຽດອ່ອນ ຫຼື ຮ້ອງຂໍໃຫ້ມີການກະທໍາທີ່ຜິດປົກກະຕິເຊັ່ນ: ການຝາກເງິນທຶນເພີ່ມເຕີມເພື່ອ "ປົດລ໋ອກ" ການບໍລິການຖອນເງິນ. ໂດຍທົ່ວໄປແລ້ວ, ເຕັກນິກເຫຼົ່ານີ້ແມ່ນໃຊ້ໂດຍ ຜູ້ຫຼອກຫຼວງເພື່ອຊັກຈູງຜູ້ໃຊ້ໃຫ້ສະໜອງຊັບສິນເພີ່ມເຕີມ.

ທີ່ Binance, ພວກເຮົາໃຫ້ຄວາມສຳຄັນກັບຄວາມປອດໄພຂອງຊັບສິນຂອງທ່ານ ແລະ ໃຊ້ ມາດຕະການຕ້ານການຫຼອກລວງ ຕ່າງໆ, ໂດຍສະເພາະໃນໜ້າການຖອນເງິນ. ຕົວຢ່າງ, ຖ້າທ່ານພະຍາຍາມສົ່ງເງິນໄປຫາທີ່ຢູ່ບັນຊີດໍາຫຼາຍຄັ້ງ, ພວກເຮົາປະຕິບັດໄລຍະລະງັບ ເພື່ອຈໍາກັດການຖອນເງິນຊົ່ວຄາວ. ສິ່ງນີ້ຊ່ວຍໃຫ້ທ່ານສາມາດປະເມີນການເຮັດທຸລະກໍາຄືນໃໝ່ ແລະ ປະເມີນວ່າທ່ານອາດຈະພົວພັນກັບຜູ້ຫຼອກລວງ ຫຼື ບໍ່.

3. ຂ້ອຍຈະເຮັດການກວດສອບປະຫວັດເບື້ອງຕົ້ນກ່ອນການລົງທືນໂຄງການໄດ້ແນວໃດ?

ມັນເປັນສິ່ງສຳຄັນທີ່ຈະເຮັດການຄົ້ນຄວ້າຢ່າງລະອຽດກ່ອນທີ່ຈະມອບເງິນທຶນຂອງທ່ານໃຫ້ກັບແພລັດຟອມ, ບຸກຄົນ ຫຼື ນິຕິບຸກຄົນໃດໜຶ່ງ. ເລີ່ມຕົ້ນໂດຍການດໍາເນີນການຄົ້ນຫາຢູ່ Google ແບບງ່າຍໆກ່ຽວກັບໂຄງການ ຫຼື ຊື່ເວັບໄຊດັ່ງກ່າວ. ທ່ານສາມາດນໍາໃຊ້ເຄື່ອງມືຕ່າງໆເພື່ອເກັບກໍາຂໍ້ມູນທີ່ສໍາຄັນກ່ຽວກັບໂຄງການໃດໜຶ່ງ. ຕົວຢ່າງ, who.is ຊ່ວຍໃຫ້ທ່ານສາມາດກໍານົດວັນທີກໍ່ຕັ້ງ ແລະ ໄລຍະເວລາກິດຈະກໍາຂອງເວັບໄຊ. ນອກຈາກນັ້ນ, ແພລັດຟອມ ເຊັ່ນ: Scamadviser ແລະ Scamvoid ຊ່ວຍໃຫ້ທ່ານສາມາດປະເມີນ URLs ໂດຍການອ້າງອີງຖານຂໍ້ມູນທີ່ປະເມີນຄວາມໜ້າເຊື່ອຖືຂອງເວັບໄຊ.

4. ຂ້ອຍຈະໃຊ້ເຄື່ອງມືສອບຖາມສະກຸນເງິນຄຣິບໂຕ ເພື່ອປະເມີນຄວາມສ່ຽງທີ່ອາດຈະເກີດຂຶ້ນໄດ້ແນວໃດ?

ເມື່ອປະເຊີນກັບການຮ້ອງຂໍໃຫ້ໂອນເງິນໄປຫາທີ່ຢູ່ wallet ທີ່ບໍ່ຄຸ້ນເຄີຍ, ຈົ່ງນໍາໃຊ້ block explorer ເຊັ່ນ: Bitquery ເພື່ອສອບຖາມຂໍ້ມູນທີ່ຢູ່ລ່ວງໜ້າ. ໃຫ້ເອົາໃຈໃສ່ກັບປັດໃຈຕ່າງໆເຊັ່ນ: ຍອດຄົງເຫຼືອຂອງທີ່ຢູ່ໃນຊ່ວງໄລຍະເວລາ, ວັນທີສ້າງ, ຄວາມຖີ່ຂອງການຖອນເງິນ ແລະ ຈຸດໝາຍປາຍທາງຂອງເງິນທຶນ.

ສໍາລັບຄໍາແນະນໍາທີ່ຮັດກຸມກ່ຽວກັບການນໍາໃຊ້ Bitcoin blockchain explorer ແລະ ທໍາເຂົ້າໃຈຟັງຊັນຂອງມັນນັ້ນ, ກະລຸນາເບິ່ງຄໍາແນະນໍາຂອງພວກເຮົາ: ວິທີການໃຊ້ Bitcoin Blockchain Explorer.

5. ລະບົບການເຊີນແບບຂັ້ນຖືວ່າມີຄວາມສ່ຽງສູງບໍ່?

ແມ່ນແລ້ວ, ລະບົບການເຊີນຂັ້ນທີ່ໃຫ້ຄໍາໝັ້ນສັນຍາວ່າຈະໃຫ້ຜົນຕອບແທນສູງ ແລະ ຕ້ອງການເງິນຝາກເພື່ອຍົກລະດັບລະດັບ VIP ນັ້ນ ໂດຍທົ່ວໄປແລ້ວຖືວ່າມີຄວາມສ່ຽງສູງ ແລະ ມັກຈະເປັນຕົວຊີ້ບອກກ່ຽວກັບການຫຼອກລວງ. ໂດຍທົ່ວໄປແລ້ວ, ໂຄງຮ່າງການເຫຼົ່ານີ້ ຈະເຊື່ອມໂຍງລາຍຮັບຂອງທ່ານກັບຈໍານວນຜູ້ໃຊ້ໃໝ່ທີ່ທ່ານຮັບສະໝັກ ເພື່ອໃຫ້ຝາກເງິນທຶນ, ເຊິ່ງຂາດຮູບແບບທຸລະກິດທີ່ໝັ້ນຄົງ. ດໍາເນີນການດ້ວຍຄວາມລະມັດລະວັງເມື່ອພົບກັບແຜນງານດັ່ງກ່າວ.

6. ຂ້ອຍຈະລະບຸໄດ້ແນວໃດວ່າຄູ່ນັດພົບກັນທາງອອນໄລນ໌ຂອງຂ້ອຍອາດຈະເປັນຜູ້ຫຼອກລວງ? ມີເຄື່ອງມືອັນໃດແດ່ເພື່ອຢືນຢັນຕົວຕົນຂອງເຂົາເຈົ້າ?

ຜູ້ຫຼອກລວງມັກຈະພະຍາຍາມສ້າງຄວາມໜ້າເຊື່ອຖືໃນຕອນຕົ້ນ ໂດຍການສະແດງຕົນເອງເປັນບຸກຄົນທີ່ຮັ່ງມີ, ດ້ວຍຮູບພາບທີ່ຫຼູຫຼາກັບສິນຄ້າລາຄາເພງເຊັ່ນ: ລົດສະປອດ ຫຼື ສິນຄ້າມີຍີ່ຫໍ້. ຢ່າງໃດກໍຕາມ, ເລື່ອງລາວຂອງເຂົາເຈົ້າມັກຈະຂາດຄວາມສອດຄ່ອງກັນ ແລະ ລາຍລະອຽດ. ໃຫ້ມີຄວາມລະມັດລະວັງຕໍ່ຄວາມບໍ່ສອດຄ່ອງກັນຂອງເລື່ອງລາວຂອງເຂົາເຈົ້າ ແລະ ຕົວຊີ້ບອກອື່ນໆທີ່ສະແດງໃຫ້ເຫັນວ່າເຂົາເຈົ້າກໍາລັງປິດບັງຕົວຕົນທີ່ແທ້ຈິງຂອງເຂົາເຈົ້າ. ຕົວຢ່າງເຊັ່ນ: ໃຫ້ລະມັດລະວັງຖ້າພວກເຂົາຫຼີກລ່ຽງການປະຊຸມແບບຕົວຕໍ່ຕົວຢ່າງຕໍ່ເນື່ອງ ຫຼື ອ້າງວ່າມີຄວາມຫຍຸ້ງຍາກທາງດ້ານເຕັກນິກໃນລະຫວ່າງການໂທຜ່ານວີດີໂອ.

ໂດຍທົ່ວໄປແລ້ວ, ຜູ້ຫຼອກລວງມັກຈະລັກເອົາຮູບພາບຈາກເວັບໄຊ ຫຼື ໂປຣໄຟລ໌ຈາກສື່ອອນໄລນ໌ ເພື່ອອ້າງຕົວຕົນທີ່ບໍ່ຖືກຕ້ອງ. ໃຊ້ແອັບພລິເຄຊັ່ນຊອກຫາຮູບພາບເຊັ່ນ FaceCheck.ID, TinEye, Google Images ຫຼື Baidu ເພື່ອກວດສອບຄວາມຖືກຕ້ອງຂອງຕົວຕົນທີ່ອ້າງຂອງເຂົາເຈົ້າ. ເຄື່ອງມືເຫຼົ່ານີ້ ສາມາດຊ່ວຍໃຫ້ກວດພົບຮູບພາບທີ່ຖືກລັກ ຫຼື ຖືກປັບປຸງ, ເຊິ່ງຈະຊ່ວຍທ່ານໃນການປ້ອງກັນການຫຼອກລວງທີ່ອາດເກີດຂຶ້ນ.

7. ຂ້ອຍສາມາດຊອກຫາການອັບເດດຫຼ້າສຸດກ່ຽວກັບມາດຕະການຕ້ານການຫຼອກລວງ ແລະ ກໍລະນີການສຶກສາໄດ້ຢູ່ໃສ?

Binance ສະຫຼອງຊັບພະຍາກອນຕ້ານການຫຼອກລວງທີ່ຮັດກຸມ ແລະ ກໍລະນີການສຶກສາໂດຍຜ່ານ Binance Risk Sniper ແລະ Binance Blog. ພວກເຮົາຂໍແນະນໍາໃຫ້ທ່ານຕິດຕາມເວັບໄຊທາງການຂອງພວກເຮົາເປັນປະຈໍາ ເພື່ອແຈ້ງໃຫ້ຊາບກ່ຽວກັບການພັດທະນາ ແລະ ກົນລະຍຸດຫຼ້າສຸດ ໃນການປົກປ້ອງການລົງທຶນຂອງທ່ານຕໍ່ກັບກິດຈະກໍາການສໍ້ໂກງຕ່າງໆ.

8. ຂ້ອຍຄວນເຮັດແນວໃດ ຖ້າຂ້ອຍຕົກເປັນເຫຍື່ອຂອງການຫຼອກລວງ?

ຖ້າທ່ານສົງໃສວ່າທ່ານເຈົ້າຖືກຫຼອກລວງ, ໃຫ້ເຮັດຕາມຂັ້ນຕອນຕໍ່ໄປນີ້:

• ຕິດຕໍ່ເຈົ້າຫຼ້າທີ່: ລາຍງານເຫດການກັບຕໍາຫຼວດ ແລະ ໃຫ້ຫຼັກຖານຕ່າງໆທີ່ທ່ານມີ. ໃນຂະນະທີ່ບໍ່ຮັບປະກັນການກູ້ຄືນເງິນທີ່ສູນເສຍ, ແຕ່ການນໍາໃຊ້ການບັງຄັບໃຊ້ກົດໝາຍ ແມ່ນເພີ່ມໂອກາດທີ່ຈະຈັບຜູ້ຮ້າຍ ແລະ ອາດຈະດຶງເອົາບາງເງິນທຶນຈໍານວນໜຶ່ງຂອງທ່ານ.
• ລາຍງານໃຫ້ຝ່າຍຊ່ວຍເຫຼືອລູກຄ້າ Binance: ຍື່ນບົດລາຍງານທັນທີກັບຝ່າຍຊ່ວຍເຫຼືອລູກຄ້າ Binance, ໂດຍໃຫ້ລາຍລະອຽດກ່ຽວກັບການຫຼອກລວງ ແລະ ຂໍ້ມູນທີ່ກ່ຽວຂ້ອງ. ຄໍາແນະນໍາກ່ຽວກັບວິທີການດັ່ງກ່າວແມ່ນສາມາດພົບໄດ້ຢູ່ໃນ FAQ ນີ້.
• ແຈ້ງໃຫ້ແພລັດຟອມຮັບຮູ້: ແຈ້ງໂປຣໄຟລ໌ ຫຼື ຕົວຕົນຂອງຜູ້ຫຼອກລວງແກ່ເວັບໄຊ, ແອັບພລິເຄຊັ່ນ ຫຼື ແພລັດຟອມສື່ອອນໄລນ໌ທີ່ທ່ານພົບພວກເຂົາຄັ້ງທໍາອິດ. ການປະຕິບັດນີ້ ສາມາດຊ່ວຍປ້ອງກັນຜູ້ອື່ນຈາກການຕົກເປັນເຫຍື່ອຂອງການຫຼອກລວງດຽວກັນ.
• ລະມັດລະວັງກັບການບໍລິການກູ້ຄືນ: ລະມັດລະວັງການບໍລິການທີ່ອ້າງວ່າຈະຊ່ວຍກູ້ເງິນຄືນໃກ້ແກ່ທ່ານ, ຍ້ອນວ່າພວກເຂົາອາດຈະດໍາເນີນການໂດຍຜູ້ຫຼອກລວງດຽວກັນ. ດໍາເນີນການຄົ້ນຄວ້າຢ່າງລະອຽດ ແລະ ກວດສອບຄວາມຖືກຕ້ອງຂອງການບໍລິການກູ້ຄືນຕ່າງໆກ່ອນທີ່ຈະມີສ່ວນຮ່ວມກັບພວກເຂົາ.

ຄວາມປອດໄພການຖອນເງິນ ແລະ ມາດຕະການປ້ອງກັນການຫຼອກລວງ

1. ເປັນຫຍັງຂ້ອຍຈຶ່ງໄດ້ຮັບການແຈ້ງເຕືອນບລັອກການຖອນຕົວຂອງຂ້ອຍ?

Binance ໃຊ້ ມາດຕະການຕ້ານການຫຼອກລວງ ຫຼາຍຢ່າງ ເພື່ອປົກປ້ອງເງິນທຶນຂອງທ່ານໃນລະຫວ່າງການຖອນເງິນ. ຖ້າທ່ານພົບກັບການແຈ້ງເຕືອນບລັອກການຖອນເງິນຂອງທ່ານ, ແລ້ວມັນອາດຈະຖືກກະຕຸ້ນໂດຍທີ່ຢູ່ທີ່ຖືກແຈ້ງວ່າມີຄວາມສ່ຽງສູງຕໍ່ການຫຼອກລວງ ຫຼື ສະແດງພຶດຕິກໍາທີ່ຜິດປົກກະຕິ. ການແຈ້ງເຕືອນເຫຼົ່ານີ້ມີຈຸດປະສົງເພື່ອແຈ້ງໃຫ້ທ່ານຮູ້ກ່ຽວກັບຄວາມສ່ຽງທີ່ກ່ຽວຂ້ອງ. ທ່ານອາດຈະໄດ້ຮັບການແຈ້ງເຕືອນດັ່ງກ່າວຖ້າ:

• ພຶດຕິກໍາການຖອນເງິນ ຫຼື ຮູບແບບການເຮັດທຸລະກໍາຂອງທ່ານຄ້າຍຄືກັບຜູ້ເຄາະຮ້າຍທີ່ຮູ້ຈັກ.
• ທ່ານມີລາຍຊື່ຢູ່ໃນລາຍຊື່ຜູ້ທີ່ອາດຈະຖຶກເຄາະຮ້າຍ ເຊິ່ງສະໜອງໃຫ້ໂດຍເຈົ້າໜ້າທີ່ບັງຄັບໃຊ້ກົດໝາຍ ຫຼື ຄູ່ຮ່ວມງານດ້ານຄວາມປອດໄພຈາກພາກສ່ວນທີສາມ.
• ທີ່ຢູ່ ຫຼື ເວັບໄຊເປົ້າໝາຍຖືກແຈ້ງວ່າມີຄວາມສ່ຽງສູງ ຫຼື ຖືກລາຍງານໂດຍຜູ້ເຄາະຮ້າຍອື່ນໆ.

ຖ້າທ່ານໄດ້ຢືນຢັນທີ່ຢູ່ນັ້ນຖືກຕ້ອງ ແລະ ເຊື່ອຖືໄດ້, ທ່ານສາມາດດຳເນີນການຖອນໄດ້.

2. ມີທາງເລືອກໃດແດ່ ຖ້າຂ້ອຍຕັ້ງໃຈທີ່ຈະດໍາເນີນການຕໍ່ສໍາລັບການຖອນເງິນ?

ໂດຍປົກກະຕິ, ທ່ານສາມາດດໍາເນີນການຖອນເງິນໄດ້ຕາບໃດທີ່ທ່ານແນ່ໃຈວ່າທີ່ຢູ່ຜູ້ຮັບແມ່ນປອດໄພ ແລະ ຖືກກົດໝາຍ.

ໃຊ້ເວລາເລັກນ້ອຍເພື່ອປະເມີນຄືນ: ກ່ອນທີ່ຈະດໍາເນີນການ, ໃຫ້ເຮັດການສຶກສາຢ່າງລະອຽດກ່ຽວກັບທີ່ຢູ່ຜູ້ຮັບ ເພື່ອຮັບປະກັນຄວາມປອດໄພ ແລະ ຄວາມຖືກຕ້ອງຕາມກົດໝາຍ. ຫຼີກເວັ້ນການຕິດຕໍ່ເຈົ້າຂອງທີ່ຢູ່ໂດຍກົງ ເພື່ອປ້ອງກັນການແຊກແຊງການສືບສວນຂອງທ່ານ.

ຊອກຫາຄວາມຄິດເຫັນຈາກພາຍນອກ: ປຶກສາຫາລືກັບໝູ່ເພື່ອນທີ່ເຊື່ອຖືໄດ້ ຫຼື ສະມາຊິກໃນຄອບຄົວເພື່ອທໍາຄວາມເຂົ້າໃຈເພີ່ມເຕີມ, ແຕ່ຫຼີກເວັ້ນການມີສ່ວນຮ່ວມກັບເຈົ້າຂອງທີ່ຢູ່ໂດຍກົງ.

ຕິດຕໍ່ຫາຝ່າຍຊ່ວຍເຫຼືອລູກຄ້າ: ຖ້າທ່ານຍັງຄົງໝັ້ນໃຈໃນຄວາມຖືກຕ້ອງຂອງທີ່ຢູ່ດັ່ງກ່າວ ແລະ ຄວາມປອດໄພຂອງເງິນທຶນຂອງທ່ານ, ກະລຸນາຕິດຕໍ່ກັບຝ່າຍຊ່ວຍເຫຼືອລູກຄ້າ Binance ເພື່ອການຊ່ວຍເຫຼືອ. ສິ່ງນີ້ອາດຈະຕ້ອງເຮັດແບບສອບຖາມຕ້ານການຫຼອກລວງໃຫ້ສໍາເລັດ ແລະ ສະໜອງລາຍລະອຽດຂອງຈຸດປະສົງການຖອນເງິນ. ຫຼັງຈາກຂະບວນການທົບທວນ, ການລະງັບການຖອນອາດຈະຖືກຍົກອອກ.

3. ເປັນຫຍັງ Binance ຈຶ່ງໄດ້ໝາຍວ່າທີ່ຢູ່ຂອງຂ້ອຍກ່ຽວຂ້ອງກັບກິດຈະກໍາການຫຼອກລວງ? 

ຖ້າທີ່ຢູ່/ບັນຊີຂອງທ່ານໄດ້ຖືກລາຍງານວ່າເປັນ 'ການຫຼອກລວງ' ຫຼື ໄດ້ສະແດງຮູບແບບທີ່ຄ້າຍຄືກັນກັບທີ່ຢູ່/ບັນຊີຫຼອກລວງທີ່ຖືກຢືນຢັນແລ້ວ, Binance ຈະໃສ່ປ້າຍໃຫ້ມັນຕາມຄວາມເໝາະສົມ. ເພື່ອຂໍອຸທອນ, ແມ່ນຊຸກຍູ້ໃຫ້ທ່ານຕິດຕໍ່ຝ່າຍຊ່ວຍເຫຼືອລູກຄ້າຂອງພວກເຮົາ ແລະ ໃຫ້ຫຼັກຖານເພື່ອສະໜັບສະໜູນກໍລະນີຂອງທ່ານ. ທີມງານຂອງພວກເຮົາຈະທົບທວນຄືນຂໍ້ມູນໂດຍໄວ ແລະ ຈະຕອບກັບໃຫ້ໄວເທົ່າທີ່ຈະໄວໄດ້

4. ເປັນຫຍັງຂ້ອຍຈຶ່ງເຫັນຄໍາເຕືອນກ່ຽວກັບຄວາມສ່ຽງການຫຼອກລວງທີ່ອາດຈະເກີດຂຶ້ນເມື່ອຖອນໄປຫາທີ່ຢູ່ wallet ຂອງຂ້ອຍເອງ?

ບາງເຫດຜົນທີ່ເປັນໄປໄດ້ສໍາລັບທີ່ຢູ່ wallet ຂອງທ່ານຖືກໝາຍວ່າມີ "ຄວາມສ່ຽງຕໍ່ການຫຼອກລວງ":

• ຖ້າທີ່ຢູ່ wallet ຂອງທ່ານເປັນຂອງແພລັດຟອມທີ່ມີຄວາມສ່ຽງສູງ, ແລະ ທ່ານຂາດລະຫັດສ່ວນຕົວຂອງ Wallet ດັ່ງກ່າວ, ແລ້ວຊັບສິນຂອງທ່ານອາດຈະບໍ່ປອດໄພເທົ່າທີ່ຄາດໄວ້. ຖ້າຂາດການຄວບຄຸມຊັບສິນຂອງທ່ານຢ່າງເຕັມທີ່ຜ່ານລະຫັດສ່ວນຕົວ, ແລ້ວຜູ້ຫຼອກລວງອາດຈະສາມາດເຂົ້າເຖິງເງິນທຶນຂອງທ່ານ. ດັ່ງນັ້ນ, ຈຶ່ງແນະນໍາໃຫ້ຖອນຕົວໄປຫາແພລັດຟອມທີທີ່ເຊື່ອຖືໄດ້ເທົ່ານັ້ນ.
• ການຖອນເງິນຂອງທ່ານອາດຈະຖືກໝາຍໄວ້ ຖ້າການເຄື່ອນໄຫວທຸລະກຳຂອງທ່ານສອດຄ່ອງກັບຜູ້ໃຊ້ທີ່ຖືກຫຼອກລວງ. ໃນກໍລະນີດັ່ງກ່າວ, ກະລຸນາຕິດຕໍ່ ຝ່າຍຊ່ວຍເຫຼືອລູກຄ້າ ເພື່ອຊ່ວຍເຫຼືອໃນການແກ້ໄຂບັນຫາ.
• ທ່ານຢູ່ໃນບັນຊີລາຍຊື່ຂອງຜູ້ເຄາະຮ້າຍທີ່ອາດຈະຖືກສະໜອງໃຫ້ໂດຍຜູ້ບັງຄັບໃຊ້ກົດໝາຍ, ຄູ່ຮ່ວມງານດ້ານຄວາມປອດໄພພາກສ່ວນທີສາມ ແລະ ທີມງານຄວາມສ່ຽງຂອງພວກເຮົາ. 
• ຖ້າທ່ານໄດ້ຖອນເງິນໄປຫາທີ່ຢູ່/ບັນຊີທີ່ມີການສໍ້ໂກງທີ່ຖືກຢືນຢັນເມື່ອບໍ່ດົນມານີ້, ໂດຍບໍ່ຄໍານຶງເຖິງວ່າທ່ານໄດ້ກູ້ເງິນທຶນ, ຜົນກໍາໄລ ຫຼື ຄ່ານາຍໜ້າຂອງທ່ານຄືນ ຫຼື ບໍ່, ທ່ານຍັງຄົງມີຄວາມສ່ຽງສູງທີ່ຈະຖືກຫຼອກລວງ.