لما السوق يضغط ويكسر مستويات حساسة، طبيعي ترتفع أصوات التهويل وكل واحد يرمي سيناريوهات سوداوية
بس إذا بدنا نقرأ الأرقام والشارت بهدوء ومنطق، خلينا نشوف شو عم يصير فعلياً تحت السطح:
البيتكوين اختبر مناطق تحت الستين ألف (وصل حدود 56 ألف ورجع يتماسك حول 59k ألف دولار
هذا الهبوط صفى تجمعات كبيرة من العقود المرفوعة (تصفية مراكز الشراء بين 59 و62 ألف) وهالشي ميكانيكيا بيشيل جزء كبير من ضغط البيع القسري اللي كان معلق فوق السوق
سبب الضغط الأساسي مو نهاية الكريبتو، السبب انكماش مؤقت بالسيولة من جهتين: خروج تدريجي من صناديق الاستثمار الفورية خلال نوفمبر (بحدود 3.4 مليار دولار)، وتراجع معروض العملات المستقرة بالسوق بنحو 14 إلى 16 مليار دولار خلال آخر شهر
يعني ببساطة، الكاش الجاهز للشراء السريع قلّ شوي مع حذر الأسواق وتوقعات الفائدة
رغم الخروج المؤقت هالشهر، الصناديق المؤسسية لسا محتفظة بصافي تدفقات إيجابية ضخمة من وقت إطلاقها تتجاوز 53 مليار دولار، وتصفية الرافعة المالية الزائدة بتنظف السوق من المضاربات العشوائية وبتخلي الحركة الجاية أنظف وأكثر واقعية
البيتكوين اليوم عم يثبت مرة تانية إنو أصل مرتبط بالسيولة قبل أي خبر. التهويل وقت الهبوط ما بيغير شي، والشارت حالياً عم يدور على قاعدة توازن جديدة بعد ما انمسحت المراكز المرفوعة
بشوف إنو أي ارتداد حقيقي ومستدام رح يبدأ لما نشوف استقرار بمعروض العملات المستقرة وتوقف نزيف الصناديق، مو قبل
بهيك مراحل، الهدوء وإدارة المخاطر أهم من ملاحقة كل شمعة حمراء أو خضراء
#CanBTCReboundAfterFallingBelow60K?

